ВОХӮРӢ БО УСУЛИ "МАҲАЛ БА МАҲАЛ" БО СОКИНОНИ ШАҲРАКИ СИРДАРЁ

Тибқи нақшаи муштараки сохторҳои дахлдори шаҳри Гулистон ҷиҳати баргузории вохӯриҳо бо усули “маҳал ба маҳал” ва “деҳа ба деҳа” дар шаҳраки Сирдарё бо сокинон вохӯрӣ баргузор карда шуд.
Дар вохӯрии мазкур муовини Раиси шаҳри Гулистон Шарифҷони Саидраҳмон, Раиси КИ ҲХДТ дар шаҳри Гулистон Бахтиёр Каримов ва мудири бахши кор бо ҷавонон ва варзиши шаҳри Гулистон Аҳлиддин Абдураҳмонов иштирок ва суханронӣ намуданд.
Дар вохӯрӣ доир ба тақвияти корҳои ободониву созандагӣ ба истиқболи ҷашни 35-солагии Истиқлоли давлатӣ, ҳифзи Истиқлоли давлатӣ, пойдории Ваҳдати миллӣ, устувор нигоҳ доштани давлатдории миллӣ, сарҷамъии миллат, ҳифзи арзишҳои миллӣ, тарғиби андешаи миллӣ, вусъати корҳои ободонӣ, тозаву озода нигоҳ доштан хонаву манзили шахсии сокинон, самаранок истифола бурдани заминҳои наздиҳавлегӣ, даъват ба корҳои ободониву созандагӣ таъкид карда шуд.

Боздид аз корҳои омодагӣ ба мавсими тобистон дар истироҳатгоҳи "Шоҳин"

Санаи 17 майи соли 2026 Раиси шаҳри Гулистон Илҳом Пӯлотзода бо ҷараёни омодагиҳо ба мавсими тобистон дар истироҳатгоҳи «Шоҳин» шиносоӣ намуд.
Истироҳатгоҳи «Шоҳин» дар соҳили Баҳри тоҷик ҷойгир буда, дорои тамоми шароити муосир барои истироҳату фароғати наврасон мебошад. Урдугоҳ аз 10 бино, аз ҷумла утоқҳои машғулиятӣ ва истироҳатӣ, ошхона, толори баргузории ҷаласа ва конфронсҳо, ҳавзи шиноварӣ, майдони футбол, амфитеатр ва дигар иншооти ёрирасон иборат аст. Дар як баст имкони қабули беш аз 500 нафар наврас фароҳам мебошад.

ИНСОН ҶОИЗИ САВДО НЕСТ! - баргузории аксияи иттилоотӣ дар шаҳри Гулистон

Бо мақсади амалигардонии муқаррароти Қонуни Ҷумҳурии Тоҷикистон “Дар бораи муқовимат ба савдои одамон ва расонидани кумак ба қурбониёни савдои одамон” ва қарори Ҳукумати Ҷумҳурии Тоҷикистон аз 24 июни соли 2025, №403 “Дар бораи Нақшаи миллии муқовимат ба савдои одамон дар Ҷумҳурии Тоҷикистон барои солҳои 2025 – 2027” ва бо мақсади баланд бардоштани маърифати ҳуқуқии шаҳрвандон, дар шаҳри Гулистон аксияи васеъи иттилоотӣ таҳти шиори «Инсон ҷоизи савдо нест!» ва «Ҷавонон зидди савдои одамон» баргузор гардид.

Дар ин ташаббуси умумӣҷумҳуриявӣ, ки имрӯз бо ташаббуси якҷояи Вазорати корҳои дохилии Ҷумҳурии Тоҷикистон, Комиссияи байниидоравӣ оид ба муқовимат ба савдои одамон ва Кумитаи кор бо ҷавонон ва варзиши назди Ҳукумати Ҷумҳурии Тоҷикистон ташкил ва гузаронида шуд Мақомоти иҷроияи ҳокимияти давлатии шаҳри Гулистон фаъолона ҳамовозӣ намуд.

Ҷамъбасти Дави миллӣ ва марафони велосипедронӣ дар шаҳри Гулистон

Дар назди бинои мақомоти иҷроияи ҳокимияти давлатии шаҳр ба ғолибони Дави миллӣ ва марафони велосипедронӣ, ки аз рӯйи чор зинаи синну солӣ мардон ва бонувон байни ҳам рақобат намуда, ғолибон муайян гардида, бо диплом ва туҳфаҳои хотиравӣ қадрдонӣ гардиданд.
Диплом ва туҳфаҳоро ба ғолибон Раиси шаҳри Гулистон Илҳом Пӯлотзода ва дигар масъулин тақдим намуданд. Ҳамчунин, як қатор соҳаҳо, ки аар чорабинӣ фаъолона иштирок намуданд бо сипоснома сарфароз гардонида шуданд.