Гурӯҳи эҷодкорон бо адибаи адрасмонӣ Қумрӣ Юлдошева, ки тайи чанд сол дар бистари беморӣ мебошад, мулоқот намуданд. Ба бемории худ нигоҳ накарда ин бонуи зиндадил ба эҷоди шеър машғул буда, ашъораш дар саҳифаҳои рӯзномаҳои шаҳрӣ ва вилоятӣ мунтазам нашр мешаванд.
Дидорбинии адиба бо роҳбари адибони узбекзабони Иттифоқи нависандагони Тоҷикистон Урунбой Усмонов, адиби қайроққумӣ Илҳом Раҳим ва намояндаи Ҷамоати Адрасмон Абдулмаҷид Сиддиқов хеле самимӣ ва хотирмон ба вуқӯъ пайваст. Урунбой Усмонов роҷеъ ба маҷмӯаи шеърҳои ба чоп омода намудаи адиба сухан ронда, оид ба завқи баланд ва муҳтавои ашъораш ибрози ақида кард. Дар навбати худ адиба ба доир ба нақшаҳои эҷодиаш ҳарф зада, нисбати ҳусни таваҷҷуҳ ва дастгириҳои мақомоти маҳаллӣ изҳори миннатдорӣ баён намуд.
Дастоварди саноатчиён
Қарори навбатии Раиси шаҳри Қайроққум Матлубахон Амонзода таҳти №250, аз 30 сентябри соли 2015 «Дар бораи барои даъвати шаҳрвандони солҳои таваллудашон 1888-1997 ба хизмати ҳарбӣ моҳҳои октябр-ноябри соли 2015» ба тасвиб расид. Мувофиқи қарори мазкур дар ҳудуди шаҳр шаҳрвандони ҷинси мард, ки то рӯзи даъват ба синни 18-солагӣ мерасанд, инчунин шаҳрвандони синнашон калон, ки ҳуқуқи ба таъхир андохтани муҳлати даъват ё озод будан аз даъват ба хизмати ҳарбиро надоранд, барои хизмат ба сафҳои Қувваҳои Мусаллаҳи Ҷумҳурии Тоҷикистон даъват карда хоҳанд шуд.
Имруз, 8 октябр дар толори Мақомоти иҷроияи ҳокимияти давлатии шаҳри Қайроққум семинари омӯзишии муштараки вакилони Маҷлисҳои маҳаллии вакилони халқи вилоятӣ ва шаҳрии Қайроққуму Хуҷанд тибқи нақшаи тарҳрезинамудаи Мақомоти иҷроияии ҳокимияти давлатии вилоят баргузор гардид.
8 октябр дар толори шуъбаи маориф пленуми Шӯрои собиқадорони ҷангу меҳнати шаҳр доир гардид. Пленум бо баромади раиси Шӯрои собиқадорони ҷангу меҳнати вилоят Муҳсин Раҳимов оғоз ёфт. Иштирокчиён 4 масъаларо мавриди баррасӣ қарор доданд.
