Ҳамоиш дар Гулистон

Дар толори бахши фарҳанги шаҳр бо иштироки  роҳбарони корхонаву муассисаҳо, ташкилотҳои шаҳр ва масъулини комиссияҳои ҷамъиятӣ оид ба танзими анъана ва ҷашну маросимҳо ҳамоиши илмӣ дар мавзӯи «Қонуни танзим - санади судманд ва манфиатбахши мардум» ба истиқболи 10-умин солгарди қабули Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» баргузор гардид.

Мудири бахши оид ба корҳои дин, танзими анъана вам ҷашну маросимҳои миллии  мақомоти иҷроияи ҳокимияти давлатии шаҳр Манучеҳр Шарипов ва мудири шуъбаи рушди иҷтимоӣ ва робита бо ҷомеаи дастгоҳи раиси шаҳр Илҳом Мадализода доир ба тавзеҳ, манфиати ин қонуни миллӣ маърӯза намуданд. Тазаккур дода шуд, ки қонуни мазкур бо ибтикори Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қабул гардида, аз мавриди амал қарор гирифтани он даҳ сол сипарӣ мегардад, аз ҷумлаи иқдом ва амалҳои муҳими сиёсию ҳуқуқӣ ва иҷтимоию фарҳангиест, ки ба шуури ҷомеаи мо таъсири мусбати худро расонд.

Мо пайравони Пешвои миллатем

Ба ифтихори Соли ҷавонон ва таҷлили Рўзи ҷавонони Тоҷикистон роҳпаймоии ҷавонони маркази шаҳр, шаҳракҳо, корхонаву муассиса ва ташкилотҳо дар кўчаи марказии Истиқлоли Гулистон баргузор гардид. Дар роҳпаймоӣ варзишгарон, гирандагони стипендияҳои президентӣ, раиси шаҳр, кумиҷроияи шаҳрии ҲХДТ, ҷавонони ҷамоати шаҳракҳои Адрасмон, Сирдарё, Консой, Чоруқдаррон, Зарнисор, корхонаҳои «Қолинҳои Қайроққум», ҶДТКММ «Апрелевка», Шабакаҳои барқи Суғд, Нерўгоҳи барқи обӣ, намояндагони ҶДММ осоишгоҳи «Баҳористон», КВД осоишгоҳи «Шифо», кормандони соҳаи тандурустӣ, муҳассилини МТҒ Коллеҷи тиббӣ, муассисаҳои таълимӣ, ТҶҶ «Созандагони Ватан» беш аз се ҳазор нафар бо шиору хитобаҳои идона иштирок намуданд.

Тантанаҳои идона дар майдони назди Кохи фарҳангии «Истиқлол» идома ёфт. Намояндаи мақомоти иҷроияи ҳокимияти давлатии вилояти Суғд Карим Шариф ҷавонони гулситониро аз номи Раиси вилояти Суғд Абдураҳмон Қодирӣ шодбош намуд. Раиси шаҳри Гулситон Матлубахон Амонзода зимни суханронии хеш зикр кард, ки имрўз ҷавонони шаҳри Гулистон беш аз  27 дарсади теъдоди сокинонро ташкил дода, бо рўҳбаландиву ғайрати тоза дар тамоми самтҳои хоҷагии халқи шаҳр софдилона фаъолият бурда, дар ҳамаи чорабиниҳову маъракаҳои гуногуни сиёсиву иқтисодӣ, фарҳангиву иҷтимоӣ ва маърифативу варзишӣ саҳми назаррас ва нақши боризи худро гузошта истодаанд.

Мулоқот Раиси шаҳр бо ҷавонон

Дар толори хурди  мақомоти иҷроияи ҳокимияти давлатии шаҳр мулоқоти Раиси шаҳри Гулистон Матлубахон Амонзода бо ҷавонони фаъоли соҳаҳои хоҷагии халқ, гирандагони стипендияи Раиси шаҳр, иштирокчиёни ҳафтаи худидоракунӣ дар мақомоти иҷроияи ҳокимияти давлатии шаҳр баргузор гардид.

Раиси шаҳри Гулистон Матлубахон Амонзода зимни суханронии худ тазаккур дод, ки Тоҷикистон аз қабили  кишварҳоест, ки дар як давраи начандон зиёди баъди ба даст овардани Истиқлолияти комил дар арсаи байналмилалӣ обрўву эътибор пайдо карда, мавқеи  хешро муайян намудааст. Дар шароити имрўзаи зиндагӣ назди мо вазифаҳое истодаанд, ки иҷро намудани онҳо баҳри таҳкими истиқлолият ва бақои давлату миллат аҳамияти калонеро доро мебошад. Асоси тафаккури нави сиёсӣ ва фарҳангии ҷавононро ғояи таҳкими истиқлолияти давлат, ваҳдату худшиносии миллӣ, ҳисси  ватандўстиву ватанпарастӣ, таъмини амнияти давлату миллат, ҳифзи тамомияти  арзӣ ва манфиатҳои  умумимиллӣ ташкил  медиҳад.

Табрикоти Раиси шаҳри Гулистон Сатториён Матлубахон Амонзода бахшида ба Рўзи ҷавонони Тоҷикистон

Ҷавонони арҷманди гулистонӣ!

Шумо неруи бузурги созандаву бунёдкор, сарчашмаи ташаббусҳои бузург, манбаи ғояҳои нав ва ояндаи миллату давлат ҳастед. Дар қаламрави кишвар ҳамасола рўзи 23-юми май ҳамчун Рўзи ҷавонони Тоҷикистон ботантана таҷлил мегардад. Бо самимият Шумо ҷавонони неруманд ва сарбаланди гулистониро бо ин ҷашни бошукўҳ муборакбод намуда, бароятон тансиҳативу хотирҷамъӣ, некрўзиву комрониҳо ва комёбиҳои нав ба нав орзумандам.

Дар партави сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Ҷаноби Олӣ, муҳтарам Эмомалӣ Раҳмон Ҳукумати Тоҷикистон дар давраи соҳибистиқлолӣ нисбат ба ҷавонон таваҷҷуҳ ва ғамхории махсус зоҳир намуда, барои ташаккули ҳамаҷонибаи онҳо ҳамаи шароити заруриро фароҳам овардааст. Дар Паёми Пешвои миллат бо таваҷҷуҳи хоса ба насли ҷавони кишвар соли 2017 "Соли ҷавонон" эълон гардид. Ин ташаббус ва иқдоми наҷиб, агар аз як тараф ба рукнҳои иҷтимоии демографӣ ва сиёсӣ-стратегӣ рабт дода шавад, аз тарафи дигар хусусияти таърихӣ дорад.