Маҷлиси Ҳукумати Ҷумҳурии Тоҷикистон баргузор гардид

26 феврал дар Қасри миллат таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси Ҳукумати Ҷумҳурии Тоҷикистон баргузор гардид.

Дар кори маҷлис нахуст Дар бораи Ҳисобот оид ба заминҳои мавҷуда, тақсимоти онҳо аз рӯи гурӯҳҳо, намудҳо ва заминистифодабарандагони ҷумҳурӣ ба ҳолати 1 январи соли 2021 гузориши раиси Кумитаи давлатии идораи замин ва геодезӣ Ориф Хоҷазода шунида шуд.

Таъкид гардид, ки дар соли 2019 майдони 706 гектар заминҳои партов, аз ҷумла 421 гектар обӣ ба гардиши кишоварзӣ ворид карда шудааст. Аз ҷумла, майдони 586 гектар, аз он 302 гектар обӣ ба заминҳои корам ва 120 гектар, аз он 119 гектар партови обӣ ба дарахтони бисёрсола гузаронида шудааст.

Сарвари давлат муҳтарам Эмомалӣ Раҳмон ба Ҳукумати кишвар ва сохторҳои марбута ҷиҳати тасдиқи тақсимоти заминҳо аз рӯи гурӯҳҳо, ҳар чи бештар ба гардиши кишоварзӣ даровардани заминҳо ва обёрии заминҳои кишт ба хотири афзоиши истеҳсоли маҳсулоти кишоварзӣ, дастур доданд. Супоришҳои дигар ҳамчунин ҷиҳати пешгирии ҳама гуна қонунвайронкунӣ ва ҷинояткориҳо нисбат ба хариду фурӯши ғайриқонунии заминҳо дода шуд.

ҲАШАР ДАР “ТЕМУРМАЛИК”

Дар шаҳри Гулистон шанбегии умумишаҳрӣ бо иштироки кормандони мақомоти иҷроияи ҳокимияти давлатии шаҳр, корхонаи воҳиди фаръии манзилю комуналӣ, бахши ҳифзи муҳити зист, ҲХДТ,  соҳаҳои маориф ва тандурустӣ ва дигар соҳаҳои хоҷагии халқи шаҳр дар ҳудуди боғи азнавтаҷдидмешудаи “Темурмалик” баргузор гардид. Дар шанбегӣ зиёда аз 200 нафар  иштирок намуданд. Дар гирду атрофи боғ корҳои ободониву созандагӣ ба роҳ монда шуда, гӯшаву канори боғ аз партовҳо тоза карда шуданд.

Бояд зикр кард, ки тибқи нақшаи лоиҳавӣ Боғи фарҳангӣ-фароғатии “Темурмалик” ба ифтихори 30-солагии Истиқлолияти давлатии Ҷумҳурии Тоҷикистон пурра бозсозӣ гардида, ба макони фароғату истироҳати сокинон ва меҳмонони сершумори шаҳри соҳили “Баҳри тоҷик” табдил дода мешавад.

Фармони Президенти Ҷумҳурии Тоҷикистон дар бораи зиёд намудани андозаи стипендияи донишҷӯёни муассисаҳои таҳсилоти олии касбӣ ва миёнаи касбии Ҷумҳурии Тоҷикистон, инчунин магистр, аспирант ва докторантҳо

ФАРМОНИ
ПРЕЗИДЕНТИ ҶУМҲУРИИ ТОҶИКИСТОН

Дар бораи зиёд намудани андозаи стипендияи донишҷӯёни
муассисаҳои таҳсилоти олии касбӣ ва миёнаи касбии Ҷумҳурии
Тоҷикистон, инчунин магистр, аспирант ва докторантҳо

Бо мақсади дастгирии давлатӣ ва тақвияти вазъи иҷтимоии донишҷӯён, мутобиқи моддаи 69 Конститутсияи Ҷумҳурии Тоҷикистон фармон медиҳам:

1. Аз 1 сентябри соли 2021 андозаи стипендияҳои амалкунандаи донишҷӯёни муассисаҳои таҳсилоти олии касбӣ ва миёнаи касбӣ (ба ғайр аз стипендияҳои президентӣ, курсантҳои муассисаҳои олии ҳарбӣ ва Академияи Вазорати корҳои дохилии Ҷумҳурии Тоҷикистон), инчунин магистр, аспирант ва докторантҳо ба андозаи 30 фоиз зиёд карда шавад.

БОНУВОН ВА ИСТИҚЛОЛИЯТ

Дар Кохи фарҳангии “Истиқлол»-и шаҳри Гулистон бо иштироки собиқадорзанони хизмати давлатӣ, гирандагони грантҳо, модарони фарзандонашон дар хизматбуда, занони пешоҳанги соҳаи саноат, соҳибкорзанон, бонувони пешқадами дигар соҳаҳои хоҷагии халқи шаҳр ва толибагони фаъоли синфҳои болоӣ, инчунин аъзои фаъоли Шӯроҳои вилоятӣ ва шаҳрии Ҳаракати ҷамъиятии ваҳдати миллӣ ва эҳёи Тоҷикистон маҳфили илмию адабӣ таҳти унвони «Саҳми занон дар таҳкими Истиқлоли давлатӣ» бахшида ба Рӯзи модар баргузор гардид.

Намояндаи Шӯрои вилоятии Ҳаракати ҷамъиятии ваҳдати миллӣ ва эҳёи Тоҷикистон Дилрабо Ҷабборова паёми табрикотии Раиси вилояти Суғд Раҷаббой Аҳмадзода ва намояндаи Шӯрои шаҳрии Ҳаракати ҷамъиятии ваҳдати миллӣ ва эҳёи Тоҷикистон Илҳом Мадализода номаи шодбошии Раиси шаҳри Гулистон Бахтиёр Саидаҳмадзодаро ба ифтихори Рӯзи модар манзури бонувон намуданд.