Ба истифода додани корхонаи истеҳсоли шифер ва қубурҳои асбестӣ дар шаҳри Бӯстон

Имрӯз дар шаҳри Бӯстони вилояти Суғд бо иштироки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон корхонаи истеҳсоли шифер ва қубурҳои асбестии Ҷамъияти дорои масъулияти маҳдуди «Восидзода» мавриди баҳрабардорӣ қарор дода шуд.

Корхонаи мазкур дар минтақаи саноатии шаҳри Бӯстон дар майдони қариб як гектар бо харҷи зиёда аз 1 миллион сомонӣ аз ҷониби соҳибкори ватанӣ Абдувосид Очилов бунёд ёфта, дорои ду хати муосири технологӣ — истеҳсоли шифер ва қубурҳои асбестӣ мебошад ва ба гуфти мутахассисони соҳаи саноату сохтмон, маҳсулоташ аз лиҳози намуд ва сифат ба стандартҳои замони имрӯз ҷавобгӯ аст.

Аснои шиносоӣ ба Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон иттилоъ дода шуд, ки дар ин корхонаи саноатӣ дар як шабонарӯз зиёда аз 1500 дона шифер ва қариб 500 адад қубурҳои асбестии қутрашон гуногун истеҳсол карда мешавад. Ба гуфти муассиси корхона, дар натиҷаи бештар шудани талаботи бозор ба шифер ва қубурҳои асбестӣ имконияти аз ин ҳам бештар истеҳсол кардани маҳсулот мавҷуд аст.

Ба истифода додани корхонаи истеҳсоли шифер ва қубурҳои асбестӣ дар шаҳри Бӯстон

Имрӯз дар шаҳри Бӯстони вилояти Суғд бо иштироки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон корхонаи истеҳсоли шифер ва қубурҳои асбестии Ҷамъияти дорои масъулияти маҳдуди «Восидзода» мавриди баҳрабардорӣ қарор дода шуд.

Корхонаи мазкур дар минтақаи саноатии шаҳри Бӯстон дар майдони қариб як гектар бо харҷи зиёда аз 1 миллион сомонӣ аз ҷониби соҳибкори ватанӣ Абдувосид Очилов бунёд ёфта, дорои ду хати муосири технологӣ — истеҳсоли шифер ва қубурҳои асбестӣ мебошад ва ба гуфти мутахассисони соҳаи саноату сохтмон, маҳсулоташ аз лиҳози намуд ва сифат ба стандартҳои замони имрӯз ҷавобгӯ аст.

Аснои шиносоӣ ба Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон иттилоъ дода шуд, ки дар ин корхонаи саноатӣ дар як шабонарӯз зиёда аз 1500 дона шифер ва қариб 500 адад қубурҳои асбестии қутрашон гуногун истеҳсол карда мешавад. Ба гуфти муассиси корхона, дар натиҷаи бештар шудани талаботи бозор ба шифер ва қубурҳои асбестӣ имконияти аз ин ҳам бештар истеҳсол кардани маҳсулот мавҷуд аст.

Президенти Тоҷикистон Эмомалӣ Раҳмон корхонаи хусусӣ оид ба истеҳсоли қубурҳои пластикиро дар шаҳри Бӯстони вилояти Суғд ифтитоҳ намуданд

Дар шаҳри Бӯстони вилояти Суғд Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҶДММ “Сифат пласт”-ро мавриди баҳрабардорӣ қарор доданд.

Сарвари давлат бо хатҳои истеҳсолӣ, имконияти коргоҳи нав ва маҳсулоти ниҳоии он шинос шуда, бо кормандон суҳбати самимӣ анҷом доданд.

Тавре маълум гашт, ҶДММ “Сифат пласт” ба истеҳсоли қубурҳои пластикии қутрашон гуногун машғул буда, маҳсулоти ниҳоии он барои кашонидани хати оби нӯшокӣ пешбинӣ гардидааст. Дар корхонаи нав асосан ду навъи қубурҳои пластикӣ, ҳам барои оби хунук ва ҳам барои оби гарм истеҳсол гардида, талабот ба ин навъи маҳсулот дар бозори дохилию хориҷӣ хеле зиёд аст. Муҳлати кафолати қубурҳои пластикии корхона 50 солро дар бар мегирад.

Оғози сафари кории Пешвои миллат Эмомалӣ Раҳмон ба вилояти Суғд

Имрӯз Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади иштирок дар тантанаҳои ҷашни Наврӯзи байналмилалӣ, мулоқоту суҳбатҳо бо сокинон ва ифтитоҳи як қатор иншооти ҷашнӣ ба вилояти Суғд ташриф оварданд.

Дар фурудгоҳи байналмиллалии Хуҷанд Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро роҳбарият ва фаъолони вилояти Суғд истиқбол гирифтанд.

Дар шаҳру ноҳияҳои вилояти Суғд ба ифтихори ҷашни Наврӯзи оламафрӯз як силсила иншооти таъиноти гуногун бунёд, тадбирҳои зиёди ободонӣ амалӣ гардиданд ва ҷашни фархундаи Наврӯзи ҷаҳонӣ бо омодагии комил ва руҳияи фараҳмандона иҷрои ҳамаи анъанаҳояш ҷашн гирифта мешавад.