Омодагӣ ба ҷашн

16 августи соли 2016 дар Мақомоти иҷроияи ҳокимияти давлатӣ дар шаҳри Гулистон  ҷаласаи корӣ оид ба омодагӣ ба ҷашни 25-солагии Истиқлолияти давлатии Ҷумҳурии Тоҷикистон бо иштироки муовин ва роҳбари дастгоҳи Раиси шаҳр, раисони Ҷамоати шаҳракҳо, масъулини сохторҳо, раёсату шуъба ва бахшҳои соҳаи иҷтимоӣ таҳти раёсати Матлубахон Амонзода баргузор гардид. Мудири шуъбаи рушди иҷтимоӣ ва робита бо ҷомеа Илҳом Мадализода роҷеъ ба тадбирҳои иҷрогардида ва нақшаи чорабиниҳои идона гузориш дод.

Раиси шаҳр таваҷҷуҳи иштирокдоронро ба тадбиқи нақшаву барномаҳои вобаста ба омодагиҳо ба истиқболи сазовори ҷашни 25-солагии Истиқлолияти давлатӣ дар шаҳри Гулистон, пеш аз ҳама густариши корҳои ободкориву созандагӣ, чароғонкунии кўчаҳо, овехтани шиору овезаҳои босифат, дастгирии табақаҳои ниёзманд ва тайёрии хуб ба сафороии ҷомеаҳои меҳнатӣ ҷалб намуд.

Кўмак ба хонандагон

Хайру садақот ва таваҷҷуҳ бар ятимону бепарасторон амали неку кори савоб аст. Ин аст, ки нафарони хайрхоҳу саховатманд барои ба даст овардани дуои ашхоси ниёзманд талош мекунанд. Бо ибтикори Раиси шаҳри Гулистон Матлубахон Амонзода дар арафаи омодагӣ ба соли нави хониш ва ҷашни 25-солагии Истиқлолияти давлатӣ ба қадри имкон шахсони хайрхоҳу саховатманд ба табақаҳои нодор дасти мадад дароз мекунанд.

Соҳибкор аз шаҳри Хуҷанд Толибҷони Маҷид яке аз чунин нафарон буда, ў ба 25 нафар дўстрўяконе, ки ба синфи якуми муассисаҳои таълимии рақамҳои 1, 14, 8 ва гимназияи ба номи Б.Ғафуров мераванд ашёи хониш тақдим намуд. Ҳини супоридани таҷҳизотҳои таълимӣ мудири шуъбаи маориф Муяссар Ҳайдаров ва намояндаи  Раёсати маорифи вилоят Суҳроб Ниёзов соҳибкорро ҳамроҳӣ карданд.

Ҳамоиши барқчиён ба истиқболи муқаддастарин ҷашни миллат

Солҳо паи ҳам мегузаранд. Гўиё дирўзакак буд, ки аз соҳибистиқлолии давлати тоҷикон муҷдаи фараҳ дар ақсои олам танин андохт. Дар арафаи ҷашни чаҳорякасраи Тоҷикистон чун як давлати пешрафтаву пуриқтидор шинохта гардид. Шукри истиқлолият ва ваҳдату якдигарфаҳмист, ки тавассути заҳмату талошҳои пайгиронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба хотири ноил гардидан ба зиндагии шоиста қадам ба қадам дастовардҳо мефизояд.

Ҷамъомади бошукўҳе, ки 11-уми августи соли равон дар толори Шабакаҳои барқии Суғд ба вуқўъ пайваст мўҳтавояш фарогири мазмуни зикраш дар боло рафта буд, ки ба ифтихори 25- солагии Истиқлолияти давлатии Ҷумҳурии Тоҷикистон бахшида шуд.

ЁРИИ АМАЛӢ БА ТАШКИЛОТҲОИ ИБТИДОӢ

9-уми август дар толори Ҷамоати шаҳраки Сирдарё семинар-машварати дастурдиҳии Шўрои собиқадорони ҷангу меҳнат доир гардид.

Семинар-машварат бо қироати баромади Раиси шаҳри Гулистон Матлубахон Амонзода аз ҷониби мудири шуъбаи рушди иҷтимоӣ ва робита бо ҷомеа Илҳом Мадализода оғоз ёфт.

Раиси Ҷамоати шаҳраки Сирдарё Ойнисо Раҳматова роҷеъ ба тадбирҳои омодагӣ ба ҷашни пуршукўҳи 25-солагии Истиқлолияти давлатӣ ҳарф зад. Доир ба таҷрибаи корӣ ва ташкили гўшаю ҳуҷҷатгузорӣ раиси ташкилоти ибтидоии Шўрои собиқадорони шаҳраки Сирдарё Султонбердӣ Каримбердиев баромад намуд.