КОНСОЙ БЕҲТАРИН ШАҲРАК ДАР ГУЛИСТОН

Ғолиб омадани Консой дар мусобиқаи беҳтарин шаҳрак дар Гулистон, ки ба истиқболи ҷашни 25-солагии Истиқлолияти давлатии Тоҷикистон бахшида шудааст бе ваҷҳ нест. Ҳадафи асосии мусобиқаи мазкур, ки бо амри Президенти мамлакат  ҷараён гирифт, қабл аз ҳама беҳтар кардани вазъи иқтисодиву иҷтимоиёти маҳал, ноил шудан ба нишондиҳандаҳои баланди истеҳсолӣ, таъмину татбиқ кардани барномаҳои гуногун, ободониву кабудизоркунӣ, ҳифзи муҳити зист, самаранок ва мақсаднок баҳрабардор кардани неъматҳои табиати диёр мебошад.

Воқеан ҳам ҷиҳати амалӣ кардани он шартҳои мусобиқа, ки дар низомнома омадааст бошандагони Консой дар давоми 10 соли охир корҳои зиёду назаррасро ба субут расонидаанд. Имрўз симои шаҳрак ба куллӣ тағйир ёфта, зина ба зина ва марҳила ба марҳила рушд мекунаду пеш меравад. Фаъолияти мўътадилу бомароми ҶМ ТКММ «Апрелевка» чун гиреҳкушои кулли мушкилиҳои иқтисодиву иҷтимоии шаҳрак мусоидат мекунад, ки дар баробари бо ҷойи кор таъмин кардани сокинони маҳалӣ ба ривоҷу равнақи корҳои ободониву созандагии шаҳрак: таъмири роҳҳову муассисаҳои тандуристиву маориф, варзишу фарҳанг ба таваҷҷуҳи бештару беҳтар зоҳир кунад.

Шукри истиқлоли кишвар

Имрўзҳо дар тамоми гўшаю канори кишвар барои истиқболи арзандаи ҷашни бузурги миллат биступанҷумин солгарди соҳибистиқлолии Тоҷикистони маҳбубамон омодагиҳо идома дорад.

Дар ин рўзҳои фараҳбахш шодии мо, як гурўҳ сокинони шаҳраки Чоруқдаррон ҳадду канор надорад. Солиёни зиёд боз иҷоранишин будем. Бо ибтикори Раиси шаҳри Гулистон, вакили Маҷлиси вакилони халқи вилоят Матлубахон Амонзода ва дастгирии роҳбарияти ҶСК “Комбинати фулузоти нодири Ленинобод” соҳиби манзили истиқоматӣ гардидем. Мо шукрона аз истиқлол ва ифтихор аз соҳибватанӣ менамоем. Ҷавобан ба ин ғамхорӣ минбаъд низ тамоми саъю кўшиши хешро баҳри таҳкими Ваҳдати миллию ободии кишвари азизамон сафарбар карда, баҳри татбиқи сиёсати башардўстонаю ободгаронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон саҳми шоён хоҳем гузошт.

Дастпарварони аввалини коллеҷ

3-юми август дар Кохи Истиқлол дар фазои тантанавӣ маросими супоридани диплом ба нахустин хатмкунандагони Муассисаи таълимии ғайридавлатии “Коллеҷи тиббии шаҳри Гулистон” доир гардид.

Раиси шаҳри Гулистон Матлубахон Амонзода бо сухани муқаддимавӣ чорабиниро ҳусни ифтитоҳ бахшид. Раиси шаҳр ин рухдоди хотирмонро дар арафаи ҷашни истиқбол аз 25-солагии Истиқлолияти давлатии Ҷумҳурии Тоҷикистон муҳим арзёбӣ кард. Мавсуф ба хатмкунандагон муроҷиат намуда, онҳоро баҳри садоқат ба касби пурмасъулият ва бошарафашон ҳидоят намуд.

Шукри истиқлоли кишвар

Таҳти чунин унвон рӯзи 31-уми  июли соли ҷорӣ тибқи нақшаи Мақомоти иҷроияи ҳокимияти давлатии вилояти Суғд ба истиқболи сазовор пешвоз гирифтани ҳумоюнҷашни 25-солагии Истиқлолияти давлатии Ҷумҳурии Тоҷикистон Рӯзи фарҳанги шаҳри Гулистон дар Боғи фарҳангу фароғатии ба номи Камоли Хуҷандии маркази вилоят доир гардид.

Ташкилоту корхона ва Ҷамоати шаҳракҳо дастовардҳои айёми соҳибистиқлолиро, ки иборат аз маҳсулотҳои саноатӣ, ҳунарҳои халқӣ ва нақши дастони бонувон иборат буд, ба марази тамошо ниҳоданд.