ЗАБОН ДАР ПАНОҲИ ДАВЛАТ АСТ

Дар толори хурди мақомоти иҷроияи ҳокимияти давлатии шаҳри Гулистон мулоқоти гурӯҳи кории Кумитаи забон ва истилоҳоти назди Ҳукумати Ҷумҳурии Тоҷикистон бо сарварии раиси Кумитаи номбурда Гавҳар Шарофзода бо масъулини мақомоти иҷроияи ҳокимияти давлатии шаҳр, аъзои Комиссияи татбиқи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон», кормандон ва масъулини бахши сабти асноди ҳолати шаҳрвандӣ, идораи нотариалии шаҳр,  котибони ҷамоати шаҳракҳо, роҳбарони ташкилоту идора ва корхонаву муассисаҳои шаҳр баргузор гардид.

Муовини Раиси шаҳри Гулистон Ғайрат Оқилзода ҷамъомадро кушода,  иброз дошт, ки забон яке аз рукнҳои давлатдорӣ буда, дар ҳудуди шаҳри Гулистон дар шаш ҷамоати шаҳракҳо,  корхонаву муассиса ва идораҳо тибқи талаботи қонун комиссияҳои татбиқи забон фаъолият доранд.

СОҲИБИ ҶОЙИ КОР ВА МАОШИ ХУБ

Дар Боғи истироҳатӣ-фароғатии “24-солагии Истиқлолият” -и маркази шаҳри Гулистон дар доираи чорабинии “Як моҳи ҷавонӣ” ва ба ифтихори Рӯзи ҷавонони Тоҷикистон ярмаркаи ҷойҳои холии корӣ бо иштироки 19 корхона, муассиса ва идораҳои шаҳр бо пешниҳоди 231 ҷойи нави корӣ (ҷойҳои холии корӣ) баргузор гардид.

Тибқи иттилои иҷрокунандаи вазифаи сардори шуъбаи Агентии меҳнат ва шуғли аҳолӣ дар шаҳри Гулистон Гулсинат Авзалова дар натиҷа дар рӯз баргузории ярмарка 18 нафар ҷавонон соҳиби ҷойи кор ва маоши хуб гардиданд. Аз ҷумла 9 нафар дар ҶДММ “ШКСТХ”, 2 нафар дар ҶСК “Қолинҳои Қайроққум”,  истироҳатгоҳҳои “Шифо” 1 нафар, “Сипар”  3 нафар ва соҳаи маориф 3 нафар ба ҷойи корӣ таъмин гардиданд.

ҶАВОНОН – НАСЛИ ОЯНДАСОЗИ ТОҶИКИСТОН

Тибқи нақшаи тасдиқгардида зиёда дар 43 корхонаву муассиса, идораву ташкилотҳои ҳудуди шаҳри Гулистон ва ҷамоати шаҳракҳо бо намояндагони соҳаҳои гуногуни хоҷагии халқ ва иштироки ҷомеаҳои меҳнатӣ хониши сиёсӣ ба роҳ монда шуд.

Дар баргузории хониши сиёсӣ тарғиботчиёни мақомоти иҷроияи ҳокимияти давлатии вилояти Суғд Абдуалӣ Абдуманнонов, профессор, доктори илмҳои физика-математика, мудири лабараторияи Маркази илмии Хуҷанд, Абдуманнон Одинаев, номзади илмҳои филологӣ, устоди Донишгоҳи Давлатии Хуҷанд ба номи академик Бобоҷон Ғафуров, Абдусабури Абдуваҳҳоб, устоди Донишгоҳи политехникӣ, рӯзноманигор, Маърифат Мавлонова, устоди Донишгоҳи политехникӣ иштирок намуда, якҷоя бо тарғиботчиёни маҳаллӣ ва кормандони мақомоти иҷроияи ҳокимияти давлатии шаҳр дар муассисаву ташкилот, корхонаву идораҳои маркази шаҳр доир ба мавзӯи Рӯзи ягонаи ахбори сиёсӣ суханронӣ намуданд. Дар шаҳракҳо бошад хониши сиёсӣ бо иштироки тарғиботчиёни маҳаллӣ ба роҳ монда шуд.

Табрикоти Раиси шаҳри Гулистон Фирдавс Шарифзода ба ифтихори Рӯзи байналмилалии оила

Ҳамшаҳриёни гиромӣ!

Асосгузори сулҳу ваҳдати  миллӣ-Пешвои миллат, Президенти Ҷумҳурии Тоҷикистон, Ҷаноби Олӣ муҳтарам Эмомалӣ Раҳмон таъкид намудаанд, ки «масъалаҳои маърифати оиладорӣ, баланд бардоштани масъулияти падару модарон дар таълиму тарбияи фарзанд, омода кардани фарзандон ба ҳаёти мустақилона ва пойдории оила аз ҷумлаи проблемаҳое мебошанд, ки диққати доимии тамоми мақомоти давлатӣ, муассисаҳои таҳсилотӣ ва кулли аъзои ҷомеаро тақозо мекунад». Дар ҳақиқат масъалаи пойдорӣ ва рушду мустаҳкамии оила чун мавзӯи муҳими демографӣ вазифаи ҳамагон мебошад. Мо бояд дар тақдиру сарнавишти ҳеҷ як оила бетараф набошем ва агар лозим шавад, дар ҳама ҳолат ёрии хешро аз онҳо дареғ надорем.

Оила адабгоҳ, мактаби ҷовидони тарбияи шахсиятҳои бузург, ватандӯсту ватансоз ва ватандорони бонанг аст. Раванди ҳаёт барои ҳар як фарди солимфикр ва бофарҳанги ҷомеа чунон бояд сурат гирад, ки дар шахсияти ӯ оила офарандаи инсони комил бошад.