Президенти Ҷумҳурии Тоҷикистон Эмомалӣ Раҳмон дар ҷаласаи 40-уми Конфронси Генералии ЮНЕСКО дар масъалаҳои вобаста ба тағйирёбии иқлим иштирок намуданд

12 ноябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар қароргоҳи ЮНЕСКО, воқеъ дар шаҳри Париж дар ҷаласаи 40-уми Конфронси Генералии ЮНЕСКО дар масъалаҳои вобаста ба тағйирёбии иқлим иштирок ва суханронӣ карданд.

Чорабиниро бо сухани муқаддимавӣ Мудири кулли ЮНЕСКО хонум Одрӣ Азуле ифтитоҳ намуданд.

Бо дарназардошти нақши назарраси Тоҷикистон дар пешбурди ташаббусҳои обии глобалӣ ва пайваста матраҳ намудани мавзӯи тағйирёбии иқлим дар чорабиниҳои байналмилалӣ, хосатан дар Созмони Милали Муттаҳид, Президенти Ҷумҳурии Тоҷикистон муҳтарам Эмомалӣ Раҳмон ба ҳайси роҳбари ташаббускор дар ҷаласаи “Тағйирёбии иқлим” бо пешниҳодҳои нав баромад карданд.

Суҳбати Президенти Ҷумҳурии Тоҷикистон Эмомалӣ Раҳмон бо Дабири кулли Созмони Милали Муттаҳид Антониу Гуттериш ва Президенти Ҷумҳурии Франсия Эммануэл Макрон

Шоми 11 ноябри соли 2019 дар доираи иштирок дар чорабиниҳои ҳамоиши Париж оид ба сулҳ суҳбати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Дабири кулли Созмони Милали Муттаҳид Антониу Гуттериш ва Президенти Ҷумҳурии Франсия Эммануэл Макрон доир гардид.

Зимни суҳбати озод оид ба робитаҳои дуҷониба бо Созмони Милали Муттаҳид ва Ҷумҳурии Франсия, инчунин оид ба доираи васеи масъалаҳои мубрами рӯзномаи ҷаҳонии ҳамоиш табодули афкор сурат гирифт.

Дабири кулли Созмони Милали Муттаҳид Антониу Гуттериш нақши Президенти Ҷумҳурии Тоҷикистон муҳтарам Эмомалӣ Раҳмонро дар пешбурд ва тарғиби рӯзномаи иҷтимоиву иқтисодии Созмони Милали Муттаҳид созгор донист. Президенти Ҷумҳурии Франсия Эммануэл Макрон натиҷаҳои сафари расмии Президенти Ҷумҳурии Тоҷикистон ба Франсия ва силсилаи музокиротро пурсамар ва муҳим арзёбӣ намуд.

ҲАНГОМАБОЗИИ НАҲЗАТИЁН

Вақте сухан дар бораи Ватану ватандорӣ меравад, пеши назар кишвари ободу хуррам, табиати нотакрории биҳиштосо ва аз ҳама муҳим чеҳраи гарму нуронии зану бонувон, хандаи кӯдакону наврасон ва гуфтору дуъои неки пирон намудор мешавад.

Мутаассифона, дар паси ин гуфтаҳо метавон ҳаёти якчанд хоинони миллатро ба забон овард, ки боиси коста шудани обрӯи миллат шуда, наздикони худро дар чорроҳаи зиндагӣ танҳо гузошта истоданд, ки камоли инсофу оини мардигарӣ нест. Гурӯҳаки нотавонбину ноҷавонмарде аз хонаву дар бадар рафта, дар кишварҳои Ғарби дурӯя даст ба корҳое задаанд, ки боиси ашки шашқатори наздикону хешовандон ва завҷаҳояшон шудаанд. Мисоли ин гуфтаҳо Муҳиддин Кабирӣ, Илҳом Ёқубов, Алим Шерзамонов ва Шарофиддин Гадоев ба қавли худашон “рақибони сиёсӣ”-и иборат аз чор “ниҳоди пурқудрат”, ки гузашта ва то ин вақт аъзо ва ҳошиядорони ҲНИ дар минтақаҳо буданд. Имрӯз ин авбошон бо таъсиси “Паймони миллӣ” қудрат ва тавоноии худро мехоҳанд нишон диҳанд. Бояд гуфт, ки ин нақшаву тарҳ аз ҷониби кӣ таъсис шудаву муаллифи ин мазҳака кист медонем, вале муаллифи сенария дар интихоби ҳунарманди хеш ба иштибоҳ роҳ додааст. Интихоб шудани Муҳиддин Кабирӣ чун роҳбари “Паймони миллӣ” як чизи аҷиб нест, бори дигар гуфтаҳои болоиро шаҳодат медиҳад.

Мулоқоти Президенти Ҷумҳурии Тоҷикистон Эмомалӣ Раҳмон бо Директори кулли ЮНЕСКО хонум Одрӣ Азуле

8 ноябр дар доираи сафари расмӣ дар Ҷумҳурии Франсия Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Директори кулли ЮНЕСКО хонум Одрӣ Азуле мулоқот карданд.

Дар ҷараёни мулоқот масоили ҳамкории Тоҷикистон бо ин ниҳоди бонуфузи Созмони Милали Муттаҳид баррасӣ гардид.

Президенти мамлакат муҳтарам Эмомалӣ Раҳмон ба роҳбарияти ЮНЕСКО барои густариши ҳамкорӣ бо Ҳукумати Ҷумҳурии Тоҷикистон дар соҳаҳои фарҳанг, илм ва маориф изҳори сипос карданд.