Штрих к портрету новой киргизской элиты

Последние события на границе Таджикистана наглядно показали, что элита КР, воодушевленная национально-патриотической риторикой и пришедшая к власти на волне погромов утратила связь с реальной действительностью,  попыталась как и при захвате власти в Бишкеке, с опорой на силу решать внешнеполитические вопросы.

БОЗДИД АЗ КОРҲОИ ОБОДОНИИ ШАҲР ВА МУАССИСАҲОИ ДАВЛАТИИ ТАЪЛИМӢ

Санаи 5-уми майи соли 2021 Раиси шаҳри Гулистон Бахтиёр Саидаҳмадзода аз муассисаҳои таҳсилоти миёнаи умумӣ ва то мактабии маркази шаҳр дидан намуд.

Дар ибтидо Раиси шаҳр Бахтиёр Саидаҳмадзода дар муассисаи таълимии №1-и шаҳр боздид ба амал овард. Иттилоъ дода шуд, ки дар муассиса 1914 хонанда буда, 85 нафар омӯзгорон ба толибилмон дар ду баст таълим медиҳанд. Ҳамчунин, аз рафти сохтмони системаи гармидиҳии муассиса, ки солҳои тӯлонӣ аз фаъолият боз монда буд шинос гардида, ба масъулини азнавбарқароркунии системаи гармидиҳӣ дар муассисаи таълимӣ то соли хониши нав пурра супорида шудан ва доир ба ободонии атрофи муассиса саҳми худро гузоштан супоришҳои мушаххас дода шуд.

Ҳамчунин, Раиси шаҳр аз муассисаи давлатии таълимии томактабии №1-и ба номи “Офтобак”  шинос гардид. Тавре иттилоъ доданд, дар кӯдакистон таъмиру таҷдиди намои кӯдакистон, сафолакпӯш гардидани роҳҳо, таъмири майдончаҳои бозӣ ва мавзеъи қоидаҳои ҳаракати роҳ барои машғулияти бачагон ташкил мегардад.

Пешвои миллат Эмомалӣ Раҳмон бо Раиси вилояти Суғд Раҷаббой Аҳмадзода гуфтугӯи телефонӣ анҷом доданд

5 май Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси вилояти Суғд Раҷаббой Аҳмадзода гуфтугӯи телефонӣ анҷом доданд.

Нахуст Сарвари давлат ҳисоботи Раиси вилояти Суғдро дар бораи вазъи кунунии тадбирҳои барқарорсозӣ дар манзилҳои истиқоматӣ, ки бар асари муноқишаи марзии охири моҳи апрел рухдода хароб гардида буданд, шуниданд.

Иттилоъ дода шуд, ки ситоди корӣ дар шаҳри Исфара ва ноҳияи Бобоҷон Ғафуров ҷиҳати барқарорсозии хонаҳои истиқоматии минтақаҳои наздимарзӣ шабонарӯзӣ фаъол буда, дар ин самт чораҳои таъхирнопазир амалӣ шуда истодаанд.

Президенти Ҷумҳурии Тоҷикистон Эмомалӣ Раҳмон бо намояндаи махсуси Штатҳои Муттаҳидаи Америка оид ба мусолиҳа дар Афғонистон Залмай Халилзод мулоқот намуданд

4 май мулоқоти Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон Эмомалӣ Раҳмон бо намояндаи махсуси Штатҳои Муттаҳидаи Америка оид ба мусолиҳа дар Афғонистон Залмай Халилзод, ки бо боздиди корӣ ба Тоҷикистон ташриф овард, баргузор гардид.

Дар рафти мулоқот доир ба ҷанбаҳои гуногуни вазъи имрӯза дар Афғонистон, бахусус раванди барқарории сулҳу субот дар ин кишвар, ҳамчунин масъалаҳои мубрами минтақавию глобалӣ суҳбати пурмуҳтаво сурат гирифт.

Вобаста ба ин Президенти Ҷумҳурии Тоҷикистон таъкид доштанд, ки ҷараёни рушди вазъият дар Афғонистони ҳамсоя ва пешбурди муносибатҳои гуногунҷанбаи Тоҷикистон бо он пайваста дар маркази таваҷҷуҳи ҷониби мо қарор дорад.