Конференсияи илмӣ-амалӣ ба муносибати Рӯзи ҷавонони Тоҷикистон таҳти унвони “Ҷавонон ва ҳифзи манфиатҳои миллӣ”

Имрӯз 12.05.2023 дар толори муассисаи таҳсилоти миёнаи умумии №1-и маркази шаҳр дар доираи моҳвораи ҷавонон ба муносибати Рӯзи ҷавонони Тоҷикистон таҳти унвони “Ҷавонон ва ҳифзи манфиатҳои миллӣ” конференсияи илмӣ-амалӣ бо иштироки ҷавонони муассисаи таълимии ҷамоат баргузор гардид.

Дар кори конференсия Аҳлиддин Абдураҳмонов мудири бахши кор бо ҷавонон ва варзиши шаҳр, Содиқзода Рухшона нозири калони минтақавии кор бо ноболиғон ва ҷавонони ШВКД Ҷумҳурии Тоҷикистон дар шаҳри Гулистон ва Муҳаббат Ҳакимова директори муассисаи мазкур иштирок ва суханронӣ намуданд.

Зикр гардид, ки боиси хушнудии мо ҷавонон аст, ки маҳз дар замони соҳибистиқлолии кишвар пайваста ба масоили дастгирии сиёсати давлатии ҷавонон таваҷҷуҳ зоҳир гардида, баҳри бо сифати баланди касбӣ роҳандозӣ намудани тадбирҳои пайваста ва судманду таъсирбахш, ки маҷмуи онҳо аз дастуру супоришҳо ва ҳидояту роҳнамоиҳои Пешвои муаззами миллат  муҳтарам Эмомалӣ Раҳмон сарчашма мегиранд, нақш ва ҷойгоҳи ҷавонон дар ҷомеаи муосир мустаҳкам мегардад.

Баргузории чорабинии фарҳангӣ ба муносибати Рӯзи шашмақом

Дар толори мактаби санъати маркази шаҳр чорабинии фарҳангӣ доир ба таҷлили Рӯзи шашмақом баргузор гардид. Фаридуншоҳ Абдуллоев мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр табрикоти Раиси шаҳр Раъно Ҳошимзодаро манзури аҳли фарҳангчиён ва иштирокдорон намуд.

Зикр гардид, ки аз 12 майи соли 2000 шурӯъ намуда, бо дастури Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамасола дар кишвар12 май ҳамчун Рӯзи шашмақом таҷлил карда мешавад.

Пешвои муаззами миллат муҳтарам Эмомалӣ Раҳмон бо мақсади такмили минбаъдаи анъанаҳои фарҳангии мусиқии халқи тоҷик, дар заминаи арзишҳои аслии санъати мақомхонӣ равнақ додани ҳисси зебоипарастии халқ фармонро «Дар бораи инкишофи минбаъдаи санъати шашмақомхонӣ дар Ҷумҳурии Тоҷикистон» ба имзо расонданд.

Даври шаҳрии озмуни ҷумҳуриявии “Фурӯғи субҳи доноӣ китоб аст” оғоз гардид

Имрӯз, 11.05.2023 дар толори Муассисаи давлатии “Маркази таҳсилоти иловагӣ”-и шаҳр даври шаҳрии озмуни ҷумҳуриявии «Фурӯғи субҳи доноӣ китоб аст» оғоз гардид.

Дар марҳилаи кушодашавии озмун Муовини Раиси шаҳри Гулистон Ғайрат Оқилзода, намояндаи Вазорати маориф ва илми Ҷумҳурии тоҷикистон Сафарзода Фаррух ва намояндаи Раёсати маорифи вилоят Зикриддин Соҳибназаров иштирок ва суханронӣ намуданд.

Таъкид карда шуд, ки бо мақсади таъмини иҷрои Амри Президенти Ҷумҳурии Тоҷикистон, қарори Раиси вилояти Суғд ва дар замнаи он қарори Раиси шаҳри Гулистон аз 28-уми апрели соли 2023, №94 ба тасвиб расидааст.

АЁДАТИ ЗАҲМАТКАШИ АҚИБГОҲ

Имрӯз, 09.05.2023 Раиси шаҳри Гулистон Раъно Ҳошимзода ва намояндаи МИҲД - и вилояти Суғд, сардори Раёсати тандурустии вилоят Ҳабибулло Хайруллозода тибқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва роҳнамоиҳои Раиси вилояти Суғд Раҷаббой Аҳмадзода заҳматкаши ақибгоҳи Ҷанги Бузурги Ватанӣ Сафия Атоеваро аёдат намуда, ба муносибати 78-солагии Рӯзи Ғалаба муборакбод намуданд.

Аснои суҳбат зикр карда шуд, ки Сафи Атоева модари 6 фарзанд буда, дар солҳои Ҷанги Бузурги Ватанӣ ҳамчун заҳматкаши ақибгоҳ фаъолият намудааст. Ҳамчунин, пас аз хотимаи ҷанг то ба давраи ба нафақа баромадан дар соҳаҳои гуногун фаъолияти меҳнатӣ намудааст.

Имрӯзҳо давлату ҳукумат машаққатҳои ӯро дар давраи Ҷанги Бузурги Ватанӣ  ва меҳнати фидокоронаатонро ба назар гирифта ӯро ҳамчун заҳматкаши ақибгоҳ мешиносад ва қадр менамояд.