ТАҚВИЯТИ ОБОДОНӢ ВА НИҲОЛШИНОНӢ

Дар шаҳри Гулистон тибқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар боби ободу зебо гардонидани маҳалли зист, хиёбонҳо, гулгашту майдонҳо корҳои мушаххас роҳандозӣ карда мешаванд.

Тибқи нақшаи чорабинии 1300 рӯзи меҳнати зарбдор ба истиқболи 30-солагии Истиқлолияти давлатии Ҷумҳурии Тоҷикистон маъракаи ниҳолшинонӣ, кабудизоркунӣ ва хуррамгардонӣ дар шаҳри соҳили “Баҳри тоҷик” рӯз то рӯз тақвият меёбад.

Ба истиқболи Наврӯзи байналмилал дар ҳудуди шаҳру шаҳракҳои Гулистон то ба имрӯз шаш шанбегиҳои умумишаҳрӣ ба вуқӯъ пайваста дар бо беш аз даҳ ҳазор нафар сокинон ширкат варзиданд.

РУШДИ ТАҲСИЛОТИ ТОМАКТАБӢ

Дар муассисаи таълимии томактабии №5-и "Офтобак"-и шаҳраки Чоруқдаррон (сарвараш Муҳаррама Набиева) конференсияи илмӣ-адабӣ ва чорабинии фарҳангӣ-тарбиявӣ дар мавзӯъҳои “Пешвои миллат ҳомӣ ва такягоҳи аҳли маориф” ва “Модар офарандаи инсонҳо” гузаронида шуд.

Дар чорабинӣ мураббиёни муассиса Ҳураматой Машарифова ва Назокат Ғафурова доир ба мавзӯъҳои “Назаре ба таърихи пайдоиши таҳсилоти томактабӣ дар Тоҷикистон” ва “Рушди тахсилоти томактабӣ дар меҳвари сиёсати Пешвои миллат” маърӯза намуда, тарбиятгирандагон доир ба шукронаи истиқлолият, Тоҷикистон шеърҳо қироат намуда, суруду саҳначаҳои ҷолиб ва намунаи ҳунарҳои мардумиро намоиш доданд.

Маҷлиси Ҳукумати Ҷумҳурии Тоҷикистон

28 феврал таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси Ҳукумати Ҷумҳурии Тоҷикистон баргузор гардид.

Нахуст “Оид ба Ҳисобот дар бораи заминҳои мавҷуда, тақсимоти онҳо аз рӯи гурӯҳҳо, намудҳои замин ва заминистифодабарандагони ҷумҳурӣ ба ҳолати 1 январи соли 2019” гузориши раиси Кумитаи давлатии идораи замин ва геодезӣ Ориф Хоҷазода шунида шуд.

Дар кори маҷлис лоиҳаҳои як қатор қонунҳо, аз ҷумла Оид ба лоиҳаи Қонуни Ҷумҳурии Тоҷикистон “Дар бораи ҳолати ҷангӣ”, Дар бораи лоиҳаи Қонуни Ҷумҳурии Тоҷикистон “Оид ба ворид намудани тағйиру иловаҳо ба Қонуни Ҷумҳурии Тоҷикистон “Дар бораи боҷи давлатӣ”, Оид ба лоиҳаи Қонуни Ҷумҳурии Тоҷикистон “Дар бораи ворид намудани тағйиру илова ба Кодекси андози Ҷумҳурии Тоҷикистон” ва Оид ба лоиҳаи Қонуни Ҷумҳурии Тоҷикистон “Дар бораи ворид намудани тағйиру илова ба Кодекси гумруки Ҷумҳурии Тоҷикистон”, муҳокима гардида, барои баррасӣ ба Маҷлиси намояндагони Маҷлиси Олии Ҷумҳурии Тоҷикистон ирсол карда шуд.

ҶАЛАСАИ ҲИЗБИЁН

Дар толори бахши муҳити зисти шаҳри Гулистон маҷлиси раёсати кумиҷроияи шаҳрии ҲХДТ баргузор гардид. Доир ба вазифаҳои аъзои ҳизб дар партави суханронии Асосгузори сулҳу ваҳдати  миллӣ-Пешвои миллат, Президенти Ҷумҳурии Тоҷикистон, Раиси муаззами ҲХДТ муҳтарам Эмомалӣ Раҳмон дар маҷлиси Кумитаи иҷроияи марказии ҲХДТ аз 7-уми феврали соли 2019 раиси кумиҷроияи шаҳрии ҲХДТ Муслимахон Ҷамолиён маърӯза намуд.

Доир ба омодагии ба ифтихори 25-умин солгарди таъсисёбии Ҳизби халқии демократии Тоҷикистон мудири шуъбаи кор бо занон Муяссар Раҳимова баромад намуд. Доир ба масъалаҳои баррасишуда, нақшаи чорабиниҳо тасдиқ гардида, ҳамзамон рӯйхати фаъолияти гурӯҳҳои тарғиботӣ-ташвиқотӣ, гурӯҳи аналитикӣ ва дигар масоили ташкилӣ мавриди баррасӣ қарор дода шуданд.