Боздиди Раиси вилоят Раҷаб Аҳмадзода аз ҶСК «Комбинати маъдантозакунии Адрасмон»

Дар доираи корҳои созандагию ободонӣ ба истиқболи 35-солагии Истиқлоли давлатии Ҷумҳурии Тоҷикистон ва татбиқи ҳадафи чоруми стратегӣ-саноатикунонии босуръати кишвар дар шаҳри Гулистон корҳои барқарорсозӣ ва бунёди корхонаҳои нави истеҳсолӣ бо маром идома доранд.

Раиси вилояти Суғд Раҷаб Аҳмадзода зимни сафари корӣ дар Ҷамоати шаҳраки Адрасмони шаҳри Гулистон бо ҷараёни корҳои навсозӣ дар ҶСК «Комбинати маъдантозакунии Адрасмон» шинос гардид.

Иттилоъ дода шуд, ки комбинати мазкур аз соли 2013 инҷониб фаъолият надошт. Бо дастгирии Ҳукумати Ҷумҳурии Тоҷикистон имрӯз корҳои азнавсозӣ, насбу васли таҷҳизоти муосир ва омодасозии истеҳсолот дар ин корхонаи азими саноатӣ идома дошта, он то ҷашни 35-солагии Истиқлоли давлатӣ ба истифода дода мешавад.

Ҷаласаи ҷамбасти шашмоҳаи Шӯрои Ҳаракати ҷамъиятии ваҳдати миллӣ ва эҳёи Тоҷикистон дар шаҳри Гулистон ва Шӯрои куҳансолони ҳаракат доир гардид

Имрӯз санаи 23.07.2026 дар толори хурди Мақомоти иҷроияи ҳокимияти давлатии шаҳри Гулистон ҷаласаи ҷамъбастии Шӯрои Ҳаракати ҷамъиятии ваҳдати миллӣ ва эҳёи Тоҷикистон шашмоҳаи аввали соли 2026 баргузор гардид.

Дар ҷаласа намояндагони Шӯрои вилоятии Ҳаракати ҷамъиятии ваҳдати миллӣ ва эҳёи Тоҷикситон муовини раиси Ш=рои собиқадорони КИ ҲХДТ дар вилояти Суғд Каромулло Одилов ва корманди Шӯрои иттифоқи касабаи вилоят Ҳомидов Ҳасанҷон, ҳамчунин аъзои Шӯрои шаҳрӣ, роҳбарони ташкилоту муассисаҳо, аъзои гурӯҳи тарғиботӣ ва фаъолони ҷомеа иштирок намуданд.

Дар рӯзномаи ҷаласаи ҳисоботӣ масъалаҳои зерин мавриди баррасӣ қарор гирифтанд.

Ташрифи рӯзноманигорон ба шаҳри Гулистон

Санаи 15 июли соли 2026 дар доираи иқдоми “Корвони журналистон”, ки бо ташаббуси бахши суғдии Иттифоқи журналистони Тоҷикистон ва дастгирии Мақомоти иҷроияи ҳокимияти давлатии вилояти Суғд роҳандозӣ гардидааст, ҳайати журналистони вилоятӣ ба шаҳри Гулистон ташриф оварданд.
Маросими истиқболи меҳмонон дар Боғи фарҳангӣ-фароғатии “Темурмалик” бо иштироки Раиси шаҳри Гулистон Илҳом Пӯлотзода дар фазои тантанавӣ бо эҳтироми хоса баргузор гардид.
Меҳмонон зимни сафар аз мавзеъҳои таърихиву фарҳангӣ, иншооти иҷтимоӣ, истеҳсолӣ, ва сайёҳии шаҳр, аз ҷумла корҳои ободониву созандагӣ бахшида ба ҷашни 35-солагии Истиқлоли давлатии Ҷумҳурии Тоҷикистон дидан намуданд.

Раиси шаҳри Гулистон аз рафти корҳои омодагӣ ба ҷашни 35 солагии Истиқлоли давлатии Ҷумҳурии Тоҷикистон дидан намуд.

Бо мақсади шиносоӣ аз ҷараёни корҳои созандагию ободонӣ ва омодагӣ ба истиқболи 35-солагии Истиқлоли давлатии Ҷумҳурии Тоҷикистон, Раиси шаҳри Гулистон аз як қатор иншоотҳои ҷашнӣ ва сохтмонҳои муҳими шаҳр аз қабили  ҶДММ "Шамс тиҷорат ",  ҶДММ "Паррандаи заррин" , Сехи истеҳсоли коркарди коғаз соҳибкор Нуруллоев Сайфулло,  маркази хизматрасонӣ ва меҳмонхонаи Рофиев Дилшод ва  тарабхонаи Турсуной Зокирова  боздид ба амал овард.
Зимни боздид Раиси шаҳр аз рафти корҳои сохтмонӣ, сифати иҷрои корҳои ободонӣ ва сатҳи омодагии иншоотҳо шинос шуда, бо масъулини соҳа ва роҳбарони иншоотҳо суҳбат анҷом дод. Ба масъулин ҷиҳати дар муҳлатҳои муқарраргардида ва бо риояи меъёрҳои сохтмонӣ ба анҷом расонидани корҳо, баланд бардоштани сифати иҷрои корҳои бунёдкорӣ ва таъмини омодагии ҳамаҷонибаи иншоотҳо дастуру супоришҳои мушаххас дода шуданд.