НАМОЯНДАИ ШАҲРИ ГУЛИСТОН ҒОЛИБИ ДАВРИ ВИЛОЯТИИ ОЗМУНИ ҶУМҲУРИЯВИИ "ОИЛАИ БЕҲТАРИН" ГАРДИД

Дар шаҳри Хуҷанд даври вилоятии озмуни ҷумҳуриявии "Оилаи беҳтарин", ки бо ташаббуси Кумитаи кор бо занон ва оилаи назди Ҳукумати Ҷумҳурии Тоҷикистон роҳандозӣ гардидааст, бо иштироки оилаҳои намунавӣ аз шаҳру навоҳии вилоят баргузор гардид.

Озмуни мазкур бо мақсади арҷгузорӣ ба арзишҳои миллии фарҳанги оиладорӣ, таҳкими оила, бунёд ва мустаҳкамсозии муносибатҳои оилавӣ дар заминаҳои муҳаббату эҳтироми якдигар, баланд бардоштани масъулияти оила дар тарғиби фарҳанги оиладорӣ, таъмин ва ҳифзи ҳуқуқу уҳдадориҳои оила дар иҷрои рисолати иҷтимоишавии шахс дар муҳити оила, пешгирии пошхӯрии оила, махсусан, оилаҳои ҷавон, пешгирии никоҳҳои бармаҳал ва хешутаборӣ, пешгирии ҳолатҳои дахолати беасоси шахсони сеюм ба муносибатҳои оилавӣ гузаронида мешавад.

КОРНОМА ВА ХОТИРАИ ШАҲИДОНИ ҶАНГ ФАРОМӮШ НАМЕШАВАД!

Санаи 02.05.2025 дар мактаби санъати шаҳри Гулистон бо иштироки донишҷӯёну хонандагон ва намояндагони касбу кори гуногун тибқи нақшаи тасдиқгардидаи Раиси шурои вилоятии Ҳаракати ҷамъиятии ваҳдати миллӣ ва эҳёи Тоҷикистон дар вилояти Суғд аз 07.04.2025 маҳфили илмӣ-адабӣ таҳти унвони “Корнома ва хотираи шаҳидони ҷанг фаромӯш намешавад!” ба истиқболи 80-умин солгарди Рӯзи Ғалаба дар Ҷанги Бузурги Ватнаии солҳои 1941-1945 ӣаргузор гардид.

Дар маҳфил муовини Раиси шаҳр Шарифҷони Саидраҳмон, Мирзоева Қурбонҷон, котиби якуми Кумитаи вилоятии Суғдии Ҳизби Коммунистии Тоҷикистон, Мирпочоева Мавҷуда мушовири калони Шурои вилоятии Ҳаракати ҷамъиятии ваҳдати миллӣ ва эҳёи Тоҷикистон дар вилояти Суғд, Қосимова Каромат Маҳмудовна раиси Шурои собиқадорони ҷанг ва меҳнати шаҳри Гулистон ва мудири бахши ҷавонони КИ ҲХДТ дар шаҳри Гулистон Абдуллоев Фаридуншоҳ иштирок ва суханронӣ намуданд.

ДАВРИ ШАҲРИИ ОЗМУНИ "ҲАМШИРАИ БЕҲТАРИН" БАРГУЗОР ГАРДИД

Санаи 02.05.2025 дар ҶДММ Осоишгоҳи "Баҳористон"-и шаҳри Гулистон даври шаҳрии озмуни "Ҳамшираи беҳтарин", ки бо ташаббуси соҳаи тандурустии шаҳр роҳандозӣ гардидааст, бо иштироки ҳамшираҳои шафқат аз маркази шаҳр ва ҷамоати шаҳракҳо баргузор гардид. Дар озмун муовини Раиси шаҳри Гулистон Муслимахон Ҷамолиён иштирок ва суханронӣ намуда, таъкид дошт, ки баргузории озмуни "Ҳамшираи беҳтарин" барои баланд бардоштани рӯҳияи кормандони соҳа ва тақвияти фаъолияти онҳо мусоидат мекунад.

Ҳамчунин, афзуда шуд, ки дар зиндагӣ ҳастанд инсонҳое, ки бо меҳрубониашон дили дигаронро ором мекунанд. Онҳо ниёз ба саҳна ва шуҳрат надоранд. Онҳо қаҳрамонанд, вале ором ва хоксор. Онҳо – ҳамшираҳои шафқатанд.

Ҳар рӯз, ҳар соат, ҳар лаҳза онҳо бо чеҳраи пурнур, бо лабони пуртабассум, бо дилу ҷон хизмати инсонро мекунанд. Онҳо аввалин касонеанд, ки ба бемор тасаллӣ медиҳанд ва бо дастони пурмуҳаббат дору медиҳанд. Вақте бемор ашк мерезад, ҳамшираи шафқат аст, ки дар паҳлӯяш менишинад ва бо суханони нармаш ба ӯ оромӣ мебахшад.

Баргузории “Рӯзи мудофиаи гражданӣ”-и намунавӣ дар мавзуи “Заминҷунбӣ”

Дар асоси фармоиши Сардори Раёсати Кумитаи ҳолатҳои фавқулодда ва мудофиаи гражданӣ дар вилояти Суғд аз 13.03.2025, №27, қарори Раиси шаҳри Гулистон аз 17.04.2025, №94 Дар бораи ташкил ва гузаронидани «Рӯзи мудофиаи гражданӣ»-и намунавӣ ва ягона, Нақшаи чорабиниҳои асосии вилояти Суғд ва шаҳри Гулистон оид ба масълаҳои мудофиаи гражданӣ, пешгирӣ, эътино ва рафъи оқибатҳои ҳолтҳои фавқулодда барои соли 2025, инчунин нишондодҳои ташкилӣ-методӣ оид ба тайёр намудан ва гузаронидани «Рӯзи мудофиаи гражданӣ»-и намунавӣ ва ягона санаи 29 апрели соли 2025 дар заминаи муассисаи таҳсилоти миёнаи умумии №2-и ҷамоати шаҳраки Чоруқдаррони шаҳри Гулистон «Рӯзи мудофиаи гражданӣ»-и намунавӣ бо мақсади тарғиби дониш дар соҳаи мудофиаи гражданӣ, ҳифзи аҳолӣ ва ҳудуд аз ҳолатҳои фавқулодда, такмил ва баланд бардоштани маҳорати амалии омӯзгорон ва хонандагон оид ба рафтор намудан ҳангоми хавфи офатҳои табиӣ ва санҷидани ҳолати омодагии муассисаҳо доир ба мудофиаи гражданӣ дар мавзуи: «Заминҷунбӣ» ташкил ва гузаронида шуд.

Сараввал бо иштироки муовини Раиси шаҳри Гулистон Шарифҷони Саидраҳмон, сардори бахши Раёсати Кумитаи ҳолатҳои фавқулодда ва мудофиаи граждании вилояти Суғд дар шаҳри Гулистон подполковник Ализода Ш.Т., раиси ҷамоат Бердиева Н., мудири шуъбаи маорифи шаҳр Каримӣ Д, директорону омӯзгорони муассисаҳо таҳсилоти миёнаи умумӣ, мудирони муассисаҳои таҳсилоти томактабии шаҳри Гулистону ҷамоати шаҳракҳои он дар назди муҷассамаи ҷанговарони ҶБВ-и шаҳраки Чоруқдаррон гулчамбарҳо баҳри пост доштани хотирраи ҷанговарон гузошта шуд.