Гулистон: Академияи футболи “Сомониён” ба фаъолият оғоз намуд

Дар шаҳри Гулистон аз ҷониби собиқ футболбози тими мунтахаби кишвар ва сарбони ҳозираи дастаи “Хуҷанд”-и шаҳри Хуҷанд Ҷаҳонгир Эргашев академияи футболи “Сомониён” таъсис дода шуд.

Академияи футболи “Сомониён” бо чорабинии тантанавии идона ба фаъолият оғоз намуд.

Дар марҳилаи кушодашавии академияи футболи “Сомониён” аъзои академия, мураббиён, волидайн иштирок намуданд.

Чорабинии тантанавии кушодашавии академия бо садо додани Суруди миллии Ҷумҳурии Тоҷикистон оғоз гардид.

ҶАЛАСАИ КОРӢ БО ФАЪОЛОН

Санаи 17.06.2023 дар толори хурди Мақомоти иҷроияи ҳкоимияти давлатии шаҳр бо фаъолони шаҳр бо иштироки роҳбари гурӯҳи корӣ оид ба 35-солагии Истиқлоли давлатӣ директори Агентии таъминоти амволи махсуси назди Ҳукумати Ҷумҳурии Тоҷикистон Савзаалӣ Назирзода ва Раиси шаҳри Гулистон Раъно Ҳошимзода ҷаласаи корӣ баргузор карда шуд. Дар ҷаласаи кории мазкур муовини якум, муовинон, роҳбари дастгоҳи Раиси шаҳр, роҳбарони воҳидҳои сохторӣ, мудирони шуъбаву бахшҳо, раисони ҷамоати шаҳракҳо ва соҳибкорон иштирок доштанд.

Нахуст муовини Раиси шаҳр Ғайрат Оқилзода доир ба рафти иҷрои нақшаи иншооти ҷашнӣ ба муносибати 35-солагии Итсиқлоли давлатӣ маълумот дод. Зикр гардид, ки Мақомоти иҷроияи ҳокимияти давлатии шаҳри Гулистон ҷиҳати иҷрои Фармони Презиенти Ҷумҳурии Тоҷикистон аз 7-уми январи  соли  2022, №311 “Дар бораи ҷашни 35-солагии Истиқлолияти давлатии Ҷумҳурии Точикистон”, қарори Раиси Вилояти Суғд аз 11-уми феврали соли 2022, №41 ва қарори Раиси шаҳри Гулистон аз 5-уми марти соли 2022, №76 “Дар бораи ҷашни 35-солагии Истиқлолияти давлатии Ҷумҳурии Точикистон” ба тавсиб расида, нақшаи чорабиниҳо бо назардошти тағйиру иловаҳо дар 117 иншоот тасдиқ намуда, ҷиҳати иҷрои он корбарӣ намуда истодааст.

Боздид аз ҷараёни корҳои ободониву созандагӣ ба муносибати Ҷашни 35-солагии Истиқлоли давлатӣ аз шаҳраки Зарнисор

Санаи 16.06.2023 муовини роҳбари гурӯҳи корӣ оид ба ҷашни 35-солагии Истиқлоли давлатӣ Муҳаммадӣ Абдусатторзода бо ҳамроҳии гурӯҳӣ корӣ аз ҳисоби кормандони мақомоти иҷроияи ҳокимияти давлатии шаҳр доир ба рафти корҳои ободониву созандагӣ ба муносибати Ҷашни 35-солагии Истиқлоли давлатӣ дар Ҷамоати шаҳраки Зарнисор дидан намуданд.

Гурӯҳи корӣ нахуст аз маркази саломатии шаҳрак дидан намуд. Иттилоъ дода шуд, ки бинои беморхонаи мазкур соли 1958 сохта ба истифода дода шудааст. Дар муассиса барои қабул ва табобати  28 бемор дар як вақт имконият дорад. Дар муассиса норасоии кадр мавҷуд мебошад.

Сипас, гурӯҳи корӣ аз муассисаи таҳсилоти миёнаи умумии №10-и шаҳрак дидан намуд. Тавре зикр карда шуд, бинои муассиса соли 1957, барои 450 нафар дар ду баст сохта ба истифода дода шудааст. Боми муассиса аз ҷониби ширкат соли 2017 таъмир карда шудааст. Сарулибос барои хонандагон аз ҷониби ҶДММ “Маҳина” тибқи шартнома омода карда мешавад. Аз ҷониби кумитаи падару модарон 12 синфхона таъмир карда шуд.

Боздид аз ҷараёни корҳои ободониву созандагӣ ба муносибати Ҷашни 35-солагии Истиқлоли давлатӣ аз шаҳраки Чоруқдаррон

Санаи 15.06.2023 муовини роҳбари гурӯҳи корӣ оид ба ҷашни 35-солагии Истиқлоли давлатӣ Муҳаммадӣ  Аблусатторзода бо ҳамроҳии гурӯҳӣ корӣ аз ҳисоби кормандони мақомоти иҷроияи ҳокимияти давлатии шаҳр доир ба рафти корҳои ободониву созандагӣ ба муносибати Ҷашни 35-солагии Истиқлоли давлатӣ дар Ҷамоати шаҳраки Чоруқдаррон дидан намуданд.

Нахуст гурӯҳи корӣ аз МТТ №5-и шаҳрак дидан намуд. Дар муассис барои ба таълим фаро гирифтани 170 нафар кӯдак шароит муҳайё мебошад. Ҷиҳати насби системаи ягонаи гармидиҳӣ ба муассиса 300000 (сесад ҳазор) сомонӣ маблағ ҷудо гардидааст, ки то  ҷашни Истиқлоли давлатӣ дар соли равон мавриди баҳрабардорӣ қарор дода мешавад.

Сипас, гурӯҳи корӣ аз маркази саломатии шаҳрак дидан намуд. Итилоъ дода шуд, ки дар муассиса таъмири ҷорӣ ба маблағи 600000 (шашсад ҳазор) сомонӣ ба анҷом расонида шудааст. Аз ҳисоби саховатмандони шаҳрак саҳни муассисаи сафолакпӯш карда шудааст. Муассиса соли 1940 сохта ба истифода дода шудааст. Аз 13 утоқи корӣ иборат мебошад.