Гулистон – шаҳри саноатии миллиардер

Корхонаҳои саноатии шаҳри Гулистон дар давоми ёздаҳ моҳи соли 2016 фаъолияти мунтазами истеҳсолӣ бурда, дар ин давра ба маблағи 1,9 миллиард сомонӣ маҳсулот истеҳсол намуданд, ки ин нисбати ҳамин давраи соли қаблӣ бо нархҳои амалкунанда 143,9 фоизро ташкил дод.

Дар ин давра теъдоди кормандони корхонаҳои саноатӣ 348 нафар, музди маоши миёна дар ин соҳа 693 сомонӣ афзуда, Гулистон бо 22 кишварҳои ҷаҳон алоқаи тиҷоратӣ дошта, ҳаҷми маҳсулоти содиротӣ ба кишварҳои хориҷа ба маблағи 150,0 миллион, воридот бошад 32,4 миллион доллари ИМА-ро ташкил дода,  фарқияти содирот аз воридот дар ин давра 4,6 маротиба зиёд гардидааст.

Муборакбодии Раиси шаҳри Гулистон Сатториён Матлубахон Амонзода ба муносибати Рўзи энергетикҳо

Муҳтарам энергетикони Гулистон!

Ҳар сол 22-юми декабр дар Тоҷикистони соҳибистиқлоли мо Иди касбии кормандони соҳаи барқ – Рўзи энергетикҳо ботантана таҷлил мегардад.

Маълум аст, ки энергетика яке аз соҳаҳои муҳимтарини хоҷагии халқ буда, пояи асосии рушди саноату иқтисодиёт ба шумор меравад. Тараққиёти хоҷагии халқ, беҳбудии рўзгори мардум аз пешравии соҳаи энергетика вобастагии калон дорад.

Бо туфайли дастуру супоришоти ояндасози Асосгузори сулҳу ваҳдати миллӣ-Пешвои миллат, Президенти ҷумҳурӣ Ҷаноби Олӣ, муҳтарам Эмомалӣ Раҳмон сохтмони иншоотҳои барқӣ дар Тоҷикистон бомуваффақият идома дорад. Пешвои муаззами миллат борҳо таъкид намудаанд, ки яке аз хадафҳои стратегии мамлакат ин пурра таъмин намудани истиқлолияти энергетикӣ ва табдил додани Тоҷикис-тон ба яке аз кишварҳои асосии содиркунандаи нерўи барқ дар Осиё мебошад.

Баррасии фаъолияти ёздаҳмоҳа

Дар толори калони Мақомоти иҷроияи ҳокимияти давлатии шаҳр бо иштироки фаъолони соҳаҳои хоҷагии халқ ҷаласаи ҳисоботӣ баргузор гардид. Дар ҷаласа масъалаи вазъи рушди соҳаҳои хоҷагии халқ дар давоми ёздаҳ моҳи соли 2016 мавриди баррасӣ қарор гирифт.

Муовини Раиси шаҳри Гулистон Ғайратҷон Оқилзода роҷеъ ба натиҷаҳои фаъолияти соҳаҳои хоҷагии халқи шаҳр дар давоми моҳҳои январ-ноябри соли равон маърўзаи муфассал намуд. Дар маърўза дастовардҳо, бурду бохти соҳаҳои хоҷагии халқ саҳеҳу дақиқ таҷзия гардида, зикр карда шуд, ки дар давоми ёздаҳ моҳи соли 2016 ба қисми даромади буҷети давлатӣ 83,2 миллион сомонӣ маблағҳои андозу пардохтҳо ворид гашт, ки он баробар ба 102,7 фоизи нақшаи пешбинишуда мебошад.

Чемпионати кушоди Гулистон

Дар маҷмаи варзишии ба номи Абдураҳмони Ҷомии шаҳр бо дастгирии Раиси шаҳри Гулистон Матлубахон Амонзода чемпионати кушоди шаҳр оид ба каратэ-до байни мактабиён баргузор гашт.

Дар мусобиқа намояндагони шаҳрҳои Хуҷанд, Истиқлол, ноҳияҳои Зафаробод, Бобоҷон Ғафуров ва Ҷаббор Расулов дар маҷмӯъ 221 нафар ширкат варзиданд. Ғолибони чемпионати Гулистон бо медалҳо, дипломҳои мақомоти иҷроияи ҳокимияти давлатии шаҳр қадрдонӣ шуданд. Мусобиқа дар сатҳи баланди ташкилӣ баргузор гашт.