ҒОЛИБИЯТ ДАР ОЗМУНИ ПУРНУФУЗИ "ФУРӮҒИ СУБҲИ ДОНОӢ КИТОБ АСТ" МУБОРАК БОД!

Даври ниҳоии озмуни ҷумҳуриявии "Фурӯғи субҳи доноӣ китоб аст" ҷамъбаст гардид.

Дар даври ниҳоии озмуни мазкур аз шаҳри Гулистон 2 нафар хонандаи муассисаи таҳсилоти миёнаи умумӣ ва 2 нафар омӯзгорон фаъолона ширкат намуданд.

Дар натиҷаи баҳогузории ҳайати ҳакамон Фатҳиев Фатҳиддин равоншиноси МТМУ №14-и маркази шаҳри Гулистон дар номинатсияи адабиёти муосири тоҷик сазовори ҷойи дуюм ва Сурайё Шарипова омӯзгори фанни забон ва адабиёти тоҷики МДТ "Гимназияи №1 ба номи академик Бобоҷон Ғафуров" дар номмнатсияи адабиёти классикии тоҷик сазовори мақоми сеюм гардид.

ОҒОЗИ ТАҚДИМИ "ШОҲНОМА" БА ҲАР ХОНАДОНИ СОКИНОНИ ШАҲРИ ГУЛИСТОН

Дар доираи дастуру супоришҳои Дастгоҳи иҷроияи Президенти Ҷумҳурии Тоҷикистон санаи 03.12.2025 дар шаҳри Гулистон тақдими китоби «Шоҳнома» ба сокинони шаҳр бо иштироки Раиси шаҳри Гулистон Илҳом Пӯлотзода ва муовини якуми директори Агентии омори назди Президенти Ҷумҳурии Тоҷикистон Асо Нурулло Асват намояндагони мақомоти ҳифзи ҳуқуқ дар шаҳри Гулистон оғоз гардид. Ин шоҳасар, ки бо ташаббуси Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон Эмомалӣ Раҳмон ба истиқболи Ҷашни 35-солагии Истиқлоли давлатии кишвар ба шаҳрвандон ҳадя карда шуда истодааст.

Зимни маросими тақдимкунӣ ба собиқадорони меҳнати шаҳр таъкид гардид, ки «Шоҳнома» ҳамчун ганҷинаи безаволи адабиёти классикӣ ва рамзи ҳифзи ҳувияти миллӣ барои тарбияи худшиносии насли наврасу ҷавон аҳамияти бузург дорад. Ин иқдом густариши сатҳи маърифат, эҳтиром ба мероси ниёгон ва эҳёи арзишҳои миллӣ мусоидат мекунад.

ГУЛИСТОН 4 - 1 СПИТАМЕН

Дар доираи бозиҳои гурӯҳии марҳилавии гузаришӣ барои роҳхат ба даст овардан ба Лигаи якуми кишвар дастаи "Гулистон"-и шаҳри Гулистон бозии охири даври гурӯҳиро бо дастаи "Спитамен"-и ноҳияи Спитамен баргузор намуд.

Ҳисоби бозӣ бо натиҷаи 4-1 ба фоидаи дастаи "Гулистон" ба охир расид.

Ҳисоби бозии дастаҳои дигари гурӯҳ "Рахш"-и ноҳияи Восеъ ва "Помир"-и шаҳри Хорӯғ бо ҳисоби 1-1 ба охир расид.

Дар натиҷа дар гурӯҳ "Рахш" бо 7 имтиёз дар ҷойи аввал, "Гулистон" бо 6 имтиёз дар мақоми дуюм, "Помир" бо 4 имтиёз дар мақоми сеюм ва "Спитамен" бидуни имтиёз дар мақоми охир қарор гирифтанд.

РӮЗИ ҶАҲОНИИ МУБОРИЗА БО ВНМО

Имрӯз, 1 - уми декабри соли 2025 дар толори Мактаби санъати шаҳр аз тарафи маркази саломатӣ, масъулини Маркази Вируси Норасоии Масунияти Одам (ВНМО) аксияи тарғиботиву фаҳмондадиҳӣ доир гардид, ки дар он муовини Раиси шаҳр Муслимахон Ҷамолиён, роҳбари Маркази саломатии шаҳр Ҷонибек Ҳоммдҷонов иштирок намуданд. Ин иқдом бо мақсади ҷалби таваҷҷуҳи аҳолӣ ба масъалаҳои мубрами тандурустӣ, пешгирии бемории сироятии ВНМО ва баланд бардоштани сатҳи саводи тиббии ҷавонон ташкил карда шуд.

Дар рафти чорабинӣ иштирокчиён бо овезаҳои ташвиқотии «Тарзи ҳаёти солим» ва рамзи лентаи сурх рамзи ҳамбастагӣ бо шахсони гирифтори ин беморӣ паёмҳои огоҳонаро ба ҷомеа расониданд. Варақаҳои иттилоотӣ бо маълумотҳои судманд оид ба роҳҳои пешгирии сирояти ВНМО, усулҳои муҳофизат, аҳамияти ташхиси саривақтӣ, масъулияти шахсӣ дар нигоҳдории саломатӣ ва интихоби тарзи ҳаёти солим тақсим гардид.