АДИБОНИ ВАҲДАТСАРО ДАР ГУЛИСТОН

Ба ифтихори Рӯзи Ваҳдати миллӣ тибқи нақшаи Шӯрои вилоятии Ҳаракати ҷамъиятии ваҳдати миллӣ ва эҳёи Тоҷикистон ва Мақомоти иҷроияи ҳокимияти давлатии шаҳри Гулистон дар толори мактаби санъати шаҳр маҳфили “Адибони ваҳдатсаро” доир гардид.

Маҳфилро мудири шуъбаи рушди иҷтимоӣ ва робита бо ҷомеаи дастгоҳи Раиси шаҳри Гулистон Илҳом Мадализода ҳусни ифтитоҳ бахшид. Намояндаи Шӯрои вилоятии Ҳаракати ҷамъиятии ваҳдати миллӣ ва эҳёи Тоҷикистон Аъзам Ҳотамӣ доир ба ғояи ваҳдати миллӣ ҳарф зад. Сипас адибон – мудири шуъбаи назми маҷаллаи “Паёми Суғд”, барандаи ҷоизаи байналхалқии “Содружество-Дебют” шоира Дилором Солибоева ва узви Иттифоқи нависандагони Тоҷикистон, Аълочии матбуот ва фарҳанги Ҷумҳурии Тоҷикистон, нависанда Матлуба Ёрмирзоева ба сухан баромада, доир ба арзиши ваҳдати миллӣ ҳарф зада, аз ашъори худ намунаҳо қироат намуданд.

ПЛЕНУМИ ШӮРОИ СОРБИҚАДОРОН

Дар толори мактаби санъати шаҳр Пленуми IV Шӯрои собиқадорони ҷангу меҳнати шаҳри Гулистон доир гардид. Доир ба фаъолияти Шӯро дар давоми шаш моҳи соли равон ва вазифаҳои он оид ба таҷлили 75-солагии Рӯзи Ғалаба раиси Шӯрои собиқадорони ҷангу меҳнати шаҳри Гулистон Каромат Қосимова маърӯза намуд.

Дар музокира раиси ташкилоти ибтидоии шаҳраки Конcой Зулхумор Холиқова, раиси ташкилоти ибтидоии муассисаҳои тиббии шаҳр Олимҷон Султонов баромад карданд. Доир ба раванди коргузорӣ ва муҷаҳҳазнамудани утоқҳои кории ташкилотҳои ибтидоии Шӯрои собиқадорони ҷангу меҳнат котиби Шӯрои собиқадорони ҷангу меҳнати шаҳр Ҳайдар Муродов сухан ронд. Доир ба ин масъала раисони ташкилотҳои ибтидоии шаҳраки Адрасмон ва Сирдарё Орифҷон Муллоҷонов ва Анварҷон Атаев мубодилаи афкор намуданд. Доир ба масъалаҳои баррасишуда Пленум қарорҳои дахлдор қабул намуд.

Ба имзо расидани як қатор қонунҳо аз ҷониби Президенти Ҷумҳурии Тоҷикистон

Дирӯз аз ҷониби Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон якчанд қонунҳо ба имзо расонида шуданд.

Қонунҳои Ҷумҳурии Тоҷикистон “Дар бораи ҳунармандӣ”, “Дар бораи чарогоҳ”, оид ба ворид намудани тағйиру иловаҳо ба қонунҳои Ҷумҳурии Тоҷикистон “Дар бораи санҷиши фаъолияти субъектҳои хоҷагидор”, «Дар бораи иҷозатномадиҳӣ ба баъзе намудҳои фаъолият», кодексҳои ҷиноятӣ, ҳуқуқвайронкунии маъмурӣ, гумрук ва андоз аз ҷумлаи онҳо мебошанд.

Қонуни Ҷумҳурии Тоҷикистон “Дар бораи ҳунармандӣ”, ҷиҳати иҷрои Паёми Президенти Ҷумҳурии Тоҷикистон, мӯҳтарам Эмомалӣ Раҳмон аз 26 декабри соли 2018 ва “Солҳои рушди деҳот, сайёҳӣ ва ҳунарҳои мардумӣ” эълон шудани солҳои 2019-2021 таҳия ва қабул гардида, ба дастгирии давлатии соҳибкорӣ ва беҳдошти соҳаи сайёҳӣ, ба хусус рушди ҳунарҳои мардумӣ ва баланд бардоштани сатҳу сифати зиндагии мардум равона шудаанд.

МАШҒУЛИЯТҲОИ СУДМАНД

Дар толори бахши ҳифзи муҳити зисти шаҳри Гулистон тибқи барномаи “Сиёсати давлатии муқовимат бо коррупсия дар Ҷумҳурии Тоҷикистон” курси сайёри такмили ихтисос барои намояндагони маќомоти давлатии муборизабаранда ба муқобили коррупсия - намояндагони мақомоти прокуратура, Вазорати корҳои дохилӣ, кумитаи давлатии амнияти миллӣ ва Агентии назорати давлатии молиявӣ ва мубориза бо коррупсияи вилотяи Суғд дар давоми се рӯз доир гардид.

Дар машғулиятҳои курси сайёр масоили заминаҳои ҳуқуқии хизмати давлатӣ дар Ҷумҳурии Тоҷикистон, идеологияи миллӣ ҳамчун омили муҳими худшиносии миллӣ, куррупсия ҳамчун зуҳуроти иҷтимоӣ:манбаъ ва омилҳои он, одоби касбии хизматчии давлатӣ, ташаккули ҷаҳонбинии зиддикоррупсионӣ ва тарбияи ҳуқуқии шаҳрвандон, имиҷи хизматчии давлатӣ: принсипҳои методологӣ ва хусусиятҳои ташаккулёбӣ, давлати иҷтимоӣ ва моделҳои он: таҷрибаи ҷаҳонӣ ва Тоҷикистон, этика ва поквиҷдонӣ, малакаи суханварӣ дар хизмати давлатӣ, нақши хизматчии давлатӣ дар пешгирии гаравиши ҷавонон ба ҳизбу ҳаракатҳои тундрав мавриди омӯзиш қарор дода шуда, мизи мудаввар дар мавзӯи “Ҷанбаҳои асосии пешгирии ҳолатҳои коррупсионӣ дар Ҷумҳурии Тоҷикистон:ҳолат ва дурнамо” баргузор гардид.