Баргузории ярмарка-фурӯши маҳсулоти ниёзи аввалия

Имрӯз, 03.06.2023 дар шаҳри Гулистон бо мақсади иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати захираи маводи ғизоӣ ва нисбат ба бозор бо нархҳои дастрас пешниҳод намудани маҳсулоти ниёзи аввалия ярмарка-фурӯши маҳсулоти ниёзи аввалия ва кишоварзӣ баргузор гардид.

Ярмаркаи мазкур ҷиҳати таъмини сокинону меҳмонони шаҳр бо маҳсулоти хушсифати кишоварзию агросаноатӣ ба роҳ монда шуд.

Дар ярмарка маҳсулоти ниёзи аввалия бо нархҳои нисбатан ба бозор арзонтар пешниҳоди сокинон гардид.

Таҷлили Рӯзи байналмилалии ҳифзи кӯдакон дар шаҳраки Адрасмон

Ба муносибати Рӯзи байналмилалии ҳифзи кӯдакон дар шаҳраки Адрасмон чорабинии тантанвӣ баргузор карда шуд.

Раиси ҷамоати шаҳрак Сарҳад Баротзода кӯдакону наврасонро ба ин муносибат аз номи Раиси шаҳри Гулистон Раъно Ҳошимзода муборакбод намуд.

Таъкид карда шуд, ки рўзи 1-уми июн дар ҷаҳон ҳамчун Рўзи байналмилалии ҳифзи кўдакон таҷлил мегардад. Ин санаи муҳим ба мо ҳушдор медиҳад, ки масъулияти саломатӣ, тарбияи маънавии кӯдакону наврасон, фароҳам овардани шароити мусоиди таълиму тарбияи онҳо дар мактаб ва оила, инкишофи эҷодиёти бачагон ва тайёр намудани онҳо ба зиндагии оянда ба дӯши мост. Мо онҳоро бояд дӯст дорем ва меҳру муҳаббати худро дар вуҷуди поки кӯдакон ҷой диҳем.

БАРГУЗОРИИ ҶАЛАСАИ СИТОДИ ШАҲРӢ ОИД БА ЗИМИСТОНГУЗАРОНӢ

Дар толори хурди Мақомоти иҷроияи ҳокимияти давлатии шаҳри Гулистон ҷаласаи Ситоди шаҳрӣ оид ба саривақт омода намудани соҳаҳои иқтисодиёт ва иҷтимоиёти шаҳр барои фаъолияти мунтазам ва самарабахш дар давраи тирамоҳу зимистони солҳои 2023-2024 бо иштироки кулли аъзои Ситод баргузор гардид.

Ҷаласаро муовини якуми Раиси шаҳр Даврон Муҳаммадзода ифтитоҳ намуда зикр дошт, ки қарори Раиси вилояти Суғд  "Дар бораи саривақт омода намудани соҳаҳои иқтисодиёт ва иҷтимоиёт барои фаъолияти мунтазам ва самарабахш дар давраи тирамоҳу зимистони солҳои 2023-2024" ба тасвиб расида, дар заминаи он  қарори Раиси шаҳри Гулистон доир ба ин мақсад ба тасвиб расидааст.

Гулистон: Фестивали шаҳрии атласу адрас ва намоишу фурӯши онҳо баргузор карда шуд

Имрӯз, 02.06.2023 дар толори Кохи фарҳангии Итсиқлол”-и маркази шаҳр бо мақсади тарғибу ташвиқи либоси миллӣ, тарбияи зебоипарастӣ, эҳё ва ҳифзу нигоҳдошти беҳтарин суннатҳои мардумии ниёгон дар самти тарроҳии либоси анъанавии тоҷикона, тақвияту густариш бахшидан ба истеҳсолу истифодаи анвои гуногуни либосу матоъҳои миллӣ, рушди атласу адрасбофӣ, ҷиҳати таъмини иҷрои Амри Президенти Ҷумҳурии Тоҷикистон аз 3 январи соли 2023, №АП-318 ҷадвали баргузории фестивал, намоиш, ид, озмунҳои анъана ва ҳунарҳои мардумӣ ва ҷашну солгардҳо дар сатҳи ҷумҳурӣ барои соли 2023, қарори раиси вилояти Суғд ва қарори Раиси шаҳр Фестивали шаҳрии атласу адрас ва намоишу фурӯши онҳо баргузор карда шуд.

Муовини Раиси шаҳри Гулистон Ғайрат Оқилзода дар фестивали мазкур иштирок намуда, зикр кард, ки адрасбофӣ яке аз ҳунарҳои маъмулии тоҷикон маҳсуб меёбад, ки то ба имрўз маъруфияти зиёд дорад. Адрас матоест, ки тораш аз абрешиму пудаш аз ресмони пахтагин буда, дар дастгоҳи махсус бофта мешавад. Аз матои адрас сару либоси занона, ҷомаҳои мардонаву бачагона ва баъзе ашёи рўзгор, ба монанди кўрпаву болишт ва дастархону рўйпўши бистар медўзанд, ки дар ҳаёти маишии мардум васеъ истифода мегарданд.