МУСОВИИ "ГУЛИСТОН" ДАР САФАР

23-юми майи соли 2022 дар доираи даври панҷуми чемпионати Тоҷикистон оид ба футбол миёни дастаҳои  Лигаи якум дастаи "Гулистон"-и шаҳри Гулистон дар сафар бо дастаи "Барқчӣ"-и шаҳри Ҳисор майдондорӣ намуд.

Қисми аввали дидорро бозигарони гулистонӣ бо муваффақият оғоз намуда аз вазъиятҳои хуби голзанӣ истифода бурда дар дақиқаи 19-уми дидор ҳисоби бозиро кушоданд. Дар дақиқаҳои охири қичми аввал мизбонон тавонистанд ҳисоби бозиро мусовӣ намоянд.

Дар қисми дуюми дидор талошҳои мизбонон самар овард ва дар дақиқаи 57-ум ҳисобро бар нафъи худ афзуданд. Ҳуҷумкорони дастаи "Гулистон" пас аз 3 дақиқа ба баробар намудани ҳисобӣ бозӣ даст ёфтанд ва то дақиқаҳои 80-ум бозӣ бо ҳисоби 2-2 ҷараён дошт. Бозигарони гулистонӣ дар дақиқаи 80-ум туби 3-юми худро вориди дарвозаи ҳариф намуда пешсаф гардиданд. Дар вақти иловагии дидор ба мизбонон муяссар шуд, ки ҳисоби бозиро баробар намоянд.

Вусъати корҳои фаҳмондадиҳӣ

Тибқи нақшаи кории Мақомоти иҷроияи ҳокимияти давлатии шаҳр имрӯз 24.05.2022 дар кӯчаҳои Суғдиён, Ҷавонӣ ва Айнӣ бо бонувони истиқоматкунандагони биноҳои баландошёна суҳбат-вохӯрӣ баргузор карда шуд.

Дар вохӯрӣ кормандони шуъбаву бахшҳои рушди иҷтимоӣ ва робита бо ҷомеа, бахши кор бо занон ва оила, дин танзими анъана  ва ҷашну маросим ва раиси маҳаллаи №4-и шаҳр иштирок ва суханронӣ намуданд.

Дар вохӯрӣ доир ба тарғиби фарҳанги миллӣ, ҳифзи арзишҳои миллӣ, риояи расму одатҳои ниёгон, тақлид нанамудан ба либоспӯшии ғайримиллӣ, захираи маводи озуқаворӣ, зери назорат гирифтани фарзандон ва истифодабарии мақсадноки телефонҳои дастӣ ва сомонаҳои иҷтимоӣ, пайравӣ нанамудан ба ҳизбу ҳаракатҳои ифротӣ корҳои фаҳмондадиҳӣ гузаронида шуд.

ПАЁМИ ШОДБОШИИ Пешвои миллат Эмомалӣ Раҳмон ба муносибати Рӯзи ҷавонони Тоҷикистон

23.05.2022, шаҳри Душанбе

Ҷавонони азиз!

Бисту сеюми майи ҳар сол дар кишвари мо Рӯзи ҷавонон ҳамчун яке аз санаҳои муҳимми даврони соҳибистиқлолии Тоҷикистон таҷлил мегардад.

Бинобар ин, ҳамаи шумо – ҷавонони ватандӯсту хештаншиноси замони истиқлолро самимона табрик гуфта, бароятон комёбиву сарбаландӣ ва ба Ватани маҳбубамон, ки кишвари ҷавонӣ ва ҷавонон аст, сулҳу суботи ҷовидонӣ орзу менамоям.

Имрӯз ҷавонони мо такягоҳи воқеӣ, умед ва ифтихори ҷомеа ва давлати Тоҷикистон ба шумор мераванд.

Зеро нақши онҳо дар рушди соҳаҳои сиёсӣ ва иқтисодиву иҷтимоии кишвар басо назаррасу арзишманд мебошад.

БАРГУЗОРИИ ШОМИ ҶАВОНӢ ДАР ҶАМОАТИ ШАҲРАКИ КОНСОЙИ ШАҲРИ ГУЛИСТОН

Санаи 21.05.2022 тибқи нақшаи тасдиқгардидаи Мақомоти иҷроияи ҳокимияти давлатии шаҳр ҷиҳати таҷлили бошукӯҳи Рӯзи ҷавонони Тоҷикистон дар Ҷамоати шаҳраки Консойи шаҳри Гулистон шоми ҷавонӣ баргузор карда шуд.

Сараввал ҷавонони шаҳрак ба ифтихори Рӯзи ҷавонон роҳпаймоӣ намуданд. Сипас, раиси ҷамоати шаҳрак Амир Муҳаббатов чорабиниро ифтитоҳ намуд. Аҳлиддин Абдураҳмонов мудири бахши кор бо ҷавонон ва варзиши шаҳр номаи шодбошии иҷрокунандаи вазифаи Раиси шаҳри Гулистон Раъно Ҳошимзодаро ба муносибати Рӯзи ҷавонони Тоҷикистон ба самъи ҷавонони шаҳрак расонид. Зикр гардид, ки дар партави сиёсати ҷавонпарваронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пешбурди сиёсати давлат дар соҳаи ҷавонон аз солҳои аввали соҳибистиқлолӣ яке аз самтҳои афзалиятноки фаъолияти Ҳукумати кишвар эълон гардидааст. Ҳанўз соли 1992 бо дарназардошти аҳамият ва зарурати ташаккули сиёсати ҷавонон Қонуни Ҷумҳурии Тоҷикистон «Дар бораи сиёсати давлатии ҷавонон»-ро қабул намуд, ки иқдоми зикршуда нишонаи возеҳи таваҷҷуҳи хоссаи Пешвои муаззами миллат ва Ҳукумати кишвар ба табақаи фаъоли ҷомеа, яъне наврасону ҷавонон мебошад.