ШАҲРИ ГУЛИСТОН НАҚШАИ ДАЪВАТИ ТИРАМОҲИРО ДАР РӮЗИ АВВАЛ 100 ФОИЗ ИҶРО НАМУД

Бо мақсади амалигардонии Фармони Президенти Ҷумҳурии Тоҷикистон аз 28 августи соли 2026, таҳти рақами 1221 "Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати

ҳарбиро адо намудаанд ва даъвати навбатии шаҳрвандони солҳои таваллуди 1999-2008 Ҷумҳурии Тоҷикистон ба хизмати ҳарбӣ" ва қарори дахлдори раиси вилояти Суғд як қатор тадбирҳо роҳандозӣ карда шуд.

Маҳз самараи фаъолияти шоистаи масъулини ситоди шаҳрӣ, кормандони комиссариати ҳарбӣ, раисони ҷамоати шаҳракҳо ва дарки падару модарон буд, ки шаҳри Гулистон нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон дар рӯзи аввали даъват 100 фоиз иҷро намуд. Фарзандони далеру шуҷои шаҳр бо сари баланд ба хизмати ҳарбӣ рафта, нишон медиҳанд, ки барои ҳифзи Ватан омодаанд.

САҲМГУЗОРИИ СОКИНОНИ ШАҲРИ ГУЛИСТОН ДАР ҶАМЪОВАРИИ ТИЛЛОИ САФЕД

Санаҳои 25-ум ва 26-уми сентябри соли 2026 беш аз 500 нафар кормандони МИҲД, соҳаи маориф, фарҳанг, маркази назорати давлатӣ санитарию эпидемиологӣ, маркази саломатӣ, беморхонаи марказӣ, КИ ҲХДТ дар шаҳри Гулистон, шуъбаи Агентии меҳнат ва шуғли аҳолӣ дар шаҳр, ҷамоати шаҳракҳои Консой, Чоруқдаррон ва Адрасмон дар ноҳияи Ашт дар ҷамъоварии тиллои сафед дар Хоҷагии деҳқонии "Муфтоев" саҳмгузорӣ намуданд. Дар Хоҷагии деҳқонии "Муфтоев" дар 84 гектар замин пахта кишт карда шуда, бо истифода аз боду ҳавои мусоид ҳосил ғундошта шуда истодааст.

Хоҷагидорон бо истифода аз рӯзҳои мусоиди тирамоҳӣ ҳосили расидаро ҷамъоварӣ намуда истодаанд ва сокинони шаҳри Гулистон баҳри беталаф ҷамъоварии ҳосил ба деҳқонон кумак намуда истодаанд.

Ифтитоҳи купруки навбунёд дар деҳаи Зарчашмаи шаҳраки Адрасмон

Имрӯз, 22 сентябри соли 2026, дар деҳаи Зарчашмаи шаҳраки Адрасмон ба муносибати Ҷашни 35-солагии Истиқлоли давлатии Ҷумҳурии Тоҷикистон ва дар доираи сафари кории Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба вилояти Суғд купруки навбунёди байни маҳаллаҳо бо иштироки роҳбари гурӯҳи корӣ оид ба Ҷашни 35-солагии Истиқлоли давлатӣ, директори Агентии таъминоти амволи махсуси назди Ҳукумати Ҷумҳурии Тоҷикистон Савзаалӣ Назирзода, раиси шаҳри Гулистон Илҳом Пӯлотзода, намояндагони мақомоти давлатӣ ва масъулину сокинони шаҳрак купруки навбунёд бо 56 метр дарозӣ ва 4,5 метр баландӣ, барои беҳтар гардидани ҳаракати сокинон ва рушди инфрасохтори деҳа мавриди истифода қарор дода шуд.

Иншооти мазкур қадами дигаре дар роҳи ободонӣ, созандагӣ ва беҳтар намудани шароити зиндагии мардум ба муносибати ҷашни 35-солагии Истиқлоли давлатии Ҷумҳурии Тоҷикистон мебошад.

Ифтитоҳи бунгоҳи тиббӣ дар деҳаи Зарчашмаи шаҳраки Адрасмон

Имрӯз 22 сентябри соли 2026, ба муносибати Ҷашни 35-солагии Истиқлоли давлатии Ҷумҳурии Тоҷикистон ва дар доираи сафари кории Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба вилояти Суғд дар деҳаи Зарчашмаи шаҳраки Адрасмони шаҳри Гулистон бунгоҳи нави тиббӣ ба истифода дода шуд.

Дар маросими ифтитоҳи бунгоҳи мазкур, роҳбари гурӯҳи корӣ бахшида ба 35-солагии Истиқлоли давлатии Ҷумҳурии Тоҷикистон, директори Агентии таъминоти амволи махсуси назди Ҳукумати Ҷумҳурии Тоҷикистон Савзаалӣ Назирзода, Раиси шаҳри Гулистон Илҳом Пӯлотзода, намояндагони мақомоти давлатӣ ва масъулини шаҳрак иштирок намуданд.