НОМАИ ШОДБОШИИ РАИСИ ШАҲРИ ГУЛИСТОН ИЛҲОМ ПӮЛОТЗОДА БА МУНОСИБАТИ РӮЗИ ВАРЗИШГАРОН

Муҳтарам варзишгарон, парчамбардорони меҳан!

Рӯзи варзишгарони Тоҷикистон дар остонаи ҷашни воқеан ҳам арзишманди миллӣ - Истиқлоли давлатӣ рост меояд, ки онро варзишгарон бо дастовардҳои арзанда ва парафшониҳои Парчами миллӣ дар сатҳи байналмилалӣ истиқбол менамоянд.

Маврид ба зикр аст, ки бо тақвияти намудҳои гуногуни варзиш ва ғамхорию дастгирии пайвастаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соҳаи варзиш ва тарбияи ҷисмонӣ дар кишвар соҳиби эътибори хоса гардида, мунтазам рушд меёбад.

Қадршиносии ғолибону ҷоизадорони озмуну олимпиадаҳои ҷумҳуриявӣ ва байналмилалӣ

Санаи 7 августи соли 2026 дар Кохи фарҳанги "Истиқлол"-и маркази шаҳр бо иштироки Раиси шаҳри Гулистон Илҳом Пӯлотзода маросими ҳавасмандгардонӣ ва қадршиносии ғолибону ҷоизадорон, муассисаҳои таълимӣ ва иштирокчиёни фаъоли озмуну олимпиадаҳои ҷумҳуриявӣ ва байналмилалӣ баргузор гардид.

Раиси шаҳри Гулистон Илҳом Пӯлотзода ғолибони озмуну олимпиадаҳои ҷумҳуриявӣ ва байналмилалӣ ва омӯзгорони онҳоро барои барои ба даст овардани ининишондодҳо таҳният гуфта, таъкид дошт, ки мақомоти иҷроияи ҳокимияти давлатии шаҳр барои дастгирии соҳаи маориф таваҷҷуҳи хоса равона намудааст.

ДАВРИ ШАҲРИИ ОЗМУНИ ҶУМҲУРИЯВИИ "БЕҲТАРИН ХИЗМАТЧИИ ДАВЛАТӢ АЗ ҲИСОБИ ЗАНОН" ҶАМЪБАСТ ГАРДИД

Тибқи мактуби Кумитаи кор бо занон ва оилаи назди Ҳукумати Ҷумҳурии Тоҷикистон аз 26 июни соли 2025, №1/(1)-228, вобаста ба иҷрои қарори Ҳукумати Ҷумҳурии Тоҷикистон аз 27 апрели соли 2022, №204, «Дар бораи Барномаи давлатии тарбия, интихоб ва ҷобаҷогузории кадрҳои роҳбарикунанда аз ҳисоби занону духтарони болаёқат барои солҳои 2023–2030», инчунин тибқи ҷадвали тасдиқнамудаи муовини раиси вилояти Суғд аз 3 августи соли 2026, дар толори хурди Мақомоти иҷроияи ҳокимияти давлатии шаҳри Гулистон Даври шаҳрии озмуни ҷумҳуриявии «Беҳтарин хизматчии давлатӣ аз ҳисоби занон» баргузор гардид, ки дар он хизматчиёни давлатӣ — бонувони соҳаву касбу кори гуногун иштирок намуданд.

Дар маросими ҷамъбасти озмун Раиси шаҳри Гулистон Илҳом Пӯлотзода ғолибони даври шаҳрии озмунро таҳният гуфта, барои иштироки фаъол ва ба даст овардани натиҷаҳо дар даврҳои баъдии озмун муваффақият таманно намуд.

МУАРРИФИИ КОМИССАРИ НАВИ ШАҲРИ ГУЛИСТОН

Дар толори хурди мақомоти иҷроияи ҳокимияти давлатии шаҳр муаррифии комиссари ҳарбии Комиссариати ҳарбии шаҳри Гулистон Хайрулло Шарифзода баргузор гардид.

Дар маросими муаррифӣ Раиси шаҳр Илҳом Пӯлотзода, Комиссари ҳарбии вилояти Суғд генерал-майор Умедҷон Солеҳзода, роҳбарони мақомоти ҳифзи ҳуқуқ, муовини соҳавии раиси шаҳр, мудирони шуъбаву бахшҳо иштирок намуданд.

Комиссари ҳарбии вилояти Суғд генерал-майор Умедҷон Солеҳзода зимни муаррифии комиссари навтаъин иброз дошт, ки хизмат дар сафи Қувваҳои Мусаллаҳ ва иҷрои вазифаҳои вобаста ба таъмини мудофиаи давлат аз самтҳои муҳими сиёсати давлатӣ ба ҳисоб рафта, аз ҳар як масъул масъулияти баланд, интизоми қатъӣ ва садоқат ба давлату миллатро талаб менамояд. Ӯ дастуру супоришҳои Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳ муҳтарам Эмомалӣ Раҳмонро ба ҳайати комиссариат расонида, таъкид кард, ки фаъолияти комиссариати ҳарбӣ бояд дар самти баланд бардоштани сатҳи омодагии сафарбарӣ, татбиқи босифати маъракаҳои даъвати ҷавонон ба хизмати ҳарбӣ, таҳкими ҳамкориҳо бо мақомоти давлатӣ ва баланд бардоштани ҳисси ватандӯстиву худшиносии ҷавонон боз ҳам ҷоннок карда шавад. Ҳамзамон ӯ аз комиссари навтаъин даъват намуд, ки бо истифода аз таҷрибаи корӣ, ҳисси баланди масъулиятшиносӣ ва ҳамкорӣ бо мақомоти маҳаллӣ вазифаҳои хизматиро дар сатҳи баланд иҷро намояд.