ЭМОМАЛӢ РАҲМОН ВА 30 СОЛИ ИСТИҚЛОЛИ ДАВЛАТӢ. Хадамоти матбуоти Президенти Тоҷикистон Солномаи фаъолияти Сарвари давлатро дар соли 2021 интишор намуд

Хадамоти матбуоти Президенти Ҷумҳурии Тоҷикистон Солномаи фаъолияти Сарвари давлатро дар соли 2021 — соли таҷлили 30-солагии Истиқлоли давлатии Ҷумҳурии Тоҷикистон интишор намуд.

Бо хиради азалии мардуми тоҷик ва сиёсати боровари роҳбарияти давлату Ҳукумати Ҷумҳури Тоҷикистон, бахусус талошҳои хастанопазири Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон шаҳрвандони мамлакат соли 2021 30-юмин солгарди Истиқлолияти давлатии Ҷумҳурии Тоҷикистонро ба таври шоиста ва бо дастовардҳои беназир ҷашн гирифтанд.

Мавриди зикри хос аст, ки халқи ватандӯсти тоҷик барои истиқболи сазовори 30-солагии Истиқлолияти давлатӣ ва дар сатҳи баланди сиёсию фарҳангӣ таҷлил намудани ин ҷашни муқаддаси миллӣ бе харҷи маблағҳои буҷетӣ аз ҳисоби даромадҳои худ беш аз 25 ҳазор иншооти гуногуни таъйиноти истеҳсоливу иҷтимоиро бунёд карданд. Дар ифтитоҳи аксари ин иншоот Президенти мамлакат муҳтарам Эмомалӣ Раҳмон иштирок намуданд.

Дар шаҳри Гулистон ярмарка-фурӯши маҳсулоти кишоварзӣ доир гардид

Имрӯз, 26 март дар маркази шаҳри Гулистон  ярмарка-фурӯши маҳсулоти кишоварзӣ доир гардид. Дар ярмарка ба сокинон маҳсулоти ниёзи аввал бо нархҳои нисбатан аз бозор дастрас пешниҳод карда шуд.

Сокинони шаҳр аз ин иқдом изҳори хушнудӣ намуда, баргузории чунин тадбирҳоро яке аз иқдомҳои шоиста унвон доданд.

Ёдовар мешавем, ки дар шаҳри саноатии Гулистон дар заминаи дастуру супоришҳои Пешвои муаззами миллат муҳтарам Эмомалӣ Раҳмон ва Раиси вилояти Суғд муҳтарам Раҷаббой Аҳмадзода ҳар ҳафта рӯзҳои шанбе ярмарка-фурӯши маҳсулоти кишоварзӣ доир мегардад.

Боздид аз коргоҳи истеҳсоли арматура

Имрўз, 24 март иҷрокунандаи вазифаи раиси шаҳри Гулистон Раъно Ҳошимзода дар минтақаи саноатии шаҳр ба фаъолияти ҷамъияти дорои масъулияти маҳдуди “Маҳмуд ва Компания” шинос шуд.

Ба роҳбари шаҳр иттилоъ дода шуд, ки корхонаи мазкур дар масоҳати умумии 2,4 гектар аз ҷониби соҳибкори маҳаллӣ Абдушукур Раҷабов бунёд шуда,  дар он асосан арматура, ки дар сохтмони бинову иншооти гуногун, махсусан биноҳои бисёрошёна масолеҳи асосӣ ба шумор меравад, истеҳсол мегардад.

Иқтидори истеҳсолии корхона то 50 ҳазор тонна маҳсулот дар як сол буда, дар он тавассути технологияи нави чинӣ арматураи тамғаҳои гуногунқутр истеҳсол мегардад.

Иштироки намояндаи Ҳукумати Ҷумҳурии Тоҷикистон дар тадбирҳои сабзкории шаҳри Гулистон

Имрӯз, 22 март бо иштироки намояндаи Ҳукумати Ҷумҳурии Тоҷикистон, директори Агентии таъминоти амволи махсуси назди Ҳукумати Ҷумҳурии Тоҷикистон муҳтарам Савзаалӣ Назирзода ва иҷрокунандаи вазифаи Раиси шаҳри Гулистон Раъно Ҳошимзода дар шафати шоҳроҳи шаҳр дарахтони нодири ороишиву сояафкан шинонида шуд.

Роҳбари гуруҳи корӣ оид ба истиқболи сазовори 35-солагии Истиқлолияти давлатии Ҷумҳурии Тоҷикистон дар шаҳри Гулистон муҳтарам Савзаалӣ Назирзода зимни шиносоӣ бо рафти корҳои сабзкорӣ ба мутахассисону покизакорон суҳбати самимӣ анҷом дода, баҳри амалӣ намудани сиёсати бунёдкоронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон изҳори сипосмандӣ баён намуд.