Мулоқоти Раиси шаҳр бо бартарафкунандагони садамаи Чернобил

Таърих шоҳиди барҷастаи рӯйдодҳо ва ҳодисаҳои гуногуни сиёсиву фарҳангии ҷомеаҳои башарист. Яке аз чунин фалокатҳо рух додани садама дар нерӯгоҳи атомии Чернобил 26 апрели соли 1986 мебошад.

Ба ин муносибат мулоқоти Раиси шаҳр Матлубахон Амонзода бо бартарафкунандагони садамаи Чернобил доир гардид. Ба хотири қурбониёни он садамаи фалокатбор дар оғози ҷамъомад лаҳзаи хомӯшӣ эълон карда шуд. Раиси шаҳр зимни баромади хеш таъкид дошт, ки солҳои ҳаштодуми асри гузашта дар шаҳраки Припят, воқеъ дар дурии 12 км аз шаҳри Чернобили Ҷумҳурии Шӯравии Сотсиалистии Украина аввалин Нерӯгоҳи барқи атомӣ сохта, ба истифода дода шуд. Нерӯгоҳ бо маводи атомӣ кор карда, миқдори зиёди қувваи барқ истеҳсол менамуд. Аммо ин дер давом накард.

Армуғони ҲХДТ ба Иди Ғалаба

24 апрел дар Маркази Сомониён ба муносибати 70-солагии Иди Ғалаба чорабинии фарҳангии кумитаи иҷроияи шаҳрии ҲХДТ баргузор гардид.

Раиси кумитаи иҷроияи шаҳрии ҲХДТ Каромат Қосимова зимни суханронӣ дар ин маросим тазаккур дод, ки чорабинии мазкур дар доираи омодагӣ ба ҷашни 70-солагии Рузи Ғалаба дар Ҷанги Бузурги Ватании солҳои 1941-1945 барпо мегардад. Мақсад саҳми муносиб гузоштани ҳизбиён дар ин ҷашни мубораку таърихӣ ва арҷгузорӣ ба фидокорию корнамоиҳои родмардони баору номуси Ватан мебошад.

Таъиноти кадрӣ

Тибқи фармону амрҳои Вазорату Кумитаҳои соҳавӣ Бомурод Холмуродов, комиссари ҳарбии шаҳр, Пиримқул Мӯъминов, сардори нозироти андоз таъин гардиданд.

Бо амрҳои Раиси шаҳр Мадализода Илҳоми Раҳим, мудири шӯъбаи рушди иҷтимоӣ ва робита бо ҷомеа, Абдуаҳад Каримов, мудири бахши ҳифзи муҳити зист, Бахтиёр Эргашев, мудири бахши хадамоти муҳоҷират, Меҳрубон Қаҳҳоров, мутахассиси шӯъбаи ташкилӣ ва кор бо кадрҳо, Фирдавс Файзуллоев, мутахассиси пешбари шӯъбаи иқтисод ва савдо, Наимҷон Абдураҳимов, мутахассиси шӯъбаи иқтисод ва савдо, Умеда Удаева, мутахассиси шӯъбаи рушди иҷтимоӣ ва робита бо ҷомеа,Назокат Сатторова, мутахассиси бахши бойгонӣ ва Санавбар Носирова, мутахассиси бахши кор бо занон ва оила таъин гардиданд.

Ҷаласа ҷамъбасти семоҳа

Санаи 16 апрел дар Мақомоти иҷроияи ҳокимияти давлатии шаҳр ҷаласа доир гардида, он натоиҷи фаъолияти семоҳаи соҳоти хоҷагии халқро мавриди муҳокима қарор дод. Сатториён Матлубахон Амонзода, Раиси шаҳри Қайроқкум ҷамъомадро ифтитоҳ намуд.

Муовини Раиси шаҳр Ғайратҷон Оқилов оид  ба натиҷаи ҷамъбасти рушди иқтисодиву иҷтимоӣ дар семоҳаи аввали соли 2015 баромад кард. Баромадкунанда иброз дошт, ки Мақомоти иҷроияи ҳокимияти давлатии шаҳр дар ин давра баҳри татбиқ намудани дастуру ҳидоятҳои Президанти мамлакат, Ҷаноби Олӣ, мӯҳтарам Эмомалӣ Раҳмон фаъолиятро роҳандозӣ намуда, ба натиҷаҳои назаррас ноил шуданд. Таҷлили Наврӯзи байналмилал дар вилояти Суғд ва иштироки Сарвари давлат дар ифтитоҳи корхонаҳои нав, манзили истиқоматӣ, ки аз ҷониби соҳибкор Турсуной Зокирова бунёд ёфт ба кулли сокинони шаҳр руҳу илҳоми тоза бахшид.