НИШАСТИ МАТБУОТИИ РАИСИ ШАҲР

Дар толори хурди мақомоти иҷроияи ҳокимияти давлатии шаҳр тибқи Амри Президенти Ҷумҳурии Тоҷикистон аз 15-уми сентябри соли 2011 ва нақшаи мақомоти иҷроияи ҳокимияти давлатии вилояти Суғд аз 20-уми июли соли равон нишасти матбуотии Раиси шаҳри Гулистон Сатториён Матлубахон Амонзода доир ба ҷамъбасти фаъолияти соҳаҳои хоҷагии халқи шаҳр дар давоми нимсолаи якуми соли 2018 баргузор гардид.

Дар нишасти матбуоти намояндагони беш аз 27 васоити ахбори оммаи ҷумҳурӣ, вилоят ва шаҳр ширкат варзиданд.

Дар ибтидо Раиси шаҳри Гулистон Матлубахон Амонзода доир ба фаъолияти соҳаҳои хоҷагии халқи шаҳр дар давоми нимсолаи якуми соли равон иттилоот дод. Қайд гардид, ки корхонаҳои саноатӣ дар нимсола ба маблағи беш аз 1,8 миллиард сомонӣ маҳсулот истеҳсол намуданд, ки ин нисбати ҳамин давраи соли гузашта ба маблағи 33,4 миллион сомонӣ зиёд мебошад.

Омодагӣ ба маъракаи барӯйхатгирӣ

Дар толори хурди мақомоти иҷроияи ҳокимияти давлатии шаҳр таҳти раёсати Раиси шаҳри Гулистон Матлубахон Амонзода ҷаласаи комиссияи мусоидати барӯйхатгирии аҳолии шаҳр баргузор гардид.

Раиси шаҳр, аз ҷумла таъкид намуд, ки барӯйхатгирии аҳолӣ ва фонди манзили Ҷумҳурии Тоҷикистон дар соли 2020 яке аз маъракаҳои муҳими сиёсӣ ба ҳисоб меравад. Ҳамзамон, зикр гардид, ки маъракаи барӯйхатгирии аҳолӣ дар соли 2020 моҳияти байналхалқӣ дошта, ҷиҳати баргузории он ҳанӯз соли 2016 аз ҷониби Созмони Милали Муттаҳид санади махсус ба тасвиб расидааст.

Табиби соҳибтаҷриба

Дар толори муассисаи кумаки аввалияи тиббӣ-санитарии шаҳрбахшида ба 80-солагии Шаҳрвандии фахрии Гулистон, табиби соҳибтаҷриба Абдурасул Бобоев ҷамъомади ботантана доир гардид.

Ҷамъомадро раиси ташкилоти ибтидоии иттифоқи касабаи кормандони соҳаи тибби шаҳр Олимҷон Султонов ҳусни ифтитоҳ бахшид. Аз ҷумла зикр гардид, ки Абдурасул Бобоев беш аз 60 сол инҷониб дар Маркази назорати давлатиии санитарию эпидемиологии шаҳри Гулистон  дар вазифаҳои мухталиф, аз ҷумла ба ҳайси сардухтур солҳои тӯлонӣ сарбаландона ифои хизмат намуда, шогирдони зиёдеро тарбияи кардааст.

Маҷлиси Ҳукумати Ҷумҳурии Тоҷикистон

Дирӯз таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати кишвар муҳтарам Эмомалӣ Раҳмон маҷлиси навбатии Ҳукумати Ҷумҳурии Тоҷикистон баргузор гардид.

Дар кори маҷлиси Ҳукумати Ҷумҳурии Тоҷикистон садамаи нақлиётии рӯзи 29 июл дар ноҳияи Данғараи вилояти Хатлон содиршуда, ки боиси ҳалокати чор нафар сайёҳи хориҷӣ шуд, баррасӣ гардид.

Президенти мамлакат муҳтарам Эмомалӣ Раҳмон ба хотири қурбониёни ин ҳодисаи фоҷеабор дақиқаи хомӯшӣ эълон карданд.