«Сулҳ ба ҳама» дар коллеҷи тиббӣ

Дар Кохи «Истиқлол»-и шаҳри Қайроққум бахшида ба Рӯзи Сарқонуни Ҷумҳурии Тоҷикистон ва бо мақсади иҷроиши вазифагузории Кумитаи иҷроияи марказии Ҳизби Халқии Демократии Тоҷикистон оид ба гузаронидани аксия таҳти унвони «Сулҳ ба ҳама» Ташкилоти ҷамъиятии ҷавонони «Созандагони Ватан» ва КИ ҲХДТ бо ҷавонони Муассисаи ғайридавлатии коллеҷи тиббии шаҳри Қайроққум вохӯрӣ гузаронид.

Дар вохӯрӣ Раиси КИ ҲХДТ дар шаҳри Қайроққум Қосимова Каромат Маҳмудовна, мудири шӯъбаи кор бо ҷавонони КИ ҲХДТ дар вилояти Суғд Ҳомидова Мадина Иброҳимовна, омӯзгори фанни таърих ва ҳуқуқи коллеҷи тиббии шаҳри Қайроққум-Абдуҷабборова Зебунисо Оқиловна, сармутахассиси шӯъбаи масоили иҷтимоӣ ва робита бо ҷомеаи Мақомоти иҷроияи ҳокимияти давлатии шаҳр Беков Фахриддин Холмаҳмадович иштирок намуданд.

Саноат: Дар даҳ моҳи тавлиди мол ба 910 млн сомонӣ

Бино ба маълумоти оморӣ фаъолияти корхонаҳои саноатии шаҳр дар даҳ моҳи соли равон хеле босамару назаррас буд. Дар ин фосилаи вақт кулли корхонаҳои тавлидоти саноатӣ сарфи назар аз моликияташон истеҳсоли маҳсулотро ба маблаги 910 миллиону 986,9 ҳазор сомонӣ ба роҳ монданд, ки ин ба 112, 2 дар сади дурнамои нақша баробар мебошад ё ин ки нисбат ба ҳамин давраи соли гузашта ба маблағи 99, 2 миллион сомонӣ зиёд моли саноативу ниёзи мардум истеҳсол карданд.

Аз ин миқдори маҳсулоти истеҳсолшуда 683,7 миллион сомониаш ба Ширкати куҳӣ - саноатии Тоҷикистону Хитой рост меояд, ҳамзамон дар рушди соҳа ба хусус корхонаҳои ҶДММ «Хубон» оид ба коркарди ғалла, нақшаи истеҳсолӣ 230,6 дар сад, ҶДММ «Чархи гандум» иҷрои нақша 149,6 дар сад, «Қолинҳои Суғд» оид ба тавлиди маҳсулоти қолинӣ иҷрои нақша 112, 3 дар сад саҳми муносиб гузоштанд.

Ҷашни ҳомиёни дастовардҳои истиқлолият

Имруз, 9 ноябр дар тарабхонаи «Соҳил» ҷамъомади тантанавӣ ва чорабинии идона бахшида ба иди касбии кормандони мақомоти корҳои дохилӣ – «Рӯзи милитсия» баргузор гардид. Чорабинӣ бо сухани ифтитоҳии Раиси шаҳри Қайроққум Матлубахон Амонзода оғоз ёфт.

Раиси шаҳри Қайроққум  Матлубахон Амонзода зимни суханронии худ изҳор дошт, ки милитсияи тоҷик аз солҳои нахусти таъсисёбиаш баҳри пойдор намудани мамлакати азизамон, мубориза алайҳи ҷинояткорону душманони милливу давлатӣ корнамоиҳои бемисл нишон додааст.

Президенти Ҷумҳурии Тоҷикистон, Ҷаноби Олӣ, муҳтарам Эмомалӣ Раҳмон тавре ёдовар мешавад: «Таъминоти тартиботи ҳуқуқӣ ва қонуният, ҳифзи ҳаёти осоиштаи шаҳрвандон вазифаи боифтихор ва масъулиятнок буда, ҷомеа ва давлат ин вазифаҳоро ба дӯши мақомоти корҳои дохилӣ вогузоштаанд», - иброз дошт Раиси шаҳр.

Табрики Раиси шаҳри Қайроққум Матлубахон Амонзода ба муносибати 98 – солагии Рӯзи милитсияи тоҷик

Муҳтарам кормандон ва хизматчиёни мақомоти корҳои дохилии шаҳр!

Шуморо бо иди касбиатон, ки ҳар сол 10 ноябр таҷлил мегардад, табрик намуда, дар иҷрои вазифаи масъулиятноку шарафманд, яъне ҳифзу ҳуқуқ, тартиботи ҷамъиятӣ ва пешгириву мубориза бар зидди ҷинояткорӣ комёбиҳо орзумандам.

Рӯзи 10 ноябри соли 2015 ба таъсисёбии милитсияи тоҷик 98 сол пур мешавад. Бояд таъкид намуд, ки милитсияи тоҷик дар тӯли таърихи мавҷудияти худ ва дар давраи соҳибистиқлолии давлатамон, аз тамоми санҷишҳои душвори таърихӣ гузашта, дар таъмини амнияти давлату миллат саҳми арзанда гузоштааст.