Табрикоти Раиси шаҳри Гулистон Фирдавс Шарифзода ба муносибати фарорасии Соли нави милодии 2020

Ҳамшаҳриёни азиз!

Соли 2019 бо рӯйдодҳои фараҳбахш ва илҳомбахш – ироаи Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ба истифода дода шудани агрегати дуюмини Неругоҳи барқи обии «Роғун», таҷлили ҷашни ҳумоюни 28-солагиии Истиқлолияти давлатии Ҷумҳурии Тоҷикистон, ҷашнии 25-солагии Конститутсия ва дигар рӯйдодҳо рост омад. Дар ин соли пурфайз мардуми шаҳри Гулистон ба дастовардҳои назарраси меҳнатӣ ноил гардида, дар шукуфоии кишвар ва рушди ҷомеа саҳми босазо гузоштанд.

Бо шарофати татбиқи сиёсати оқилонаву ояндасози Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон ва роҳандозӣ гардидани иқдоми Солҳои рушди деҳот, сайёҳӣ ва ҳунарҳои мардумӣ, таъмини рушди бомароми иқтисодӣ ва дастовардҳои назаррас дар ҳама ҷабҳаҳои фаъолият соли 2019-умро хотирмон гардонидааст.

АРМУҒОНИ СОЛИНАВӢ

Дар арафаи Соли нави милодӣ Раиси шаҳри Гулистон Фирдавс Шарифзода Қаҳрамони меҳнат Муҳсин Раҳимов, собиқадорони меҳнат Санавбар Нуруллоева, Муқаддама Холиқова ва Анастасия Петроваро аёдат намуда, ба онҳо туҳфаҳои солинавиии мақомоти иҷроияи ҳокимияти давлатии шаҳрро супорид.

Ба ифтихори Соли нави милодии 2020 ба беш аз 800 нафар кӯдакон аз оилаҳои ниёзманд, имконияташон маҳдуд ва бесарабон туҳфаҳои солинавии Раиси шаҳри Гулистон супорида шуданд. Дар ин кори хайр соҳибкорони маҳаллӣ, корхонаву ташкилотҳо, ҷамоати шаҳракҳо низ саҳми босазо гузоштанд.

УТОҚҲОИ НАВИ КОРӢ

Дар доираи нақшаи чорабиниҳои омодагӣ ба ҷашнӣ 30-солагии Истиқлолияти давлатии Ҷумҳурии Тоҷикистон дар ҳудуди шаҳри Гулистон корҳои бунёдкориву созандагӣ рӯз ба рӯз тақвият меёбад.

Дар ҷамоати шаҳраки Сирдарё бо иштироки Раиси шаҳри Гулистон Фирдавс Шарифзода утоқҳои нави корӣ барои нозирони минтақавии милитсия дар бинои собиқ ҷамоати шаҳрак пас аз таъмиру тармими асосӣ супорида шуд.

Утоқҳои корӣ бо тамоми таҷҳизоти зарурӣ барои фаъолияти пурсамари нозирони минтақавӣ муҷаҳҳаз гардонида шуда, тамоми шароитҳои корӣ муҳайё мебошад.

МАҶЛИСИ ВАСЕИ КУМИҶРОИЯИ ҲИЗБ

Дар толори хурди мақомоти иҷроияи ҳокимияти давлатии шаҳр маҷлиси васеи кумитаи иҷроияи ҲХДТ дар шаҳри Гулистон баргузор гардид.

Дар ҷаласа масъалаҳои тасдиқи нақшаи чорабиниҳо доир ба ташвиқу тарғиби Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон аз 26-уми декабри соли 2019, нақшаи чорабиниҳо оид ба амалӣ намудани дастуру супоришҳои Асосгузори сулҳу ваҳдати  миллӣ-Пешвои миллат, Президенти Ҷумҳурии Тоҷикистон, Раиси муаззами ҲХДТ муҳтарам Эмомалӣ Раҳмон дар Анҷумани ҶIII ҲХДТ аз 13-уми декабри соли 2019, тасдиқи самтҳои асосии фаъолияти КИШ ҲХДТ барои соли 2020, тасдиқи қарорҳои ташкилотҳои ибтидоӣ ва масъалаҳои ҷорӣ мавриди баррасӣ қарор гирифт. Раиси кумитаи иҷроияи ҲХДТ дар шаҳри Гулистон Муслимахон Ҷамолиён доир ба нуктаҳои асосии Паёми Президенти Ҷумҳурии Тоҷикистон маърӯза намуд. Сипас доир ба масъалаҳои рӯзномаи маҷлиси васеъ қарорҳои дахлдор қабул карда шуд.