Бетараф набошем

Ҳамагон огаҳ ҳастем санаи 1-уми марти соли 2020 даъвати нави (даъвати шашум)-и интихоботи вакилон ба Маҷлиси намояндагон, Маҷлиси Олии Ҷумҳурии Тоҷикистон, Маҷлисҳои маҳаллии вилояти Мухтори Кӯҳистони Бадахшон, вилоятҳои Суғд ва Хатлон, шаҳри Душанбе, шаҳру ноҳияҳо, ҷамоати шаҳрак ва деҳот баргузор карда мешавад.

Ман ҳамчун як фарди ҷомеаи шаҳрвандӣ аз ҳар як сокини Ҷумҳурии Тоҷикистон, новобаста аз ҷинсият, миллат ва наҷод, ки ҳуқуқи иштирок дар интихоботро пайдо намудаанд, даъват ба амал меорам, ки дар ин кори пурмашаққат саҳмгузор буда номзади арзандаи худро интихоб намоем. Ҳамаи мо дар ин роҳ бояд масъулияти бузург ва софдилонаро пешаи худ карда, ҷиҳати дар сатҳи баланди ташкилию сиёсӣ доир намудани ин чорабинии муҳими сиёсӣ, ки ояндаи давлату миллат ва гул-гул шукӯфоии Тоҷикистони азиз, ки хонаи умеди ҳар яки  мо аст, аз аз ин интихоботи навбатии вакилон вобастагии қави дорад, саҳми арзандаи худро гузорем.

АЁДАТИ СОБИҚАДОРОН ДАР СИРДАРЁ

Тибқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон Раиси шаҳри Гулистон Фирдавс Шарифзода чанде аз сокинони барӯманди шаҳраки Сирдарёро аёдат намуд.

Дар шаҳрак дар ибтидо Раиси шаҳри Гулистон Фирдавс Шарифзода Лилия Улановаро аёдат кард. Мавсуф собиқадори меҳнат ва дорандаи ордени “Шараф” буда, ба синни мубораки 80 расидааст. Ӯ солҳои тӯлонӣ дар соҳаи гелогияи тоҷик дар вазифаи сардори лабораторияи кимиёвии Экспедитсияи комплекси геологии Қайроққум фаъолият бурдааст.

МУЛОҚОТ БО НОМЗАД БА ВАКИЛИИ МАҶЛИСИ ВИЛОЯТӢ

Дар Кохи фарҳангии «Истиқлол»-и шаҳр мулоқоти номзад ба вакили Маҷлиси вакилони халқи вилояти Суғд аз ҳавзаи интихоботии Қайроққум, №15, Раиси шаҳри Гулистон Фирдавс Шарифзода бо интихобкунандагони ҳавзаи интихоботӣ доир гардид.

Мулоқотро раиси комиссияи ҳавзавии интихобот Абдусамад Кенҷаев, кушода, қайд намуд, ки имрӯзҳо омодагӣ ба интихоботи Маҷлиси Олии Ҷумҳурии Тоҷикистон ва Маҷлисҳои маҳаллии вакилони халқ, ки 1-уми марти соли равон тибқи Фармони Президенти Ҷумҳурии Тоҷикистон аз 4-уми декабри соли 2019, №1380 дар қаламрави кишвари соҳибистиқлоламон бомаром ҷараён дорад. Тибқи қонунгузории интихобот комиссияҳои интихоботӣ дар асоси нақшаи чорабиниҳо ба қайдгирии номзадҳоро пурра ба анҷом расонидаанд. Дар ҳавзаи мазкур 4 нафар номзад ба қайд гирифта шуданд.

Раиси вилоят дар шаҳри Гулистон собиқадорони меҳнатро аёдат кард

Ҷиҳати татбиқи сиёсати инсондӯстонаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Раиси вилояти Суғд Раҷаббой Аҳмадзода чанде аз сокинони шаҳри Гулистонро аёдат намуда, ба онҳо кӯмакҳои молиявӣ тақдим кард.

Масалан, собиқадори хизмати давлатӣ, ходими ҳизбию давлатӣ шаҳрванди фахрии шаҳри Гулистон Санавбар Нуруллоеваро аёдат намуд. Бояд гуфт, ки номбурда 82-сол дошта таи солиёни зиёд дар соҳаҳои гуногун бахусус ба ҳайси раиси ноҳияи Ашт фаъолият намудааст.

Ғайбулло Зайниддинов аз зумраи дигар шахсоне буд, ки мавриди таваҷҷӯҳи Раиси вилоят қарор гирифт. Бояд гуфт, ки Ғайбулло Зайниддинов собиқадори соҳаҳои ресандагӣ ва қолинбофӣ буда, дорандаи лауренти мукофоти давлатии Иттиҳоди Ҷумҳурии Шӯравии сотсиалистӣ мебошад. Номбурда тавонистааст маҳз бо маҳорати волои кордониву корбари дар самти рушди соҳаи қолинбофӣ ҳиссаи арзанда гузорад.