Шартномаи судманди тарафайн

Дар толори мақомоти иҷроияи ҳокимияти давлатии шаҳр бо иштироки Раиси шаҳри Гулистон Матлубахон Амонзода маросими ба имзорасии шартномаи судманди тарафайн бо яке аз корхонаҳои калонтарини шаҳр ҶДММ «Ширкати кўҳӣ-саноатии Тоҷикистону Хитой» баргузор гардид.

Дар ибтидо Раиси шаҳр роҷеъ ба яке аз самтҳои афзалиятноки фаъолияти мақомот-маориф сухан ронда, зикр намуд, ки дар партави сиёсати маорифпарваронаи Пешвои муаззами миллат мақомоти иҷроияи ҳокимияти давлатии шаҳр барои рушди ин соҳа диққати аввалиндараҷа дода, барои ташкили шароити хубу мусоиди хониш, муҷаҳҳаз намудани муассисаҳои таълимӣ бо таҷҳизоти замонавӣ, таъмиру тармими иншооти таълимӣ ва монанди ин маблағгузориҳо менамояд. Дар баробари ин, мақомот баҳри ҷалби сармояҳои иловагӣ тадбирҳои судманд меандешад. Бо ин мақсад барои ҳар як таълимгоҳ сарпарастон таъин гардида, бо онҳо пайваста корбарӣ карда мешавад. Раиси шаҳр бастани шартномаро бо ҶДММ «Ширкати кўҳӣ-саноатии Тоҷикистону Хитой» фоли нек арзёбӣ намуда, изҳор дошт, ки дар оянда низ ин муносибатҳои судманди тарафайн рушд ва такомул меёбанд.

Иштироки Президенти мамлакат Эмомалӣ Раҳмон дар Муколамаи кишварҳои рушдёбанда ва давлатҳои аъзои БРИКС

Имрӯз дар шаҳри Сямэни Ҷумҳурии Мардумии Чин Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Муколамаи кишварҳои рушдёбанда ва давлатҳои аъзои БРИКС иштирок ва суханронӣ намуданд.

Дар кори он ҳамчунин Раиси Ҷумҳурии Мардумии Чин Си Ҷинпин, Президенти Федератсияи Россия Владимир Путин, Президенти Бразилия Мишел Темер, Президенти Ҷумҳурии Африкаи Ҷанубӣ Ҷейкоб Зума, Сарвазири Ҷумҳурии Ҳиндустон Нарендра Модӣ, Президенти Ҷумҳурии Арабии Миср Абдулфаттоҳ Ас-Сиси, Президенти Штатҳои Муттаҳидаи Мексика Энрике Пеня Нето, Президенти Гвинея Алфа Конде ва Сарвазири Шоҳигарии Таиланд Прают Чан-Оча иштирок кардаанд.

Дар ҷавонӣ дор пиронро азиз

Дар маҷлисгоҳи шуъбаи маориф ҷаласаи Шўрои занони кумиҷроияи ҲХДТ дар шаҳри Гулистон ба вуқўъ пайваста, дар он беш аз 65 нафар бонувони фаъоли корхонаву ташкилот, идораву муассисаҳои шаҳр иштирок доштанд. Дар ҷаласа панҷ масъала мавриди баррасӣ қарор дода шуд.

Бонувони фаъоли шаҳр маҳфили доимоамалкунанда таҳти унвони “Дар ҷавонӣ дор пиронро азиз” таъсис дода шуда, Низомномаи маҳфил тасдиқ гардид. Дар маҳфил ҷиҳати эҳтироми насли калонсол, собиқадорони ҳизб, модарони яккаву танҳо ва дигар масоили марбут ба муносибатҳои ҷавонону насли калонсол мавриди баррасӣ қарор мегиранд. Дар ҷаласа инчунин нақшаҳои амалишавии Қонуни Ҷумҳурии Тоҷикистон “Дар бораи танзими анъана ва ҷашну маросимҳо”, шуъбаи кор бо занон тасдиқ шуда, дар ҳайати 41 нафар шўрои занон интихоб гардид.

Дарси сулҳи Рўзи дониш

Бахшида ба Рўзи Дониш дар муассисаҳои таълимии шаҳр дарси сулҳ бо тамошои дастҷамъона тариқи шабакаи телевизионӣ аз суханронии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар расми мавриди баҳрабардорӣ қарор додани бинои маъмурию таълимӣ ва иншооти Академияи Вазорати корҳои дохилии Ҷумҳурии Тоҷикистон оғоз гардид.

Дар муассисаи таълимии № 14-и маркази шаҳр намояндаи мақомоти иҷроияи ҳокимияти давлатии вилояти Суғд Абдулатиф Қодирӣ аз номи Раиси вилояти Суғд омўзгорон ва толибилмонро бо фарорасии соли нави таҳсил муборакбод намуд. Ҳамзамон, чунин чорабинӣ дар МҒД Коллеҷи тиббии Гулистон ва 15 муассисаи таълимӣ бо иштироки намоядагони мақомоти иҷроияи ҳокимияти давлатии шаҳр ба вуқўъ пайваст.