НАЗАРЕ БА ИНТИХОБОТИ БЕЛОРУССИЯ

Он гунае, ки тариқи шабакаҳои телевизионӣ ва сосмонаҳои иҷтимоӣ огоҳӣ доштем моҳи августи соли ҷорӣ дар кишвари Белорусия интихоботи президентӣ баргузор мегардид.

Дар ин миён саҳифаҳои маҷозӣ ба баҳсҳои доманадор андармон буданд. Мувофиқи таҳлили коршиносон вазъият дар кишвари Белоруссия ҳанӯз дар охирҳои соли 2019 ба мураккабшавӣ рӯ ниҳодааст. Мухолифин ки дар ҳар як давру замон дар ҳар кишвари дунё вуҷуд доранд, ингуна вазъиятро мехоҳанд сад дар сад истифода бубаранд. Мухолифини кишвари Белоруссия низ ин фурсатҳоро муҳим шуморида ҳанӯз як сол қабл аз интихоботи президентӣ даст ба кор шуданд.

ҲАМОИШИ ШАҲРӢ

Дар Кохи фарҳангии «Истиқлол»-и шаҳри Гулистон тамошои дастаҷамъонаи филми ҳуҷҷатии «Хиёнат» бо иштироки кормандони ташкилоту муассисаҳо, раисони маҳаллаҳо, ходимони дин ва ҷомеаи шаҳрвандии шаҳр бо риояи фосилаи иҷтимоӣ ва талаботи қоидаҳои беҳдоштӣ ва зиддиэпидемикӣ ба вуқӯъ пайваст.

Дар филми мустанади «Хиёнат» фаолияти ифротгароёнаи гурӯҳу равияҳои динӣ, сӯистифода ва ғаразҳои сиёсии онҳо аз арзишҳои диниву мазҳабӣ ба таври ошкоро тазаккур дода шудааст. Мардуми тоҷик хуб медонанд, ки солҳои 90-уми асри гузашта замони нооромиҳои сиёсӣ саркардагони ташкилоти экстремистию террористии Ҳизби наҳзати исломӣ барои расидан ба ҳадафҳои сиёсии худ, худро ба ном «ҳомии дин» нишон дода, дар асл мардумро ба доми макру фиреби худ афканданӣ буданд, хеле бо далелу арқом ва ҳуҷҷатҳои раднопазир амалҳои манфури наҳзатиҳо дар филм нишон дода шудааст.

ТОҶИКИСТОН - ВАТАНИ АЗИЗИ МАН

Дар Кохи фарҳангии “Истиқлол” ба истиқболи 30-солагии Истиқлолияти давлатии Ҷумҳурии Тоҷикистон даври аввали озмуни ҷумҳуриявии “Тоҷикистон- Ватани азизи ман” баргузор гардид.

Озмун аз рӯи номинатсияҳои навозандагӣ ва сарояндагӣ ба вуқӯъ пайваста, иштирокчиён аз рӯи се жанр:анъанавӣ, эстрадӣ ва академӣ маҳорат ва малакаи ҳунармандии онҳо санҷида шуд. Зикр бояд кард, ки иштирокчиён дар номинатсияи навозандагӣ дар интихоби асари мусиқӣ, техника ва дилнишинии сабки навозандагӣ, самимият, маҳорат ва услуби ҳунари худро ба ҳакамон манзур намуданд.

Дар ин номинатсия ҳунарнамоии иштирокчиён Жасмин Мадаминова, Ёсуман Толибова, Таҳмина Камолова, Абдувоҳид Холматов, Дмитрий Шомаҳмадов, Абдураҳим Абдураҳимов, Шарофат Алланазарова, Ҷамшед Юсупова, Муҳаммадалӣ Бозоров ва монанди инҳо ба ҳакамон ва тамошобинон хеле писанд омад. Дар номинатсияи сарояндагӣ (дар се жанр) хушовозӣ, самимият ва маҳорати иштирокчиён Шоҳона Каримова, Худобахш Қаҳҳоров, бародарон Самандар ва Азамат Тиркашевҳо, Мирзои Меҳрубон, Шоира Усмонова, Паҳлавон Усмонов, Мирмаҳмад Нуров, Ҳусейнбой Муродов, Парвиз Ашӯров, Раҷаб Эркаев, Хуршед Тухтаев тибқи талаботи озмун сурат гирифта, онҳо лоиқи холҳои баланд гардиданд.

КОНФЕРЕНСИЯИ ҒАЙРИНАВБАТИИ ҲИЗБИЁНИ ГУЛИСТОНӢ

Дар Кохи фарҳангии “Истиқлол” конференсияи 24–уми ғайринавбатии ҲХДТ дар шаҳри Гулистон баргузор гардид. Конференсия бо садо додани Суруди миллии Ҷумҳурии Тоҷикистон ифтитоҳ ёфт.

Раиси кумитаи иҷроияи гулистонии ҲХДТ Муслимахон Ҷамолиён кори конференсияро оғоз бахшида, дар ибтидо вакилон коммисияи мандатӣ, котибот ва ҳайати таҳририяро интихоб намуда, рӯзномаи конференсияро тасдиқ карданд.

Доир ба омодагии ташкилотҳои ҳизбӣ ба интихоботи Президенти Ҷумҳурии Тоҷикистон раиси кумитаи иҷроияи ҲХДТ дар шаҳри Гулистон Муслимахон Ҷамолиён маърӯза намуд. Зикр гардид, ки алъон дар теъдоди аъзои ҳизб дар ҳудуди шаҳр 4325 нафар буда, ҳизбиён дар 40 ташкилотҳои ибтидоӣ фаъолияти густурда доранд. Бо мақсади дар сатҳи баланди сиёсӣ ва ташкилӣ баргузор намудани маъракаи муҳими сиёсӣ – интихоботи Президенти Ҷумҳурии Тоҷикистон  дар ташкилотҳои ҳизбӣ гурӯҳҳои тарғиботӣ – ташвиқотӣ ташкил гардида, корҳо тибқи нақшаи алоҳида ҷараён доранд. Ҳизбиёни шаҳр аз тамоми имконияту шароитҳои созгор барои таъмини муташаккилона баргузоршавии ин чорабинӣ истифода бурда, барои дар сатҳи баланди сиёсӣ ташкил ва баргузории он мусоидат хоҳанд кард. Дар музокираи маърӯзаи асосӣ вакилон Лоҳур Нарзишозода аз ташкилоти ибтидоии “Апрелевка”, Сарҳад Баротзода аз ташкилоти ибтидоии “Адрасмон”, Равшан Ахмедов аз ташкилоти ибтидоии “Сирдарё” иштирок намуданд.