Маҷлиси навбатии Ҳукумати Ҷумҳурии Тоҷикистон баргузор гардид

30 сентябр таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси Ҳукумати Ҷумҳурии Тоҷикистон баргузор гардид.

Дар кори маҷлис нахуст Дар бораи “Барномаи пешгирии фарбеҳӣ ва ташаккули ғизои солим дар Ҷумҳурии Тоҷикистон барои солҳои 2019-2024” гузориши вазири тандурустӣ ва ҳифзи иҷтимоии аҳолӣ Насим Олимзода шунида шуд.

Зарурати таҳияи лоиҳаи қарори мазкур афзоиши бемориҳои ғайрисироятӣ мебошад, зеро фарбеҳӣ аз ҷиҳати фавту маъюбӣ дар ҷойи намоён меистад.

ҲАШАРИ ПАХТАЧИНӢ

Рӯзи якшанбеи 29-уми сентябр беш аз 200 нафар кормандони мақомоти иҷроияи ҳокимияти давлатии шаҳри Гулистон, ташкилоту идораҳои маркази шаҳр, қолинбофон, ҷомеаи меҳнатии Коллеҷи тиббӣ бо роҳбарии Раиси шаҳри Гулистон Фирдавс Шарифзода барои расонидани ёрӣ ба деҳқонони ноҳияи Бобоҷон Ғафуров он ба ҳашари пахтачинӣ баромаданд.

Дар ин рӯз кормандони шуъбаву бахш, ташкилоту идораҳо, маорифчиён ва табибон ба хоҷагии деҳқонии "Абдураҳим Ҷумъев” бригадаи 17 омада, барои ҷамъоварии ҳосил ба пахтакорон кумаки амалии худро расониданд.

Ҳашарчиён бо роҳбарии Раиси шаҳр давоми рӯз зиёда аз 2 тонна "тиллои сафед" чида, ба хирмани хоҷагӣ супориданд.

ҲАҚҚИ УСТОД АЗ ПАДАР БЕШ АСТ

Дар толори мактаби санъати шаҳри Гулистон маҳфили илмӣ-адабӣ таҳти унвони Ҳаққи устод аз падар беш аст…» баргузор гардид.

Аъзои Шӯрои вилоятии Ҳаракаи љамъиятии ваҳдати миллӣ ва эҳёи Тољикистон Аъзам Ҳотамӣ маҳфилро бо сухани ифтитоҳӣ оѓоз бахшид. Аъзои Шӯрои вилоятии ҲВМЭТ Мављуда Мирпочоева доир ба қадру манзалати омӯзгор дар даврони соҳибистиқлолияти кишвар сухан ронд. Мудири шуъбаи рушди иљтимоӣ ва робита бо љомеаи дастгоҳи Раиси шаҳр Илҳом Мадализода номаи шодбошии Раиси шаҳри Гулистон Фирдавс Шарифзодаро манзури иштирокчиёни маҳфили илмӣ-адабӣ намуд.

Табрикоти Раиси шаҳри Гулистон Фирдавс Шарифзода ба муносибати Рӯзи Мавлоно Ҷалолуддин Балхӣ

Ҳамшаҳриёни гиромӣ!

Бо шарофати Истиқлолияти давлатии Тоҷикистон ва тавассути сиёсати дурбинона ва хирадмандонаи Асосгузории сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бисёр чеҳраҳои оламшумули адабиёту фарҳанги мо аз нав зинда ва хотираи онҳо абадӣ гардонида шуданд.

Бо пешниҳоди Пешвои муаззами миллат ва тасдиқи созмони фарҳангии ЮНЕСКО соли 2007 дар Тоҷикистон ва дар тамоми дунё 800-солагии Мавлоно Ҷалолуддини Румӣ ботантана таҷлил карда шуда, адолати таърихӣ нисбати ин ҳакими бузурги давру замонҳо барқарор карда шуд. Мавлоно Румӣ яке аз пурмаҳсултарин адибони тоҷику форс ба ҳисоб рафта, бо осори гаронмояи манзуму мансури худ дар густариши фарҳанги мо – тоҷикон саҳми бузурге дорад. Осори гаронмояи Мавлоно Балхӣ дар «Девони Шамс», «Маснавии маънавӣ», «Маҷолиси саъба», «Фиҳӣ мо фиҳӣ» ва «Мактубот» фароҳам омадаанд. Мақоми ин суханвари беназир ончунон баланд аст, ки ҳамагон ӯро бузургтарин шоири ҷаҳон, барҷастатарин намояндаи адабиёти форсу тоҷик ва монанди ин ба қалам додаанд.