ҲИФЗИ ВАТАН – ҚАРЗИ МУҚАДДАС

КОНСОЙ. Дар толори ҷамоати шаҳрак ва муассисаи таълимии № 3 мулоқоти волидайн бо намояндагони ҷамоати шаҳрак ва комиссариати ҳарбии шаҳр дар мавзӯи “Хизмат дар сафи Қувваҳои Мусаллаҳи Ҷумҳурии Тоҷикистон ифтихори ватандорист” доир гардид.

Дар он комиссари ҳарбии шаҳр майор Ином Мавлонов, раиси ҷамоати шаҳраки Консой Баҳодур Саъдуллоӣ баромад карда,  дар натиҷаҳои даъвати тирамоҳӣ ва омодагӣ ба даъвати баҳорона,  тартиби ташхиси ҷавонписарони синни даъват ва даъватшавандагон, доир ба хизмати садоқатмандонаи ҷавонписарони консоӣ дар сафи Қувваҳои Мусаллаҳи мамлакат суханронӣ намуданд. Дар мулоқот волидайн ба саволҳои сершумори худ доир ба раванди даъват ба хизмати ҳатмии ҳарбӣ посухҳои қаноатбахш гирифтанд.

Шарофиддин Гадоев аз кирдорҳои кардааш самимона пушаймон шуда, ихтиёран ба Ватан баргашт

Имрӯз 15 феврали соли 2019, соати 07:00, Гадоев Шарофиддин Мирзоалиевич, 19.05.1985 соли таваллудаш, зодаи ноҳияи Фархори вилояти Хатлон, ки муваққатан дар шаҳри Эиндховени Шоҳигарии Ҳоланд зиндагонӣ мекард, ба ШВКД Фурудгоҳи ш. Душанбе ихтиёран ҳозир шуда, изҳор намуд, ки ман аз кирдорҳои кардаам самимона пушаймонам, ихтиёран бо хатсайри Москва-Душанбе ба Ватан баргаштам.

ҚАДРШИНОСИИ ҶАНГОВАРОНИ ИНТЕРНАТСИОНАЛИСТ

Дар маркази фароғатӣ-фарҳангии “Манижа” ба муносибати 30-солагии баровардани қӯшунҳои Иттиҳоди шӯравӣ аз хоки Афғонистон ҷамъомади ботантана баргузор гардид.

Муовини Раиси шаҳри Гулистон Ғайрат Оқилзода ҷанговарони интернатсионалистро ба ин муносибат аз номи Раиси шаҳри Гулистон Фирдавс Шарифзода табрик намуда, доир ба фаъолияти ташкилоти ҷамъиятии Иттифоқи ҷанговарони интернатсионалист ва муҳофизони сохти конститутсионӣ, саҳми онҳо дар тарғибу ташвиқи ғояҳои ватандӯстӣ ва ваҳдати миллӣ, суботи ҷомеа сухан ронд. Сипас раиси Шӯрои собиқадорони ҷангу меҳнати шаҳр Каромат Қосимова ҷанговарони интернатсионалистро шодбош намуд.

Дар вазъи мутантан ба 41 нафар ҷанговарони интернатсионалист медалҳои ҷашнии “30-солагии баровардани қӯшунҳои Иттиҳоди шӯравӣ аз хоки Афғонистон” ва туҳфаҳои мақомоти иҷроияи ҳокимияти давлатии шаҳр супорида шуданд.

СЕМИНАР-МАШВАРАТИ АНДОЗЧИЁН

Дар толори шуъбаи маорифи шаҳр бо иштироки сармуҳосибон семинар-машварат доир ба тавзеҳи Паёми Президенти Ҷумҳурии Тоҷикистон ба Маҷлиси Олӣ, Қонуни Ҷумҳурии Тоҷикистон “Дар бораи буҷети давлатии Ҷумҳурии Тоҷикистон барои соли 2019” ва масъалаҳои марбут ба андоз ва андозбандӣ баргузор гардид.

Семинар-машваратро сардори Нозироти андози шаҳри Гулистон Маҷид Маҳмудов оғоз бахшид. Масъалаҳои семинар-машварат аз тарафи масъулин шарҳу тавзеҳ дода шуданд.

Дар кори семинар машварат муовини сардори Раёсати андоз дар вилояти Суғд Обиди Муҳаммадсаид иштирок ва баромад намуд.