Машварати корӣ

18 августи соли равон машварати кории назди Раиси шаҳр доир гашт. Раиси шаҳр Матлубахон Амонзода машваратро оғоз ва ҳозиринро бо роҳбари нави дастгоҳи Раиси шаҳр Абдуаҳад Каримов шиносо кард. Доири омодагӣ ба соли нави хониш ва зимистони соли 2015-2016 мудири шӯъбаи маориф Муяссар Ҳайдаров гузориш дод.

Матлубахон Амонзода таваҷҷуҳи масъулини шӯъбаи маориф, Ҷамоати шаҳракҳоро баҳри ҳалли норасоиҳои мавҷуда ҷалб намуда, баҳри ҳар чӣ зудтар соз кардани ноқилҳои барқӣ, таъмини муассисаҳои таълимӣ бо қувваи барқӣ доимӣ дар фасли зимистон, захираи кофии ҳезуму ангишт, навкунии шиору овезаҳо ва навиштаҷотҳо, таъмири майдончаҳои варзишӣ ва амсоли инҳо супоришҳои мушаххас дод.

Таҷлили иди табибон

Санаи 17 августи соли равон дар Кохи Истиқлол бахшида ба иди табибон чорабинии тантанавӣ баргузор гашт. Нахуст Раиси шаҳри Қайроққум Матлубахон Амонзода кормандони соҳаи тандурустии шаҳрро ба идашон шодбош гуфт.

-Боиси зикр аст, ки соҳаи тандурустӣ таҳти таваҷҷуҳи ҳамешагии Ҳукумати кишвар қарор дошта, яке аз самтҳои муҳим ва афзалиятноки сиёсати иҷтимоии мамлакат ба шумор меравад, -таъкид дошт Раиси шаҳр.

Ҳифзи меҳнати кӯдакон

Мутобиқи маълумоти оморӣ, бештар аз 30 дарсади аҳолии Тоҷикистонро кӯдакон ташкил медиҳанд.

Ҳуқуқи онҳо дар доираи санадҳои меъёрии ҳуқуқии зиёде ҳифз мешаванд. Қарори №155, аз 25 июни соли 2015 ба тасвиб расидаи Раиси шаҳр «Дар бораи барҳамдиҳии шаклҳои бадтарини меҳнати кӯдакон дар шаҳри Қайроққум барои солҳои 2015-2020» бо ҳадафи таъмини иҷрои «Стратегияи давлатии рушди бозори меҳнат дар кишвар то соли 2020» нигаронида шудааст.

Силсилапайк

Истиқлолият рамзи озодии миллату давлат

Бисту чор сол боз кишвари мо дар харитаи сиёсии ҷаҳон чун давлати соҳибихтиёр арзи ҳастӣ мекунад. Дар ин муддат Тоҷикистон дар ақсои олам таҳти сарварии Президенти мамлакат Эмомалӣ Раҳмон нуфузи арзандаро соҳиб гардид. Баҳри истиқбол ва таҷлили 24-умин солгарди Истиқлолияти давлатии Ҷумҳурии Тоҷикистон қарори навбатии Раиси шаҳр таҳти №186, аз 6 августи соли ҷорӣ ба тасвиб расид.