АХБОРОТ ОИД БА ИҶЛОСИЯИ XX МАҶЛИСИ ВАКИЛОНИ ХАЛҚИ ШАҲРИ ГУЛИСТОН (даъвати панҷум)

Дар толори хурди мақомоти иҷроияи ҳокимияти давлатии шаҳр иҷлосияи бистуми Маҷлиси вакилони халқи шаҳр, даъвати панҷум баргузор гардид. Иҷлосия бо танинандозии Суруди миллии Ҷумҳурии Тоҷикистон ифтитоҳ ёфт.

Раиси Маҷлиси вакилони халқи шаҳри Гулистон, Раиси шаҳр Фирдавс Шарифзода дар ибтидо бо таъиноти кадрӣ дар мақомоти иҷроияи ҳокимияти давлатии шаҳр ва мақомоти қудратӣ вакилон ва даъватшавандагонро шинос намуда, муовини якуми Раиси шаҳри Гулистон Нуринисо Комилзода ва сардори шуъбаи шаҳрии РКДАМ Лутфулло Иззатовро муаррифӣ карда, ба фаъолияти онҳо комёбиҳо таманно намуд.

Қарори Раиси шаҳри Гулистон аз 11-уми октябри соли 2019 № 207

Дар бораи даъвати иҷлосияи бистуми Маҷлиси

вакилони халқи шаҳри Гулистон, даъвати панҷум

Мутобиқи моддаҳои 19 ва 20 Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ» Қ А Р О Р  М Е К У Н А М:

1. 1. Иҷлосияи бистуми Маҷлиси вакилони халқи шаҳри Гулистон, даъвати панҷум 21-уми октябри соли 2019, соати 09:00 даъват карда шавад.
2. 2. Ба баррасии Иҷлосияи бистуми Маҷлиси вакилони халқи шаҳри Гулистон, даъвати панҷум масъалаҳои зерин пешниҳод карда шавад:
3. 2.1.   Рафти иҷрои қарори Ҳукумати Ҷумҳурии Тоҷикистон таҳти №21 аз 03.01.2014 “Дар бораи Барномаи рушди мақомоти сабти асноди ҳолати шаҳрвандӣ дар Ҷумҳурии Тоҷикистон барои солҳои 2014-2019 дар шаҳр;

2.2.  Ҳисоботи комиссияи доимии Маҷлиси вакилони халқи шаҳр оид ба масъалаҳои саноат, сохтмон, алоқа, хоҷагии коммуналӣ ва хизматрасонӣ ба аҳолӣ;

CЕМИНАРИ ОМӮЗИШӢ

Дар Кохи фарҳангии “Истиқлол”-и шаҳри Гулистон тибқи нақшаи Комиссияи марказии интихобот ва раъйпурсии Ҷумҳурии Тоҷикистон ва мақомоти иҷроияи ҳокимияти давлатии шаҳр семинар-машаварати омӯзишӣ баргузор гардид.

Раиси шаҳри Гулистон Фирдавс Шарифзода семинар-машваратро бо суханони муқаддимавӣ ифтитоҳ бахшид. Зикр гардид, ки тибқи нақшаи чорабиниҳои тоинтихоботӣ – семинарҳо бо ин мақсад доир мегарданд. Ҷиҳати иҷрои протоколи маҷлиси Ҳукумати Ҷумҳурии Тоҷикистон аз 28-уми феврали соли 2019, №2, мактуби Комиссияи марказии интихобот ва райъпурсии Ҷумҳурии Тоҷикистон аз 28-уми марти соли 2019, №64 ва доир ба омодагиҳо барои интихоботи Маҷлиси Олии Ҷумҳурии Тоҷикистон, интихоботи вакилон ба Маҷлиси вакилони халқи вилоят, шаҳру ноҳияҳо ва ҷамоатҳо дар шаҳри Гулистон як қатор корҳо ба анҷом расонида шудаанд.

МАШВАРАТИ КОРӢ

Дар толори хурди мақомоти иҷроияи ҳокимияти давлатии шаҳри Гулистон машварати корӣ бо иштироки масъулини мақомоти иҷроияи ҳокимияти давлатии шаҳр, роҳбарони корхонаҳои саноатӣ, нозироти андоз, раёсати молияи шаҳр, бахши хусусӣ, раисони ҷамоати шаҳракҳо ва дигар шахсони масъули соҳаи иқтисодиёт ва саноат доир гардид.

Раиси шаҳри Гулистон Фирдавс Шарифзода машваратро ифтитоҳ намуд. Муовини якуми Раиси шаҳри Гулистон Нуринисо Комилзода доир ба вазъи соҳаи иқтисодиёт ва шаҳри Гулистон дар давоми нуҳ моҳи соли 2019 гузориши муфассал манзур кард.

Муовини Раиси вилояти Суғд Анвар Яъқубӣ соҳаи иқтисодиёт ва саноати шаҳрро таҷзия намуда, аз сарварони корхонаву муассисаҳои дахлдор пурсиш ба амал оварда, бобати таҳким бахшидани фаъолият дар самти саноатикунонии босуръати шаҳр, дастгирии бахши хусусӣ, ҷалби сармояи мустақим, таъмини саривақтии сифатноки нақшаи воридоти андозҳо ба буҷет, инчунин суръат бахшидани корҳои ободониву созандагӣ ба истиқболи ҷашни 30-солагии Истиқлолияти давлатии Ҷумҳурии Тоҷикистон ба масъулин дастуру супоришҳои мушаххас дод.