Рамзи ҷашни байналмилалии Наврӯз ва Соли нави миллӣ барои соли 2020 тасдиқ шуд

Дар мувофиқа бо Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рамзҳои ҷашни байналмилалии Наврӯз ва Соли нави миллӣ барои солҳои 2019-2021 тасдиқ гардид.

Ин рамзҳо аз тарафи Иттифоқи рассомони Тоҷикистон дар асоси хулосаҳои донишмандони Академияи илмҳои Ҷумҳурии Тоҷикистон омода шудааст.

Рамзи якум арчамонанд буда, аз ҳафт табақ иборат мебошад. Ҳамаи табақҳо аз давраҳо иборат буда, мазмуни гардиши фалак ва коинотро ифода менамояд. Ҳар давра бо нақшу нигори миллӣ ороиш дода шудааст. Дар гирдогирди табақҳо гулдӯзиҳои гуногун ва дар табақи охирони суманак гули наврӯзӣ чун нишонаи эҳёи табиат гузошта шудааст.

Дар асоси хулосаҳои донишмандон, мардумшиносон ва фолклоршиносони тоҷик ва дигар олимони ҳавзаи Наврӯз аз миёни рамзҳои наврӯзӣ, ки аз гулҳои бойчечак, сиёҳгӯш, лола, гули зард, шохи дарахти ғунчадор ва паррандаҳои асотирии симурғ ва парасту иборатанд, суманак ва гули наврӯзӣ ҳамчун рамзи истиқболи ҷашни Наврӯзи байналмилалӣ, Соли нави миллӣ ва пайки омад — омади баҳори файзбор дар ҷумҳурӣ қабул гардид.

АХБОР оид ба иҷлосияи нахустини Маҷлиси вакилони халқи шаҳри Гулистон, даъвати шашум

Бо садо додани Суруди миллии Ҷумҳурии Тоҷикистон дар толори хурди Мақомоти иҷроияи ҳокимияти давлатии шаҳри Гулистон иҷлосияи якуми Маҷлиси вакилони халқи шаҳри Гулистон, даъвати шашум оғоз гардид.

Раиси иҷлосия, Раиси шаҳри Гулистон Фирдавс Шарифзода баъди гузаронидани муқаррароти пешбинишуда, иттилоъ дод, ки дар кори иҷлосияи якуми Маҷлиси вакилони халқи шаҳри Гулистон, даъвати шашум аз 35 нафар вакилони интихобшуда 34 вакил иштирок дорад ва 1 нафар бо сабабҳои узрнок ҳузур надорад. Ҳамчунин дар кори иҷлосия роҳбарони воҳидҳои сохтории мақомоти иҷроияи ҳокимияти давлатии шаҳр, мақомоти ҳифзи ҳуқуқ, ташкилоту муассисаҳои шаҳрӣ, намояндагони воситаҳои ахбори умум даъват шудаанд.  Дар иҷлосияи нахустини Маҷлиси шаҳрӣ намояндаи мақомоти иҷроияи ҳокимияти давлатии вилоят, сардори идораи замини вилояти Суғд Ҷамшед Умарзода низ ширкат дорад.

ШУКРИ НЕЪМАТ НЕЪМАТАТ АФЗУН КУНАД...

Рӯзҳои истироҳат дар бозори марказии шаҳри Гулистон ярмаркаи фурӯши маҳсулоти кишоварзӣ ташкил ва баргузор карда шуд.

Тибқи нақшаи тасдиқшуда дар чорабинии мазкур корхонаи саноатии ҶДММ “Фаровон-1” бо пешниҳоди 3,5 тонна орд ва 2 ҳазор дона тухм, ҶСК “Моҳипарварии Гулистон” бо дархости гулистониён 0,1 тонна моҳӣ, соҳибкорони маҳаллӣ 3,0 тонна картошка, 1,0 тонна сабзӣ, 2,0 тонна пиёз,0,5 тонна равғани пахта, 0,2 тонна гӯшти гов, 0,1 тонна гӯшти гӯсфанд, 0,1 тонна ҳасиб, 0,1 тонна сабзавоти гуногун, 0,2 тонна биринҷ, ва 0,2 тонна мевадор, дар маҷмӯъ зиёда аз 9,2 тонна маҳсулоти хӯрокворӣ ва кишоварзӣ бо нархҳои дастрас ба аҳолӣ пешкаш намуданд.  Аз ҷумла, нархи нархи як халта орд (50кг) 180 сомонӣ ва  нархи 1 кг равған  11 сомонию 60 дирам буд.

Табрикоти Раиси шаҳри Гулистон Фирдавс Шарифзода ба муносибати Рӯзи матбуоти тоҷик

Муҳтарам намояндагони васоити ахбори омма!

Соли 26-умин аст, ки дар Тоҷикистони соҳибистиқлол рӯзи 11-уми март ҳамчун Рӯзи матбуоти тоҷик қайд карда мешавад. Дар раванди муносибатҳои сиёсии ҷомеа воситаҳои  ахбори омма, ки яке аз институтҳои сиёсии ҷомеаи муосир ба шумор рафта, нақши барҷаста дорад. Тавассути сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар солҳои истиқлолияти давлатӣ рушди устувори ҷомеа воситаҳои  ахбори оммаро  ба яке аз воситаҳои  муҳими таҷассумгари ҳаёти ҷомеа табдил додааст. Имрӯз намояндагони васоити ахбори омма сипари боэътимоди ҳифзи манфиатҳои миллӣ, арзишҳои таърихиву фарҳангӣ, дастовардҳои истиқлолияти кишвари азизамон мебошад. Алҳол дар майдони матбуоти кишвари соҳибистиқлоламон беш аз 600 рӯзномаю маҷаллаи давлатӣ, хусусӣ, ҷамъиятӣ, соҳавӣ ба нашр расида, бо инъикоси мавзӯъҳои гуногун дар самти огоҳию камолоти маънавии мардум ва пешрафти хоҷагии халқи мамлакат саҳми босазо мегузоранд.

Дар ин замина мақомоти иҷроияи ҳокимияти давлатии шаҳр матбуотро ба таври доимӣ дастгирӣ мекунад, барои беҳтар шудани шароити меҳнатии рӯзноманигорон, базаи моддию техникии идораи ягона рӯзномаи расмии шаҳр – «Соҳил» ҳамаҷониба ёрӣ мерасонад.