Ҷаласаи фаъолони шаҳр

Дар толори калони мақомоти иҷроияи ҳокимияти давлатии шаҳри Гулистон ҷаласаи фаъолон оид ба ҷамъбасти фаъолияти соҳаҳои хоҷагии халқ дар давоми шаш моҳи аввали соли 2017 доир гардид. Ҷаласа бо суханронии ифтитоҳии Раиси шаҳри Гулистон Матлубахон Амонзода оғоз гардид.

Доир ба нишондиҳандаҳо ва дастовардҳои соҳаҳои хоҷагии халқи шаҳр дар давоми моҳҳои январ-июни соли равон роҳбари дастгоҳи Раиси шаҳр Абдуаҳад Ҳакимзода маърўзаи муфассал намуд.

Нимсолаи бобарори шаҳри соҳили «Баҳри тоҷик»

Корхонаҳои саноатии шаҳри Гулистон дар шашмоҳаи аввали соли 2017 ба маблағи 1 миллиарду 583 миллиону 41,0 ҳазор сомонӣ маҳсулот истеҳсол намуданд, ки афзоиш нисбати ҳамин давраи соли гузашта 125,7 фоизро ташкил дода, ба маблағи 323,9 миллион сомонӣ зиёд мебошад.

Беш аз 15 корхонаи саноатии шаҳр афзоиши ҳаҷми истеҳсоли маҳсулотро аз 102,4 фоиз то ба 640,0 фоиз расонида, иҷрои онро барзиёд таъмин намуданд. Вазни қиёсии корхонаҳои саноатии шаҳр дар ҳаҷми истеҳсоли маҳсулоти саноатии вилояти Суғд 36,8 фоизро ташкил дод. Дар корхонаҳои саноатии шаҳр истеҳсоли барзиёди маҳсулоти саноатӣ аз рўи 84 намуди аслӣ ба роҳ монда шуда, нақшаи дурнамои ҷамъи корхонаҳои саноатии шаҳр 129,1 фоиз ва уҳдадории корхонаҳо 105,3 фоиз таъмин гардидааст.

Иҷлосияи ёздаҳуми Маҷлиси шаҳрӣ

Дар толори хурди  мақомоти иҷроияи ҳокимияти давлатии шаҳр таҳти раёсати Раиси Маҷлиси вакилони халқи шаҳр, Раиси шаҳри Гулистон Матлубахон Амонзода Иҷлосияи ёздаҳуми Маҷлиси вакилони халқи шаҳр, даъвати панҷум баргузор шуд.

Дар кори иҷлосия аз 35 вакил 30 нафар иштирок намуданд. Ҳамчунин сардорони мақомоти ҳифзи ҳуқуқи шаҳр, сохторҳои шаҳрӣ, шуъбаву бахшҳои дастгоҳи Раиси шаҳр ва дигар шахсони дахлдор ширкат варзиданд.

Аёдат, кумакпулиҳо ва дастгирии ниёзмандон

Дар арафаи иди Фитр ва ҷашни 20-солагии Рӯзи Ваҳдати миллӣ Раиси шаҳри Гулистон Матлубахон Амонзода бо намояндагони мақомоти иҷроияи ҳокимияти давлатии вилоят панҷ нафар шахсони барӯманди шаҳрро аёдат карда, ба онҳо маблағҳо ва ёрии моддии Раиси вилояти Суғд ва шаҳрро супориданд.

Ҳамчунин, ба 1934 нафар пиросолону маъюбон, ятимон, собиқадорони ҷангу меҳнат, оилаҳои бесарпараст, табақаи ниёзм анди ҷомеа, оилаҳои маъюбдошта ба маблағи зиёда аз 251 ҳазор  сомонӣ маводҳои хӯрокворӣ бо дастгирии корхонаву муассисаҳо, ташкилоту идораҳо ва соҳибкорону шахсони саховатпеша кумаки моддии яквақта расонида шуданд. Бо дастгири як нафар шахси саховатманд ба 326 оилаҳои ниёзманду саробонгумкарда ва маъюбу бемордошта ба маблағи беш аз 75 ҳазор сомонӣ кумаки молиявӣ ба як нафар як аробачаи маъюбӣ дастрас карда шуданд. Аз ҳисоби маблағҳои хайриявии ҷамъгардида ва фитри рӯза ба 28 нафар ятимони кулл 2700 сомонӣ, ба 54 нафар оилаҳои маъюбдошта 5400 ва ба 38 оилаи камбизоат 3800 сомонӣ кумаки моливӣ расонида шуд.