Сафари кории Президенти Ҷумҳурии Тоҷикистон Эмомалӣ Раҳмон ба шаҳри Москваи Федератсияи Россия

8 май Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо даъвати Президенти Федератсияи Россия муҳтарам Владимир Путин бо боздиди корӣ ба шаҳри Москва сафар карданд.

Дар назар аст, ки дар рафти ин сафар Сарвари давлати мо бо Президенти Федератсияи Россия мулоқоти дуҷониба анҷом дода, ба ҳайси Раиси амалкунандаи Шӯрои амнияти дастаҷамъии Созмони аҳдномаи амнияти дастаҷамъӣ (СААД) ба Паради низомӣ, ки бахшида ба 76-умин солгарди Рӯзи Ғалаба 9 май дар Майдони сурхи шаҳри Москва баргузор мегардад, ташриф хоҳанд овард.

Президенти Ҷумҳурии Тоҷикистон Эмомалӣ Раҳмон ба ифтихори 76-солагии Рӯзи Ғалаба дар Ҷанги Бузурги Ватанӣ дар пояи лавҳаи ёдгории «Боғи Ғалаба»-и пойтахт гулчанбар гузоштанд

8 май Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ифтихори 76-солагии Рӯзи Ғалаба дар Ҷанги Бузурги Ватании солҳои 1941-1945 дар «Боғи Ғалаба»-и пойтахт ба пояи лавҳаи ёдгорӣ гулчанбар гузоштанд.

Президенти мамлакат муҳтарам Эмомалӣ Раҳмонро Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ ҳамроҳӣ намуданд.

Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон ба поси хотираи афсарону сарбозон ва ҳамаи онҳое, ки ҷони худро дар Ҷанги Бузурги Ватанӣ нисор кардаанд, дар назди «Оташи ҷовидон» гулчанбар гузоштанд.

Дар ин маросим ҳамчунин, раисони Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, Сарвазири Ҷумҳурии Тоҷикистон, Вазири мудофиа, собиқадорони ҷанги бузурги ватанӣ ва намояндагони дигар мақомотҳо ба хотири қурбониёни ҷанг гулчанбарҳо гузоштанд.

СОҲИЛМУСТАҲКАМКУНӢ

Бахши Раёсати Кумитаи ҳолатҳои фавқулода ва мудофиаи граждании вилояти Суғд дар шаҳри Гулистон баҳри иҷрои қарори Ҳукумати Ҷумҳурии Тоҷикистон, «Дар бораи Стратегияи миллии Ҷумҳурии Тоҷикистон оид ба паст кардани хавфи офатҳои табиӣ барои солҳои 2019-2030» ва ҷиҳати иҷрои нақшаи чораҳои таъхирнопазир ва пешгирикунандаи ҳолатҳои фавқулода дар мавсими боронгариҳо ва пешгирӣ дар ҳолати рух додани селу обхезиҳо барои соли 2021, ки бо қарори Раиси шаҳри Гулистон тасдиқ гардидааст, як қатор корҳоро ба анҷом расонид.

Бо дастгирии соҳибкори маҳаллӣ Собитҷон Мақсудов дар соҳили «Баҳри тоҷик» наздикии боғи Темурмалики шаҳр корҳои соҳилмустаҳкамкунӣ бо истифода аз сангҳои калонҳаҷми бетонӣ бо техникаҳои махсуси муҳандисӣ шурӯъ гардид.

ТАБРИКОТИ РАИСИ ШАҲРИ ГУЛИСТОН БАХТИЁР САИДАҲМАДЗОДА БА МУНОСИБАТИ 76-УМИН СОЛГАРДИ РӮЗИ ҒАЛАБА

Ҳамшаҳриёни гиромӣ!

Рӯзи 9-уми май  ба Ғалабаи бузурги таърихи инсоният, ғалаба бар фашизм 76 сол пур мешавад ва ин ҷашнро тамоми мардуми сарбаланди кишвар дар радифи дигар сокинони сайёра ботантана қайд мекунанд.

Ҳафтоду шаш сол муқаддам дар ҳамин гуна рӯзҳои баҳорӣ хабари  маҳви фашизми гитлерӣ, анҷоми музаффаронаи Ҷанги Бузурги Ватанӣ ва пайки Зафар дар рӯи олам танинандоз гардид.
Мо имрӯз ва минбаъд низ бо ифтихор хотирнишон мекунем, ки барои таъмини ғалабаи таърихӣ дар баробари ҳамаи халқҳое, ки бар зидди истибдоди фашистӣ мубориза бурдаанд, ҷавонмардони бонангу номуси Тоҷикистон низ саҳми сазовор гузоштаанд.

Ҳанӯз аз рӯзҳои аввали ҷанг Тоҷикистон ҳамаи захираву имкониятҳо ва фарзандони далеру шуҷои худро ба майдони набард сафарбар намуд. Беш аз 300 ҳазор нафар фиристодагони Тоҷикистон дар набардҳои шадиди ҷанг шуҷоату мардонагӣ нишон дода, 92 ҳазор нафари онҳо ба хотири адо кардани қарзи фарзандии хеш дар майдонҳои ҷанг ҳалок шуданд, ки номи неку корномаи онҳо дар саҳифаҳои таърихи халқамон абадан сабт гардидааст.