Прощай, крыса! Или с Новым годом!

Остались считанные дни, когда человечество, прощаясь с годом минувшим, с горечью будет вспоминать о том, какое большое горе принёс людям Год крысы.

ҶАВОНОН НЕРУИ СОЗАНДА

Таҳти раёсати Раиси шаҳри Гулистон Бахтиёр Саидаҳмадзода ҷаласаи Шӯрои кор бо ҷавонон дар назди Раиси шаҳр дар толори маркази таълимии Бонки миллии шаҳр баргузор гардид.

Дар он аъзои Шӯро ва раисони ҷамоати шаҳракҳо, мудирони шуъбаву бахшҳои мақомоти иҷроияи ҳокимияти давлатии шаҳр ва ҷавонони фаъол иштирок намуданд.

Дар Шӯро ду масъала баррасӣ гардид. Аз рӯйи масъалаи якум доир ба иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти кишвар муҳтарам Эмомалӣ Раҳмон, ки дар ҷаласаи якуми Шӯрои миллии кор бо ҷавонон баён гардидааст, Аҳлиддин Абдураҳмонов, мудири бахши кор бо ҷавонон ва варзиши шаҳр маърӯза намуд.

Президенти мамлакат Эмомалӣ Раҳмон дар шаҳри Душанбе Корхонаи коркарди санги хоро ва мармарро ифтитоҳ намуданд

24 декабр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Маҷлиси миллии Маҷлиси олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ Корхонаи коркарди санги хоро ва мармари “СТОУН Сервис”-ро, ки калонтарин иншооти истеҳсолӣ дар минтақаи саноатии шаҳри Душанбе ба ҳисоб меравад, ифтитоҳ карданд.

Иншооти мазкур дар асоси дастуру супоришҳои бевоситаи Пешвои муаззами миллат муҳтарам Эмомалӣ Раҳмон ва дар заминаи иқдомоти созандаи роҳбарияти Мақомоти иҷроияи ҳокимияти давлатии шаҳри Душанбе бунёд шуда, қадами устувор дар самти татбиқи амалии стратегияи чоруми миллӣ — саноатикунонии босуръати мамлакат дар пойтахти кишвар мебошад.

Корхонаи коркарди санги хоро ва мармари “СТОУН Сервис”-ро Ҷамъияти дорои масъулияти маҳдуди “Строй комплекс” мутобиқ ба стандартҳои ҷаҳонӣ сохта, ба истифода дод.

Сарвари давлат Эмомалӣ Раҳмон дар шаҳри Душанбе Корхонаи истеҳсоли маҳсулоти ордӣ ва қаннодиро ифтитоҳ карданд

24 декабр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар минтақаи саноатии шаҳри Душанбе, воқеъ дар ноҳияи Шоҳмансури пойтахт Корхонаи истеҳсоли маҳсулоти ордию қаннодиро мавриди истифода қарор доданд.

Корхона дар доираи татбиқи амалии ҳадафҳои асосии стратегии кишвар — саноатикунонии босуръати мамлакат дар масоҳати 0,32 гектар аз ҷониби соҳибкори ватанӣ Ёқуб Шарафов бунёд гардидааст.

Тавре иттилоъ дода шуд, дар корхона таҷҳизоти истеҳсолӣ аз Ҷумҳурии Мардумии Чин дастрас ва васлу насб гардидааст.

Бо мавриди баҳрабардорӣ қарор гирифтани коргоҳ 35 нафар сокини пойтахт соҳиби ҷойи кори доимӣ ва маоши хуб гардиданд.