Паёми табрикии и.в. Раиси шаҳри Гулистон Раъно Ҳошимзода ба ифтихори Рӯзи Модар

Модарону хоҳарони арҷманд,

Бонувони иззатманд,

Ҳамшаҳриёни азиз,

Бо таманниёти беназир ва орзуҳои бепоён фарорасии Рӯзи Модарро, ки ҳамасола дар оғози фасли зебои сол, баҳори нозанин бошукуҳу шаҳомати хоса таҷлил мегардад таҳният гуфта, бароятон сиҳатмандии комил, саодатмандӣ, рӯзгори хушу хуррам ва муваффақиятҳои пайвастаро таманно дорам.

Боиси ифтихору хушнудист, ки дар замони соҳибистиқлолии кишвари маҳбуб бо ибтикори наҷиби Асосгузори сулҳу ваҳдати миллӣ-Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон ва муҳаббати беандозаашон нисбат ба зан-Модар ҳамасола дар саросари кишвар 8-уми март ба сифати Рӯзи Модар бо шукуҳу шаҳомати хоса таҷлил мегардад.

Ҷамомад дар назди муҷасамаи “Модар”

Бо ташаббуси КИ ҲХДТ дар шаҳри Гулистон бахшида ба Иди Модар 3 марти соли 2022 дар боғи фарҳангию фароғатии маркази шаҳр, дар назди муҷасамаи “Модар ” ҷамъомади тантанавӣ бо иштироки васеи сокинони шаҳр доир гардид.

Чорабинии тантанавири Раиси КИ ҲХДТ дар шаҳри Гулистон Ҷамолиён М.Ғ. ҳусни ифтитоҳ бахшида промуни шароиту имкониятҳои васеъ, ки барои занон дар даврони истиқлолият фароҳам оварда шудааст ҳарф зад. Қайд карда шуд, ки тибқи маълумоти оморӣ занон 49,3% аҳолии кишварро ташкил медиҳанд. Имрӯз дар кишвар соҳае нест, ки занону бонувони тоҷик дар он фаъолияти пурсамар надошта бошанд. Ҳоло қариб 68 % кормандони соҳаи тандурустӣ, беш аз 73% кормандони соҳаи маориф, 27% кормандони илм ва зиёда аз 23% онҳое, ки дар соҳаи кишоварзӣ фаъолият доранд, занону бонувон мебошанд.

ТАВАҶҶУҲ БА ОММАВИЯТИ ВАРЗИШ

Дар шаҳри Гулистон баҳри иҷрои саривақтии дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ҷиҳати омавигардонии варзиш ва ташаккули тарзи ҳаёти солим тадбирҳои муассир андешида шуда истодааст.

Тибқи нақшаи чорабиниҳои бахши кор бо ҷавонон ва варзиш, ки аз ҷониби раиси шаҳри Гулистон ба тавсиб расидааст мунтазам мусобиқаҳои гуногуни варзишӣ баргузор гардида истодааст.

Масъулин ва мураббиёни муассисаи давлатии "Мактаби варзишӣ"-и шаҳр дар ҳамкорӣ бо шуъбаи маориф, муассисаҳои таълимӣ, корхонаву ташкилотҳо ва ҷамоати шаҳракҳои тобеи шаҳр, ҳамарӯза мусобиқаҳои варзиширо баргузор менамоянд.

Баргузории маҳфили илмӣ-адабии “Гулистони сухан”

Дар толори китобхонаи шуъбаи Вазорати корҳои дохилии Ҷумҳурии Тоҷикистон дар шаҳри Гулистон бо ташаббуси гурӯҳи ҷавонони "Авангард"-и шаҳр маҳфили илмӣ-алабии "Гулистони сухан" бахшида ба Рӯзи Модар бо иштироки навқаламони гурӯҳи "Авангард" ва иштирокчиёни даври ҷумҳуриявии озмуни "Фурӯғи субҳи доноӣ китоб аст" баргузор гардид.

Дар маҳфили илмӣ-адабӣ Гулнози Тоҳириён узви Иттифоқи нависандагони Тоҷикистон, шоири ширинкалом, Хуршеда Наҷмиддинова узви Иттифоқи журналистони Тоҷикистон, аълочии маориф ва фарҳанги Ҷумҳурии Тоҷикистон нависандаи маҳбуб, Фаридуншоҳ Абдуллоев мутахассиси татбиқи забони Мақомоти иҷроияи ҳокимияти давлатии шаҳр, Рухшона Содиқзода сардори кор бо ноболиғони ШВКД ҶТ дар шаҳр ва Ҷасур Ҳаитқулов роҳбари гурӯҳи ҷавонони "Авангард"-и шаҳр иштирок ва суханронӣ намуданд.