Мулоқоти рӯ ба рӯ

Мусаллам аст, ки фароҳам овардани шароити ҳамаҷонибаи мусоид дар вазъи имрӯз , ин расидан ба рушди устувор ва бемайлони иқтисодист. Мисоли рӯшани инро мо метавонем дар соҳаи саноати шаҳри Қайроққум мушоҳида кунем.

Чӣ бояд карду чӣ тадбирҳо андешид, то дар соҳаи иқтисод ва фаъолияти соҳибкорони инфиродӣ пешравиҳо ба чашм расаду аз номгӯи зиёди хизматрасонии маишиву иҷтимоӣ бошандагони шаҳр қаноатмандӣ изҳор карда, ҳамзамон даҳҳо ҷойҳои нави корӣ ва муҳимтар аз ҳама дар ғани -шавии буҷаи шаҳр сарчашмаҳои боэътимод пайдо шавад.

Баҳри рушди варзиш

Муассисаи давлатии “Мактаби варзишии бачагон ва наврасони шаҳри Қайроққум” субҳи шанбеи ҳар ҳафта дар боғи фарҳангу фароғатии “24-солагии Истиқлолияти давлатии ҶТ” бо иштироки дӯстдорони варзиши сабук машқҳои гуногун мегузаронад. Тадбири номбурда барои ҷалби доираи васеъи хонандагони муассисаҳои таълимии маркази шаҳр ва оммавияти варзиш дар “Соли фарди солим” басо муфид аст.

Омодагӣ ба Наврӯз

Мақомоти иҷроияи ҳокимияти давлатии шаҳри Қайроққум ба тозагии муҳити атроф, ниҳолшинонӣ ва сабзкорӣ таваҷҷуҳи махсус зоҳир менамояд. Аз ин ҷост, ки рӯзи шанбе кулли сокинони шаҳр ба ҳашар баромада, бо иштироки фаъолона дар тоза намудани маҳалли зист, ҳудуди корхонаҳо корҳои зиёдеро ба сомон расониданд.

Тибқи нақша бо ҳадафи омодагии хуб ба истиқболи ҷашни Наврӯзи байналмилал гузаронидани чунин ҳашарҳои умумӣ ҳар ҳафта дар назар аст.

Конференсия

5 феврал дар толори МИҲД-и шаҳр конференсияи Кумитаи иттифоқи касабаи кормандони муассисаҳои давлатӣ, ҷамъиятӣ ва бонкии шаҳри Қайроққум баргузор гардид.

Ҳайдар Муродов оид ба фаъолияти Кумитаи иттифоқи касаба гузориши муфассал дод.

Раиси комиссияи тафтишотӣ Истадҷон Артукова дар бораи хароҷотҳои молиявӣ маълумот пешниҳод кард.