ШИНОСОӢ БО ҶАРАЁНИ КОРҲОИ СОЗАНДАГИВУ БУНЁДКОРӢ ДАР ШАҲРАКИ ЧОРУҚДАРРОН

Имрӯз, 10 апрели соли 2026 Раиси шаҳри Гулистон Илҳом Пӯлотзода бо мақсади шиносоӣ бо вазъи корҳои ободониву созандагӣ ба истиқболи ҷашни 35-солагии Истиқлоли давлатӣ ва эълон гардидани соли 2026 "Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ" аз Ҷамоати шаҳраки Чоруқдаррон дидан намуд.

Дар ҷараёни сафари корӣ ҷараёни корҳои сохтмонӣ аз фермаи мурғпарварӣ дар заминаи ҶДММ “Мурғи аълосифат”, ҷараёни фаъолияти истеҳсолии ҶСК “Комбинати фулузоти нодири Ленинобод”, таъмири системаи оби нушокии ҷамоати шаҳраки Чоруқдаррон ва якқатор марказҳои хизматрасонӣ дидан карда шуд.

Иттилоъ дода шуд, ки барои сазовор истиқбол гирифтани Ҷашни 35-солагии Истиқлоли давлатӣ дар шаҳраки Чоруқдаррон 18 иншооти ҷашнӣ ба нақша гирифта шуда, то имрӯз 15 адади он мавриди баҳрабардорӣ қарор дода шудааст ва дар дигар иншоотҳо корҳо бо маром ҷараён доранд.

ҚАБУЛИ ШАҲРВАНДОН ДАР ҶАМОАТИ ШАҲРАКИ ЧОРУҚДАРРОН

Имрӯз, 10-уми апрели соли 2026 дар доираи сафари корӣ ба Ҷамоати шаҳраки Чоруқдаррон Раиси шаҳри Гулистон Илҳом Пӯлотзода як қатор шаҳрвандонро ба ҳузур пазируфта, муроҷиатҳои онҳоро шунида мавриди баррасӣ қарор дод.

Зимни қабул шаҳрвандон бо масъалаҳои гуногуни иҷтимоӣ муроҷиат намуданд. Аз ҷумла, сокинон вобаста ба ҷудо намудани қитъаи замин, ба расмият даровардани ҳуҷҷатҳои ҳуқуқи истифодаи замин ва манзили истиқоматӣ, ҳалли баҳсҳои марбут ба моликияти шахсӣ ва амсоли инҳо суолҳо дода шуд.

Раиси шаҳр ҳар як муроҷиатро мавриди омӯзиш қарор дода, ба нафарони масъул ҷиҳати баррасии ҳамаҷониба ва андешидани чораҳои мушаххас супоришҳо дод. Таъкид гардид, ки ҳалли саривақтии масъалаҳои шаҳрвандон ва расонидани кумаки амалӣ ба онҳо яке аз самтҳои афзалиятноки фаъолияти мақомоти маҳаллӣ ба шумор меравад.

МУЛОҚОТИ РАИСИ ШАҲРИ ГУЛИСТОН ИЛҲОМ ПӮЛОТЗОДА БО ДОНИШҶӮЁНИ ГУЛИСТОНӢ

Имрӯз, 08.04.2026 дар МД “Қасри ҷавонон”-и ба номи Лоиқ Шералӣ дар шаҳри Хуҷанд тибқи нақшаи тасдиқгардида аз ҷониби Раиси вилояти Суғд доир ба баргузории вохӯрии Раисони шаҳру ноҳияҳо бо донишҷӯёни шуъбаҳои рӯзонаи муассисаҳои таҳсилоти олӣ ва миёнаи касбии маркази вилояти Суғд вохӯрии Раиси шаҳри Гулистон Илҳом Пӯлотзода бо донишҷӯёни гулистонӣ баргузор гардид.

Вохӯриро сармутахассиси шуъбаи рушди иҷтимоӣ ва робита бо ҷомеаи дастгоҳи Раиси вилояти Суғд Мирзоғуфрон Ғуфронов оғоз намуда, ҳадафи вохӯрӣ бо донишҷӯёнро баён намуд.

Сипас, Раиси шаҳри Гулистон Илҳом Пӯлотзода суханронӣ намуда, зикр дошт, ки дар партави сиёсати хирадмандонаи Асосгузори сулҳу ваҳдати миллӣ-Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон дар Ҷумҳурии Тоҷикистон ҷиҳати дастгирии сиёсати давлатии ҷавонон - қишри созандаи ҷомеа таваҷҷуҳи хоса зоҳир гардида, дар ин самт як қатр корҳои назаррас ба сомон расонида шуда, барои ташаккули ҳамаҷонибаи онҳо ҳамаи шароити зарурӣ фароҳам оварда шудааст. Ҷавонон неруи бузурги созандаву бунёдкор, сарчашмаи ташаббусҳои бузург, манбаи ғояҳои нав ва ояндаи миллату давлат ҳастанд. Зеро Тоҷикистон ватани ҷавонон буда, нақш ва мавқеи онҳо имрӯз дар тамоми ҷабҳаҳои давлатдорӣ баръало эҳсос карда мешавад.

ХИЗМАТРАСОНИИ ТИББИИ РОЙГОН ДАР ДОИРАИ АКСИЯИ ҶУМҲУРИЯВӢ «ҲАФТАИ САЛОМАТӢ ВА ҲУҚУҚИ ИНСОН ДАР ТОҶИКИСТОН» ВА «РӮЗИ УМУМИҶАҲОНИИ ТАНДУРУСТӢ»

Имрӯз, 07.04.2026 дар доираи аксияи ҷумҳуриявии «Ҳафтаи саломатӣ ва ҳуқуқи инсон» ва бахшида ба «Рӯзи умумиҷаҳонии тандурустӣ» дар баробари дигар минтақаҳои кишвар, дар Беморхонаи марказии шаҳр ва Маркази саломатии шаҳр хизматрасонии тиббии ройгон ба аҳолӣ ба роҳ монда шуд.

Дар ҷараёни ин иқдом сокинон аз ҷониби табибони беморхона ва маркази саломатӣ ба ташхис, муоина ва машварати ройгон фаро гирифта шуда, ба шаҳрвандон бо истифода аз таҷҳизоти муосири тиббӣ хизматрасонии босифат пешниҳод гардид.

Чорабинии мазкур бо ҳадафи баланд бардоштани маърифати тиббии аҳолӣ, пешгирии бемориҳо ва таҳкими тарзи ҳаёти солим баргузор гардида, иштироки фаъоли шаҳрвандонро фаро гирифт.