МУЛОҚОТИ МУОВИНИ ПРОКУРОРИ ВИЛОЯТИ СУҒД БО ФАЪОЛОНИ ШАҲРИ ГУЛИСТОН

Баҳри иҷрои бемайлони дастуру роҳнамоиҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва супоришҳои Прокурори генералии Ҷумҳурии Тоҷикистон, генерал-полковники адлия Воҳидзода Ҳабибулло Сайдулло санаи 22 майи соли 2026 аз ҷониби муовини прокурори вилояти Суғд, мушовири адлияи дараҷаи 1 Асозода Дороб Абдусалом дар толори маҷлисгоҳи хурди мақомоти иҷроияи маҳаллии ҳокимияти давлатии шаҳри Гулистон мулоқоту вохӯрӣ бо иштироки раиси шаҳри Гулистон Илҳом Пӯлотзода, роҳбарони мақомоти ҳифзи ҳуқуқ, сохторҳои низомӣ, мақомоти иҷроияи маҳаллии ҳокимияти давлатии шаҳр, раисони ҷамоатҳои шаҳракҳо, масъулини соҳаи маориф, тандурустӣ, барқ, инчунин роҳбарони як қатор корхона ва ташкилоту муассисаҳо, оид ба волоияти қонун, таҳкими қонуният ва тартиботи ҳуқуқӣ, ҳимояи ҳуқуқу озодиҳои инсон ва шаҳрванд, пешгирӣ ва паст намудани сатҳи ҳамагуна ҷинояткорӣ, бахусус ҷинояткории ноболиғон, терроризму экстремизм, маводи мухаддир, риояи қонунгузори замин, ҳодисаҳои номатлуби худкушӣ, танзими ҷашну маросим, масъулият барои таълиму тарбияи кӯдак, кам намудани қарзи истифодаи қувваи барқ, оби полезиву нӯшокӣ ва ҳоҷиш додани бақияи қарзи андоз доир гардид.

Дороб Абдусалом зимни суханронии худ изҳори ақида намуд, ки ҳар як фарди бошуури ҷомеа вазифадор аст, ки баҳри амалигардонии волоияти қонун, дар ҳифз ва таҳкими ваҳдати миллӣ, арзишҳои миллӣ ва истиқлолияти давлатӣ бо риояи бечунучарои талаботи қонунҳо иамалкунанда саҳми арзандаи худро гузорад.

Аёдати ҷавонони бемор дар шаҳри Гулистон

Ба муносибати Рӯзи ҷавонони Тоҷикистон Раиси вилояти Суғд Раҷаб Аҳмадзода дар шаҳри Гулистон ҷавонони дорои имконияти маҳдудро аёдат намуд.

Зимни мулоқот бо Зуҳро Очилова роҳбари вилоят таъкид кард, ки шахсони танҳо, ятимону беморон ҳамеша зери таваҷҷуҳу ғамхории давлату Ҳукумат қарор доранд. Ба номбурда аз номи Пешвои миллат муҳтарам Эмомалӣ Раҳмон туҳфаҳои молӣ ва пулӣ тақдим карда шуд.

Ҳамчунин, Раиси вилоят бо аҳволи Меҳрангез Ҷӯраева шинос гардида, ӯро ба муносибати Рӯзи ҷавонони Тоҷикистон табрик намуд. Меҳрангез Ҷӯраева аз таваҷҷуҳу дастгириҳои пайвастаи давлату Ҳукумат изҳори хушнудӣ кард.

Боздид аз корхонаи Ҷамъияти саҳҳомии кушодаи “Таъминоти моҳӣ”

Дар шаҳри Гулистон Раиси вилояти Суғд Раҷаб Аҳмадзода бо фаъолияти корхонаи коркарди моҳии Ҷамъияти саҳҳомии кушодаи “Таъминоти моҳӣ” шинос гардид.

Корхона бахшида ба ҷашни 35-солагии Истиқлоли давлатии Ҷумҳурии Тоҷикистон дар асоси ҳидоятҳои Пешвои миллат муҳтарам Эмомалӣ Раҳмон бунёд ва мавриди истифода қарор гирифтааст.

Иттилоъ дода шуд, ки коргоҳ дар ҳамкорӣ бо Корпоратсияи “Моҳии тоҷик” фаъолият дошта, дар як баст то 1 тонна моҳиро коркард ва беш аз 5000 қуттӣ консерваи моҳӣ истеҳсол менамояд.

Боздид аз истироҳатгоҳи «Шоҳин»-и Бонки миллии Тоҷикистон

Дар вилояти Суғд корҳои омодагӣ ба баргузории Форуми 11-уми байналмилалии фарҳангию маърифатии Иттиҳоди Давлатҳои Мустақил таҳти унвони «Кӯдакони Иттиҳод» ҷараён дорад. Бо ин мақсад дар истироҳатгоҳи «Шоҳин»-и Бонки миллии Тоҷикистон корҳои таъмиру таҷдид, ободониву созандагӣ ва фароҳамсозии шароити мусоид барои қабули меҳмонон вусъат ёфтааст.

Раиси вилояти Суғд Раҷаб Аҳмадзода зимни боздид аз истироҳатгоҳ раванди корҳои ташкилӣ, навсозии иншоот ва омодагиҳоро мавриди таваҷҷуҳ қарор дода, ба масъулин ҷиҳати бо сифати баланд ва дар муҳлатҳои муайян анҷом додани корҳо дастуру супоришҳо дод.