ҚАДРШИНОСИИ МУҲАССИЛИНИ ПЕШОҲАНГ

Дар толори мақомоти иҷроияи ҳокимияти давлатии шаҳр бо иштироки Раиси шаҳр Бахтиёр Саидаҳмадзода ба 25 нафар хонандагони фаъоли муассисаҳои таълимии шаҳр идрорпулии Раиси шаҳри Гулистон супорида шуд.

Раиси шаҳри Гулистон Бахтиёр Саидаҳмадзода гирандагони стипендияи раиси шаҳрро ба ин дастовардашон табрик намуд. Зикр гардид, ки дар партави сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Ҳукумати Ҷумҳурии Тоҷикистон дар даврони истиқлолият нисбат ба ҷавонон таваҷҷуҳ ва ѓамхории махсус зоҳир намуда, барои ташаккули ҳамаҷонибаи онҳо ҳамаи шароити заруриро фароҳам овардаааст. Дастгирии ҳамаҷонибаи ҷавонони лаёқатманд ва фаъол яке аз самтҳои асосии татбиқи сиёсати давлатии ҷавонон мебошад.

Кӣ будани Муҳаммадиқболи Садриддин фош шуд!!!

https://www.youtube.com/watch?v=s7ukIutOF28

ҲАШАРИ ОБОДКОРӢ ВА НИҲОЛШИНОНӢ

Дар шаҳри Гулистон ба истиқболи ҷашни 30-солагии Истиқлолияти давлатии Ҷумҳурии Тоҷикистон ҷиҳати ободу зебо гардонидан ва тозаву озода нигоҳ доштани шаҳр, кабудизоркунӣ, ниҳолшинонӣ, гирду атрофи муассисаҳо ва қитъаҳои вобасташуда ҳашари умумишаҳрӣ гузаронида шуд.

Дар маъракаи ободонӣ, аз ҷумла тамоми кормандони Мақомоти иҷроияи ҳокимияти давлатии шаҳр иштирок намуда, ҷӯйборҳоро тоза, бехи дарахтонро нарм ва роҳравҳоро рӯбучин намуданд. Ҳамзамон, дар шафати кӯчаи асосӣ беш аз 30 бех дарахтони ороишӣ, аз ҷумла шоҳбулуту дарахти кастона шинонида шуд. Фаввораи майдони Нишони давлатӣ тозаву заминҳои назди бинои Мақомоти иҷроияи ҳокимияти давлатии шаҳр шудгор карда шуданд.Лозим ба зикр аст, ки то ҷашни 30-солагии Истиқлолияти давлатии Ҷумҳурии Тоҷикистон дар маркази шаҳр нақшаи гузаронидани шанбегиҳо ба тасвиб расидааст ва минбаъд низ дар ин самт корҳоро идома хоҳанд дод.

НАРХҲОИ ДАСТРАС ДАР ЯРМАРКА

Ҷиҳати иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар бораи андешидани тадбирҳои иловагӣ барои омодагии сокинон ва тамоми соҳаҳо ба давраи тирамоҳу зимистони солҳои 2020-2021 дар тамоми шаҳру навоҳии кишвар ярмаркаҳо доир карда мешаванд.

Дар ин радиф бо ибтикори роҳбарияти Мақомоти иҷроияи ҳокимияти давлатии шаҳри Гулистон ярмаркаи фурӯши молу маҳсулоти кишоварзию ниёзи мардум дар шаҳри Гулистон ташкил гардид. Бо раванди ярмарка-фурӯши маҳсулоти кишоварзӣ дар маркази шаҳр Раиси шаҳри Гулистон Бахтиёр Саидаҳмадзода аз наздик шинос гардида, доир ба танзими нарх ва ҷараёни баргузории он ба масъулин дастурҳо дод.