Шанбегӣ

Ба муносибати таҷлили 23-солагии қабули Конститутисия дар ҳамаи гўшаю канори шаҳр ва ҷамоати шаҳракҳо корҳои созандагиву ободонӣ бо маром идома доранд. Аз ҷумла, ҳафатаи дуюм аст, ки дар кўчаҳои марказӣ шанбегии умумишаҳрӣ гузаронида шуда истодааст, ки дар он тамоми масъулон ва толибилмони муассисаҳои таълимӣ, кормандони корхонаҳову беморхонаҳо иштироки фаъол доранд.

Инчунин бо дастгирии мақомоти иҷроияи ҳокимияти давлатии шаҳр ва маблағгузории Бонки Аврупоии Таҷдид ва Рушд бо мақсади ободу зебо намудани гирду атроф ва саҳни Минтақаи обтаъминкунии асосҳои маркази шаҳр мумфарш гардида, ҳудуди корханаи мазкур тозаву озода карда шуд. Ғайр аз ин, дар назар аст, ки бо маблағгузории бонки мазкур дар замини назди ин бино боғ бунёд карда мешавад.

Тасдиқи нишонаи 25-солагии Иҷлосияи XVI Шӯрои Олии Ҷумҳурии Тоҷикистон аз ҷониби Пешвои миллат

Аз ҷониби Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нишонаи 25-солагии Иҷлосияи XVI Шӯрои Олии Ҷумҳурии Тоҷикистон тасдиқ карда шуд.

Нишонаи мазкур ба таври васеъ метавонад ҳамчун рамзи 25-солагии Иҷлосияи XVI Шӯрои Олии Ҷумҳурии Тоҷикистон истифода гардад.

Иштироки Пешвои миллат Эмомалӣ Раҳмон дар Ҷаласаи 16 — уми Конференсияи вазирони Барномаи ҳамкории иқтисодии минтақавии Осиёи Марказӣ

27 октябри соли 2017 дар толори бошукӯҳи «Зарандуд»-и Кохи Наврӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Ҷаласаи 16 — уми Конференсияи вазирони Барномаи ҳамкории иқтисодии минтақавии Осиёи Марказӣ иштирок ва суханронӣ карданд.

Дар кори ҷаласаи 16 — уми Конференсияи вазирони Барномаи ҳамкории иқтисодии минтақавии Осиёи Марказӣ роҳбарони ташкилоту созмонҳои шарики рушд, институтҳои бонуфузи молиявӣ, аз ҷумла Бонки Осиёии Рушд, Бонки таҷдид ва рушди Аврупо, Хазинаи Байналмилалии Асъор, Бонки Исломии Рушд, Барномаи рушди Созмони Милали Муттаҳид, Бонки умумиҷаҳонӣ, Бонки Осиёии сармоягузории инфрасохтор, Комиссияи Аврупо, Бонки Авруосиёии рушд, Комиссияи иқтисодӣ ва иҷтимоии СММ оид ба Осиё ва Уқёнуси Ором, Созмони Умумиҷаҳонии Савдо, Агентии Япония оид ба ҳамкории байналмилалӣ (Ҷайка), Донишгоҳи Осиёи Марказӣ ва коршиносон аз ҷумҳуриҳои Тоҷикистон, Озарбойҷон, Афғонистон, Гурҷистон, Қазоқистон, Чин, Қирғизистон, Муғулистон, Покистон, Туркманистон, Ӯзбекистон, Амрико, Япония, Британияи Кабир иштирок карданд.

Оғози корҳои таҷдид ва навсозии роҳи мошингарди “Душанбе — Қӯрғонтеппа”

Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо лоиҳаи таҷдид ва навсозии роҳи мошингарди “Душанбе — Қӯрғонтеппа” шинос шуда, барои оғози корҳои сохтмонӣ асос гузоштанд.

Ба Президенти мамлакат муҳтарам Эмомалӣ Раҳмон иттилоъ доданд, ки марҳилаи аввали лоиҳа 33,2 километрро дар бар гирифта, дар натиҷаи амалӣ гаштани он, роҳ аз категорияи “III“-юм ба категорияи “1-Б” гузаронида мешавад ва паҳноии он аз 16 то 25 метрро ташкил медиҳад.