Гулистон: Даври шаҳрии озмуни ҷумҳуриявии “Тоҷикистон – Ватани азизи ман” баргузор гардид

Имрӯз, 08.06.2023 дар толори мактаби санъати маркази шаҳр даври шаҳрии озмуни ҷумҳуриявии “Тоҷикистон – Ватани азизи ман” баргузор гардид.

Муовини Раиси шаҳри Гулистон Ғайрат Оқилзода зимни суханронии худ дар оғози баргузории озмун зикр намуд, ки озмуни ҷумҳуриявии «Тоҷикистон-Ватани азизи ман» тибқи Амри Президенти Ҷумҳурии тоҷикистон аз 2 феврали соли 2023 №АП-329 баргузор карда мешавад. Дар ин замина қарори Раиси вилоят аз 04.04.2023, №113 ва қарори Раиси шаҳри Гулистон аз 06.05.2023, №284 ба тасвиб расидааст.

Озмун бо мақсади дарёфти истеъдодҳои нав дар соҳаи санъати мусиқӣ ва сарояндагӣ, тасвирӣ ва дизайн, баланд бардоштани маҳорати касбӣ ва зебоишиносӣ, тақвият бахшидан ба ҳунари баланди иҷрокунандагӣ, таблиғ ва эҳёи ҳунарҳои мардумӣ, муаррифии фарҳанги волои миллати тоҷик, эҳтиром ва арҷгузорӣ ба суннатҳои неки аҷдодӣ, сатҳи касбии асарҳои нави мусиқӣ, офарандагӣ, интихоби намунаҳои беҳтарини оҳангу суруд, коллексияҳо ва асарҳои рассомӣ, ки инъикоскунандаи фарҳанги гузашта ва имрӯзаи миллати тоҷикро таҷассум намоянд гузаронида мешавад.

ТАРБИЯИ ВАТАНДӮСТИИ ШАҲРВАНДОН-ОМИЛИ МУТТАҲИДИИ МИЛЛАТ

Имрӯз, 08.06.2023 тибқи нақшаи кории мақомоти иҷроияи ҳокимияти давлатии шаҳр  ва нақшаи филиали Иттифоқи ҷавонони Тоҷикистон дар шаҳр ҷиҳати баргузори  вохӯриву мулоқотҳо байни корхонаву ташкилотҳо дар толори муассисаи кумаки аввалияи тиббии санитарии шаҳр хониши сиёсӣ доир ба қабул гардидани Қонуни Ҷумҳурии Тоҷикистон “Дар бораи тарбияи ватандӯстии шаҳрвандон” таҳти унвони “Тарбияи ватандӯстии шаҳрвандон-омили муттаҳидии миллат” ва пешгирии падидаҳои номатлуб дар ҷомеа бо иштироки кормандони муассиса баргузор карда шуд.

Дар вохӯрии мазкур муовини Раиси шаҳр Шарифҷони Саидраҳмон, мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр Фаридуншоҳ Абдуллоев ва раиси филиали Иттифоқи ҷавонони Тоҷикистон дар шаҳр Аҳлиддин Абдураҳмонов  иштирок ва суханронӣ намуданд.

Баргузории хониши сиёсӣ таҳти унвони "Пешгирии падидаҳои номатлуб дар ҷомеа" бо кормандони бахши фарҳанги шаҳр

Имрӯз, 07 июни соли 2023 дар доираи нақшаи баргузории чорабиниҳои мақомоти иҷроияи ҳокимияти давлатии шаҳр доир ба пешгирии падидаҳои номатлуб дар ҷомеа ва ҷадвали баргузории хонишҳои сиёсии филиали Иттифоқи ҷавонони Тоҷикистон дар шаҳри Гулистон  бо кормандони корхонаву ташкилотҳои ҳудуди шаҳр бо кормандони бахши фарҳанги шаҳр вохӯрӣ баргузор карда шуд.

Дар вохӯрии мазкур Фаридуншоҳ Абдуллоев мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр ва Аҳлиддин Абдураҳмонов раиси филиали Иттифоқи ҷавонони Тоҷикистон дар шаҳр иштирок ва суханронӣ намуданд.

Дар вохӯрӣ доир ба пешгирии падидаҳои номатлуб дар ҷомеа аз ҷумла пешгирии гаравиши наврасону ҷавонон ба ҳизбу ҳаракатҳои ифротгароӣ, пешгирии ҷинояткорӣ, тақлид ба фарҳангӣ бегона, пешгирии коррупсия, таълимоти ғайрирасмии динӣ ва ҳамчунин доир ба баланд бардоштани ҳисси миллӣ ва тарбияи ватандӯстии шаҳрвандон корҳои фаҳмондадиҳӣ гузаронида шуд.

Маросими савгандёдкунии наваскарон дар қисми ҳарбии 45025-и Кумитаи ҳолаҳои фавқулода ва мудофиаи граждании назди Ҳукумати Ҷумҳурии Тоҷикистон дар вилояти Суғд

Имрӯз, 07.06.2023 дар қисми ҳарбии 45025-и Кумитаи ҳолаҳои фавқулода ва мудофиаи граждании назди Ҳукумати Ҷумҳурии Тоҷикистон дар вилояти Суғд маросими савгандёдкунии навдаъватшавандагон баргузор гардид.

Дар маросими мазкур муовини раиси Кумитаи ҳолаҳои фавқулода ва мудофиаи граждании назди Ҳукумати Ҷумҳурии Тоҷикистон , генерал майор Иброҳимзода Имомалӣ, Раиси шаҳри Гулистон Раъно Ҳошимзода, роҳбарон ва намояндагони мақомоти ҳифзи ҳуқуқ, шахсони масъули қисми низомӣ, волидайни наваскарон, донишҷӯёни коллеҷи тиббии шаҳри Гулистон ва хонандагони муассисаҳои таълимии шаҳр иштирок намуданд.

Маросими савгандёдкунии наваскарон бо пешниҳоди гузориш ва садо додани Суруди миллии Ҷумҳурии Тоҷикистон оғоз гардид.