ИФТИТОҲИ МАРКАЗИ ДАСТГИРИИ НАВРАСОНУ ҶАВОНОН

Дар шаҳраки Сирдарёи шаҳри Гулистон корҳои ободонию созандагӣ рӯз то рӯз вусъати тоза мегирад. Ба қарибӣ бинои Маркази дастгирии наврасон дар шаҳрак бо тарҳи зебову замонавӣ ба истифода дода шуд.

Маркази мазкур бо дастгирии мақомоти иҷроияи ҳокимияти давлатии шаҳри Гулистон, соҳибкори ватанӣ Искандари Акмалхӯҷа, шуъбаи Вазорати корҳои дохилии Ҷумҳурии Тоҷикистон дар шаҳри Гулистон ва намояндагони ташкилотҳои байналмиллалии АЗИТ, SAFERWORLD пас аз навсозии собиқ бинои ҷамоати шаҳрак мавриди баҳрабардорӣ қарор гирифт.

БОНУВОНИ ҚАННОД ВА ҲАЛВОПАЗ

Бо мақсади ҳавасгардонӣ, эҳё намудани ҳунарҳои қаннодии миллӣ, вусъати ҳамкорӣ оид ба истеҳсоли намудҳои гуногуни маҳсулоти қаннодӣ, ташкили ҷойҳои нави корӣ дар толори бахши фарҳанги шаҳри Гулистон даври шаҳрии озмуни ҳунарҳои қаннодӣ ва ҳалвопазӣ бо иштироки ғолибони даври якум дар шаҳракҳо баргузор гардид.

Дар озмун 11 нафар довталабон аз ҷамоати шаҳракҳо ва корхонаву муассисаҳо иштирок намуданд. Иштирокчиён аз 10 то 22 намуди маҳсулоти қаннодӣ ва ҳалвопазиро манзур намуданд. Махсусан, дасторхони маҳсулоти қаннодӣ ва ҳалвопазии бонувони ҳунарманд Гулчеҳра Машарифова, Шаҳноза Шукурова, Шаҳноза Муҳриддинова, Меҳрубон Абдувоҳидова, Нафиса Иброҳимова, Шаҳодат Сатторова, Машҳура Толибова, Парвина Маматова, Дилором Ҷӯраева, Манзура Мирзоева ва Маҳфуза Аҳмадалиева ба аъзои ҳакамон ва тамошобинон хеле писанд омад.

Барқияҳои табрикӣ ба унвони Пешвои миллат Эмомалӣ Раҳмон аз номи як қатор сарони давлатҳо ва ҳукуматҳои кишварҳои хориҷӣ

5 октябри соли 2019, ба унвони Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз номи як қатор сарони давлатҳо ва ҳукуматҳои кишварҳои хориҷӣ ба муносибати зодрӯзашон барқияҳои табрикӣ ворид шуданд.

Раиси Ҷумҳурии Мардумии Чин Си Ҷинпин дар барқияи худ ба унвонии Президенти Ҷумҳурии Тоҷикистон чунин менигорад:

«Ба муносибати рӯзи мавалудатон мехостам табрикоти беҳтарин ва самимии хешро изҳор намоям.

Моҳи июни соли равон ман ба Тоҷикистон сафари давлатӣ доштам. Зимни он, бино бар пазироии гарму самимии Шумо ва натиҷаҳои назарраси сафар, бори дигар дарк намудам, ки равобити мо самимист, муносибатҳои Чину Тоҷикистон бошанд, дар ҳоли рушди доимӣ қарор доранд.

ТАҶЛИЛИ ИДИ ЗАБОНИ ДАВЛАТӢ ВА ОМӮЗГОРОН

Бахшида ба Рӯзи забони давлатии Ҷумҳурии Тоҷикистон ва Рӯзи омӯзгорон дар Кохи фарҳангии “Истиқлол”-и шаҳри Гулистон ҷамъомади ботантана бо иштироки омӯзгорон, намояндагони ҷамоати шаҳракҳо, корхонаву муассиса ва ташкилотҳо баргузор гардид.

Раиси шаҳри Гулистон Фирдавс Шарифзода ҳамагонро бо таҷлили Рӯзи забони давлатии Ҷумҳурии Тоҷикистон ва Рӯзи омӯзгорон табрик намуд. Намояндаи мақомоти иҷроияи ҳокимияти давлатии вилояти Суғд Мунира Шарипова номаи табрикотии Раиси вилояти Суғд Раҷаббой Аҳмадзодаро ба самъи ҳозирин расонид. Зикр гардид, ки масъалаи густариши забон ҳамчун яке аз рукнҳои асосии давлатдорӣ ва муқаддасот ҳамеша дар маркази таваҷҷуҳи давлати мо қарор дорад. Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон забони миллӣ ва ташаккули пайвастаи онро дар мақоми давлатӣ муҳимтарин рамз ва рукни истиқлолияти давлатӣ ва сиёсии мо арзёбӣ намудаанд.