Пешвои миллат Эмомалӣ Раҳмон ду бинои баландошёнаи истиқоматиро барои кормандони Кумитаи давлатии амнияти миллии Ҷумҳурии Тоҷикистон мавриди баҳрабардорӣ қарор доданд

11 декабри соли 2020 Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар кӯчаи Саъдии Шерозии ноҳияи Синои пойтахт ду бинои баландошёнаи истиқоматиро барои кормандони Кумитаи давлатии амнияти миллии Ҷумҳурии Тоҷикистон мавриди баҳрабардорӣ қарор доданд.

Биноҳои истиқоматӣ бо маблағгузории Ҳукумати мамлакат аз ҷониби Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон бунёд гардида, аз 12 ошёна ва 124 хонаи барҳавои як ва дуҳуҷрагӣ иборат мебошад.

Ҳамчунин иншооти нав бо шабакаи гармидиҳӣ таъмин буда, ҳар як қисми он бо ду адад лифти замонавӣ муҷаҳҳаз гардонида шудааст.

Муаррифии 36 автобус ва 69 троллейбуси нав дар шаҳри Душанбе бо иштироки Сарвари давлат Эмомалӣ Раҳмон

11 декабр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар муаррифии 36 автобус ва 69 троллейбуси нав дар шаҳри Душанбе иштирок намуданд.

Автобусҳои дохилишаҳрии тамғаи “AKIA ULTRA LE8” истеҳсоли корхонаи муштараки “Акиа Авесто Автоматив Индастри”-и Ҷумҳурии Тоҷикистон буда, бо дарозии 8 метр барои 64 нафар мусофир пешбинӣ гардидааст.

Автобусҳои нав аз лиҳози суръат, вазни камтар ва кутоҳтар будан барои фаъолият дар кӯчаҳои на он қадар васеъ дорои бартарияти зиёд мебошанд.

Президенти мамлакат Эмомалӣ Раҳмон Муассисаи давлатии «Кохи Ваҳдат»-ро пас аз таъмиру навсозӣ мавриди баҳрабардорӣ қарор доданд

11 декабр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар шаҳри Душанбе Муассисаи давлатии «Кохи Ваҳдат»-ро пас аз таъмиру навсозӣ мавриди баҳрабардорӣ қарор доданд.

Сарвари давлат муҳтарам Эмомалӣ Раҳмон аз шароиту имкониятҳое, ки пас аз навсозӣ дар он фароҳам оварда шудааст, шинос шуданд.

Муассисаи давлатии «Кохи Ваҳдат» аз чор ошёна иборат буда, таъмиру таҷдиди он соли 2017 оғоз гардида буд. Дар ин муддат ба пуррагӣ навсозӣ гардида, дар он шароити мусоиди гузаронидани чорабиниҳои сиёсии  сатҳи баланд, аз ҷумла мулоқоту вохӯрии сарони давлатҳо, ҳамоишҳои минтақавию байналмилалӣ, ҷаласаҳои корӣ, суҳбату вохӯриҳои аҳли зиёи кишвар бо сарони давлатҳои хориҷӣ, бизнес-форумҳо, намоишгоҳҳои соҳавии ҷумҳуриявӣ, минтақавӣ ва байналмилалӣ фароҳам оварда шудааст.

КИТОБХОНА ДАР МАҚОМОТ

Тибқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар хусуси баланд бардоштани сатҳи маънавиёти кормандони соҳаҳои гуногуни хоҷагии халқ, новобаста аз шакли моликияташ, дар тамоми корхонаву муассисаҳо ва ташкилотҳо бояд китобхонаҳо ташкил карда шаванд. Ҳамчунин, дар ҳамин замина дастур дода буд, ки дар як сол қироати на кам аз 5 асари бадеӣ барои ҳар як хизматчии давлатӣ зарур ва ҳатмӣ мебошад.

Бо ин мақсад дар ошёнаи дуюми мақомоти иҷроияи ҳокимияти давлатии шаҳри Гулистон гўшаи асарҳои таърихиву сиёсӣ, илмиву бадеӣ ва фарҳангӣ бо фарогири зиёда аз 350 нусха китоб таъсис дода шуд, ки кормандони мақомот метавонанд баҳри баланд бардоштани сатҳи маънавиёти худ китобҳои мазкурро мутолиа кунанд. Дар китобхона дар баробари фароҳам овардани китобҳои бадеӣ, инчунин беш аз 20 номгӯи матбуоти даврӣ, аз қабили рўзномаву маҷаллаҳои ҷумҳуриявӣ, вилоятӣ ва шаҳрӣ барои муштариён пешниҳод гардидааст.