Гулистон – пешоҳанги саноат

Дар толори хурди мақомоти иҷроияи ҳокимияти давлатии шаҳр мутобиқи Амри Президенти Ҷумҳурии Тоҷикистон аз 15-уми сентябри соли 2011 ва тибқи нақшаи ҷадвали МИҲД-и вилояти Суғд аз 6-уми июл нишасти матбуотии раиси шаҳри Гулистон Матлубахон Амонзода баргузор гардид.

Дар нишасти матбуотии Раиси шаҳр намояндагони васоити ахбори омма, аз ҷумла рӯзномаҳои «Ҷумҳурият», «Садои мардум», «Халқ овози», «Минбари халқ», «Азия-плюс», «Ҳақиқати Суғд», «Согдийская правда», «Суғд ҳақиқати», «Шуълаи умед», «Саломат бошед», «Ризқофарин», маҷаллаҳои «Кайҳон», «Ноҳид», радиои Тоҷикистон, телевизиони вилояти Суғд, телевизиони «Диёр», телевизиони «Ҳафт ситора», радиоҳои «Тоҷикистон» «Замон», «Озодӣ», рӯзномаи шаҳрии «Соҳил» иштирок намуданд.

Таҷлили иди касбӣ

Дар толори хурди мақомоти иҷроияи ҳокимияти давлатии шаҳр ба ифтихори Рӯзи кормандони сӯхторнишонӣ таҳти раёсати Раиси шаҳри Гулистон Матлубахон Амонзода бо иштироки ҷомеаи меҳнатии Қисми Мустақили 37-уми ҳарбикунонидашудаи Хадамоти давлатии оташнишонӣ оид ба муҳофизати шаҳр, мудирони шуъбаву бахшҳо, намояндагони ташкилоту муассисаҳо ҷаласа доир гардид.

Раиси шаҳр роҷеъ ба таърихи ташаккул ва рушди ин ниҳод дар мамлакат сухан ронда, аз ҷумла зикр дошт, ки зиндагии имрӯза барҳақ тасдиқ мекунад, ки кормандони мақомоти хадамоти оташнишонӣ корномаи бемисли падарон, бародарон ва рафиқони хешро идома дода, ҳоло ҳам намунаи олии мардонагӣ, шуҷоат, маҳорати баланди касбӣ нишон дода, дар роҳи иҷрои вазифаҳои ба зиммаашон гузошта ғайрату матонат зоҳир месозанд.

Фестивал-озмуни «Бӯстон-2017» дар шаҳр

Дар Кохи фарҳангии Истиқлоли шаҳри Гулистон даври шаҳрии Фестивал-озмуни телевизионии ҷумҳуриявии эҷодиёти халқ «Бӯстон-2017» баргузор гардид.

Фестивал-озмуни «Бӯстон-2017» бо мақсади дарёфти истеъдодҳои нав байни наврасону ҷавонон аз рӯи шартҳои навозиши асбобҳои мусиқӣ, шеърхонӣ, сурудхонӣ, рақс ва намоиши саҳнаи ҳаҷвӣ гузаронида шуд.

Пеш аз оғози озмун дар саҳни Кохи фарҳанг ҳунарҳои мардумӣ манзури ҳайати ҳакамон ва меҳмонон гардонида шуд.

«Шоми ҷавонӣ»

Тибқи нақшаи мақомоти иҷроияи ҳокимияти давлатии вилояти Суғд дар Боғи фарҳангӣ-фароғатии ба номи Камоли Хуҷандӣ чорабинии фарҳангии «Шоми ҷавонӣ» бо иштироки санъаткорони бахши фарҳанги шаҳри Гулистон баргузор гардид.

Ба сокинон ва меҳмонони маркази вилоят барномаи марғуби консертӣ манзур гардида, ба ҳозирин суруду таронаҳои санъаткорони шаҳри соҳили «Баҳри тоҷик» дар васфи Истиқлолият, Ватан, Ваҳдат, Модар, ҷавонӣ ва амсоли ин хеле писанд омад.