Боздид аз рафти корҳои сохтмонии иншооти ҷашнӣ

Нимаи дуюми имрӯз, 16  майи соли 2022, иҷрокунандаи вазифаи раиси шаҳри Гулистон Раъно Ҳошимзода бо мақсади огаҳӣ пайдо намудан аз рафти корҳои сохтмонии иншоотҳои ҷашнӣ аз иншооти бунёдгардида истода дидан намуд.

Зимни боздид ба масъулин ҷиҳати дар вақти муайянгардида ва босифат ба анҷом расонидани корҳои сохтмонӣ дастуру супоришҳои мушаххас дода шуд.

Иттилоъ дода шуд, ки дар иншоотҳои ҷашнӣ корҳои сохтмонӣ тибқи нақша ҷараён гирифта истодааст ва дар вақти муайян гардида корҳои бинокорӣ ба анҷом расонида мешаванд.

Ҳамчунин, ҷиҳати сабзу хуррам гардонии гирду атрофи иншоотҳои сохта шаванда низ дастур дода шуд.

Пешвои миллат Эмомалӣ Раҳмон дар мулоқоти сарони давлатҳои аъзои Созмони Аҳдномаи амнияти дастҷамъӣ иштирок намуданд

16 май Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Москваи Федератсияи Русия дар мулоқоти сарони давлатҳои аъзои Созмони Аҳдномаи амнияти дастҷамъӣ (СААД) иштирок ва суханронӣ карданд. Дар ин бора ба АМИТ «Ховар» дар Хадамоти матбуоти Президенти Ҷумҳурии Тоҷикистон хабар доданд.

Дар мулоқоти сарони давлатҳои аъзои Созмон Президенти Ҷумҳурии Тоҷикистон муҳтарам Эмомалӣ Раҳмон, Сарвазири Ҷумҳурии Арманистон Никол Пашинян, Президенти Ҷумҳурии Беларус Александр Лукашенко, Президенти Ҷумҳурии Қазоқистон Қосим-Жомарт Токаев, Президенти Ҷумҳурии Қирғизистон Садир Жапаров, Президенти Федератсияи Русия Владимир Путин ва Дабири кулли СААД Станислав Зас иштирок намуданд.

Ин нишаст ба 30-юмин солгарди имзои Созишнома дар бораи Созмони Аҳдномаи амнияти дастҷамъӣ ва 20-умин солгарди таъсиси Созмон бахшида шуд.

Президенти Ҷумҳурии Тоҷикистон Эмомалӣ Раҳмон бо Президенти Федератсияи Русия Владимир Путин мулоқот намуданд

16 май дар шаҳри Москва Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳошияи вохӯрии сарони давлатҳои аъзои Созмони Аҳдномаи амнияти дастҷамъӣ бо Президенти Федератсияи Русия муҳтарам Владимир Путин мулоқот карданд.

Дар ҷараёни вохӯрӣ масоили ҳамкории Тоҷикистон ва Русия дар сатҳи шарикии стратегӣ ва дар чаҳорчӯби Иттиҳоди Давлатҳои Мустақил, Созмони Аҳдномаи амнияти дастҷамъӣ ва дигар ташкилоти минтақавию байналмилалӣ баррасӣ гардид.

Президенти мамлакат муҳтарам Эмомалӣ Раҳмон мулоқоти имрӯзаро имкони хуби баррасии дурнамои ҳамкории ду кишвар маънидод намуданд.

БАРГУЗОРИИ ШОМИ ҶАВОНӢ ДАР ҶАМОАТИ ШАҲРАКИ ЧОРУҚДАРРОН

Имрӯз, 16.05.2022 тибқи нақшаи тасдиқгардидаи Мақомоти иҷроияи ҳокимияти давлатии шаҳр ҷиҳати таҷлили бошукӯҳи Рӯзи ҷавонони Тоҷикистон дар Ҷамоати шаҳраки Чоруқдаррони шаҳри Гулистон шоми ҷавонӣ баргузор карда шуд.

Сараввал ҷавонони шаҳрак ба ифтихори Рӯзи ҷавонон роҳпаймоӣ намуданд. Сипас, раиси ҷамоати шаҳрак Наргиза Бердиева чорабиниро ифтитоҳ намуд. Аҳлиддин Абдураҳмонов мудири бахши кор бо ҷавонон ва варзиши шаҳр номаи шодбошии иҷрокунандаи вазифаи Раиси шаҳри Гулистон Раъно Ҳошимзодаро ба муносибати Рӯзи ҷавонони Тоҷикистон ба самъи ҷавонони шаҳрак расонид. Зикр гардид, ки дар партави сиёсати ҷавонпарваронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пешбурди сиёсати давлат дар соҳаи ҷавонон аз солҳои аввали соҳибистиқлолӣ яке аз самтҳои афзалиятноки фаъолияти Ҳукумати кишвар эълон гардидааст. Ҳанўз соли 1992 бо дарназардошти аҳамият ва зарурати ташаккули сиёсати ҷавонон Қонуни Ҷумҳурии Тоҷикистон «Дар бораи сиёсати давлатии ҷавонон»-ро қабул намуд, ки иқдоми зикршуда нишонаи возеҳи таваҷҷуҳи хоссаи Пешвои муаззами миллат ва Ҳукумати кишвар ба табақаи фаъоли ҷомеа, яъне наврасону ҷавонон мебошад.