Тақвияти рушди саноат

Дар толори хурди мақомоти иҷроияи ҳокимияти давлатии шаҳр маҷлиси машваратӣ таҳти раёсати Раиси шаҳри Гулистон Матлубахон Амонзода баргузор гардид. Дар машварат масъалаҳои ҷамъбасти фаъолияти соҳаи саноати шаҳр дар соли 2016 ва бастани уҳдадориҳои истеҳсолӣ барои соли 2017 мавриди баррасӣ қарор дода шуд. Дар машварат мудирон, сарварони шуъбаву бахшҳои МИҲД, роҳбарони корхонаҳои саноатии шаҳр, сохторҳои дахлдор, мақомоти андоз ва раёсати молия ширкат варзиданд.

Раиси шаҳри Гулистон Матлубахон Амонзода машваратро ҳусни оғоз бахшида, зикр дошт, ки даромади асосии аҳолии шаҳр аз ҳисоби машғул гардидан дар соҳаҳои саноат, соҳибкорӣ, пардохти нафақапулӣ ва интиқоли маблағҳо аз ҷониби муҳоҷирони меҳнатӣ мебошад. Корхонаҳои саноатии шаҳри Гулистон дар соли 2016 ба маблағи 2 миллиарду 129 миллиону 523,0 ҳазор сомонӣ маҳсулот истеҳсол намуданд, ки ин нисбати ҳамин давраи соли гузашта бо нархҳои муқоисавӣ 142,3 фоизро ташкил дод ва ин нишондиҳанда ба маблағғи 633 миллиону 341,3 ҳазор сомонӣ зиёд мебошад.

Ҷаҳонишавӣ ва худшиносии миллии ҷавонон

Дар Ҷумҳурии Тоҷикистон солоҳои охири ҳокимияти шўравӣ ба масъалаи таърих, забон, ҳувитя ва худшиносиву худогоҳии миллӣ таваҷҷуҳ зоҳир гардида, дар замони Истиқлолият, ки кишвар аз зери панҷаҳои асорат раҳо шуд, мазмуни нав касб карда, рўҳу равони тоза ёфт ва беш аз пеш вусъат пайдо намуд.

Солҳои бозсозии горбачевӣ, ки дар таърихи шўравии собиқ бо замони ошкорбаёнӣ иштиҳор дорад, дар баробари масъалаҳои дигар ифтихори миллӣ, руҷуъ намудан ба масоили худшиносиву худогоҳӣ ва хештаншиносӣ бо ибтикори зиёиёни тоҷик ба миён гузошта шуд. Яке аз натиҷаи ин ибтикороти аҳли зиёи тоҷик расман ба забони тоҷикӣ додани мақоми давлатӣ ва ба тасвиб расидани қонун оид ба он мебошад, ки дар он замон воқеаи нодир ва бесобиқа ба шумор мерафат.

Дастовардҳои шоистаи гулистониён

Дар толори хурди мақомоти иҷроияи ҳокимияти давлатии шаҳр мутобиқи Амри Президенти Ҷумҳурии Тоҷикистон аз 15-уми сентябри соли 2011 ва тибқи нақшаи ҷадвали МИҲД-и вилояти Суғд аз 30-юми декабр нишасти матбуотии раиси шаҳри Гулистон Матлубахон Амонзода баргузор гардид. Дар нишасти матбуотии Раиси шаҳр намояндагони васоити ахбори омма, аз ҷумла рўзномаҳои «Садои мардум», «Минбари халқ», «Азия-плюс», «Ҳақиқати Суғд», «Согдийская правда», «Суғд ҳақиқати», «Шуълаи умед», «Саломат бошед», «Лочин», «Ризқофарин», маҷаллаҳои «Паёми Суғд», «Ноҳид», шабакаи якуми Радиои Тоҷикистон, телевизиони вилояти Суғд, радиоҳои «Садои Хуросон», «Озодӣ», рўзномаҳои шаҳрии «Соҳил» ва «Гулистони дониш» иштирок намуданд.

Дар ибтидо Раиси шаҳри Гулистон Матлубахон Амонзода доир ба фаъолияти соҳаҳои хоҷагии халқи шаҳр дар давоми соли 2016-ум иттилоъ дода, зикр кард, ки дар соли ҳисоботӣ соҳаҳои хоҷагии халқи шаҳр фаъолияти бомаром дошта, дар натиҷаи меҳнати суботкорона дар тамоми ҷодаҳо ба дастовардҳои назаррас ноил гардиданд.

Об – рўшноист

Қабули пешниҳоди Ҷумҳурии Тоҷикистон аз ҷониби Маҷмааи Умумии Созмони Милали Муттаҳид дар бобати эълон намудани Даҳсолаи байналмилалии амал «Об барои рушди устувор», солҳои 2018-2028 барои Тоҷикистон мояи ифтихори бузург аст. Қобили зикр аст, ки Ҷумҳурии Тоҷикистон бо ташаббусҳои қаблии Асосгузори сулҳу ваҳдати миллӣ-Пешвои миллат, Президенти мамлакат муҳтарам Эмомалӣ Раҳмон, аз ҷумла оид ба эълон доштани Соли байналмилалии оби тоза (2003), Даҳсолаи байналмилалии амалиёт «Об барои ҳаёт» (2005-2015) ва Соли байналмилалии ҳамкорӣ дар соҳаи об (2013) дар арсаи байналхалқӣ ҳамчун ташаббускор эътироф шудааст.

Оби ширину ошомиданӣ чун як манбаи ҳаёт арзиши баланд дорад. Инсон бояд дарк намояд, ки об худ шифо аст ва неъмати ивазнашаванда ба шумор меравад. Агар инсон 2 фоизи оби баданро аз даст диҳад, ташна мемонад, 10 фоизро аз даст диҳад бемор аст, 12 фоизро аз даст диҳад, бе табобати духтур ба по истода наметавонад, 15-20 фоизро аз даст диҳад, ба марг дучор мешавад.