МУЛОҚОТИ ВАКИЛ БО ИНТИХОБКУНАНДАГОН

Имрӯз, 5-уми августи соли 2025 тибқи ҷадвали баргузории вохӯрии вакилони Маҷлиси намояндагони Маҷлиси Олии Ҷумҳурии Тоҷикистон бо интихобкунандагон аз 1 то 10-уми сентябр, ки санаи 22-юми августи соли 2025 аз ҷониби Раиси вилояти Суғд Раҷаб Аҳмадзода тасдиқ гардидааст дар толори КИ ҲХДТ дар шаҳри Гулистон мулоқоти вакили Маҷлиси намояндагони Маҷлиси Олии Ҷумҳурии Тоҷикистон бо интихобкунандагон доир гардид.

Дар вохӯрии мазкур Раиси шаҳри Гулистон Илҳом Пӯлотзода ва вакили Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии «Мастчоҳ» №18 Азиззода Ғайрат Мулломаҳмад иштирок ва суханронӣ намуданд.

КОНФЕРЕНСИЯ: ЭМОМАЛӢ РАҲМОН – МЕЪМОРИ ИСТИҚЛОЛИ ТОҶИКОН

4-уми сентябри соли 2025 дар Кохи фарҳангии “Истиқлол”-и маркази шаҳри Гулистон тибқи нақшаи кории бахши кор бо ҷавонон ва варзиши мақомоти иҷроияи ҳокимияти давлатии шаҳри Гулистон ба муносибати таҷлили шоистаи Ҷашни 34-солагии Истиқлоли давлатиии Ҷумҳурии Тоҷикистон таҳти унвони “Эмомалӣ Раҳмон – меъмори Истиқлоли тоҷикон” бо иштироки гирандагони стипендияи Президентӣ ва Раиси шаҳр, ҷавонони муассисаҳои таълимии маркази шаҳр ва донишҷӯёни Муассисаи ғайридавлатии таълимии коллеҷи тиббии шаҳри Гулистон Конференсияи илмӣ-амалӣ баргузор гардид.

Конференсия бо садо додани Суруди миллии Ҷумҳурии Тоҷикистон оғоз гардид.

Дар кори Конфренсияи муовини Раиси шаҳр Шарифҷони Саидраҳмон, мудири бахши кор бо ҷавонон ва варзиши шаҳр Аҳлиддин Абдураҳмонов, мудири бахши ҷавонони КИ ҲХДТ дар шаҳри Гулистон, роҳбари намояндагии ТҶҶ “Созандагони Ватан” дар шаҳр Фаридуншоҳ Абдуллоев, мудири бахши адабиётшиносии Муассисаи давлатии “Маркази илмии Камоли Хуҷандӣ” Исмоил Саидов ва муовини директор оид ба корҳои тарбияи Коллеҷи тиббии шаҳр Қурбонбой Алиев иштирок ва суханронӣ намуданд.

ИСТИҚЛОЛ ВА ВАҲДАТИ МИЛЛӢ - ПОЙДЕВОРИ ДАВЛАТИ МУТАМАДДИН

Имрӯз, 03.09.2025 дар Ҷамоати шаҳраки Чоруқдаррони шаҳри Гулистон дар доираи нақшаи кории бахши кор бо ҷавонон ва варзиши Мақомоти иҷроияи ҳокимияти давлати шаҳри Гулистон Конференсияи илмӣ-амалӣ бахшида ба 34-солагии Истиқлоли давлатии Ҷумҳурии Тоҷикистон таҳти унвони “Истиқлол ва Ваҳдати миллӣ-пойдевори давлати мутамаддин” бо иштироки ҷавонон, собиқадорон ва кормандони ташкилоту муассисаҳои ҳудуди шаҳраки Чоруқдаррон баргузор гардид.

Нахуст мудири бахши кор бо ҷавонон ва варзиши шаҳр Аҳлиддин Абдураҳмонов кори Конференсияро оғоз намуд.

Дар Конференсия муовини Раиси шаҳри Гулистон Шарифҷони Саидраҳмон, мудири бахши кор бо ҷавонон ва варзиши шаҳр Аҳлиддин Абдураҳмонов ва мудири бахши ҷавонони КИ ҲХДТ дар шаҳри Гулистон Фаридуншоҳ Абдуллоев суханронӣ намуданд.

ИСТИҚЛОЛИЯТ – ОРМОНИ ТАЪРИХИИ МИЛЛАТ

1-уми сентябри соли 2025 тибқи нақшаи кории бахши кор бо ҷавонон ва варзиши шаҳр дар қисми ҳарбии 45025 КҲФ МГ назди Ҳукумати Ҷумҳурии Тоҷикистон дар вилояти Суғд бахшида ба 34-умин солгарди Истиқлоли давлатии Ҷумҳурии Тоҷикистон конференсияи илмӣ - амалӣ таҳти унвони "Истиқлолият-ормони таърихии миллат"бо иштироки сарбозони қисми ҳарбии мазкур баргузор гардид. Дар чорабинии мазкур муовини Раиси шаҳр Шарифҷони Саидраҳмон, Аҳлиддин Абдураҳмонов мудири бахши кор бо ҷавонон ва варзиши шаҳр ва Абуалӣ Абдуворисзода муовини командири қисми ҳарбӣ иштирок ва суханронӣ намуданд.

Зикр карда шуд, ки дар ин давраи ҳассосӣ ҳаёти ҷамъиятӣ мо бояд зиракии сиёсиро аз даст надода, шукрона кунем, ки ормонҳои ҳазорсолаи давлатсозиву давлатдории ниёгони озодихоҳамон бо талошу пайкор ва бурду бохтҳои бешумор оқибат ҷомаи амал пӯшиданд ва мову шумо имрӯз соҳиби давлати мустақили миллии хеш ҳастем. Мо бори дигар итминон пайдо менамоем, ки он ҳама талошу муборизаҳои гузаштагонамон ба хотири озодиву Истиқлолият чун мероси аҷдодӣ аз насл ба насл интиқол ёфта, боиси умри ҷовид пайдо намудани суннатҳои пурқиммати таърихиву фарҳангӣ ва забону адаби ғановатманди мо гардиданд. Мову шумо аз фарози қарни XXI бояд ҳеҷ гоҳ фаромӯш насозем, ки озодӣ ва Истиқлолият муқаддастарин ва волотарин дастоварди миллат буда, саҳифаҳои пурифтихори озодихоҳиву ватанпарварии мардуми мо бо хуни ҳазорон далерону родмардони сарсупурда навишта шудаанд.