КОРҲОИ СОҲИЛМУСТАҲКАМКУНӢ

Баҳри иҷрои қарори Раиси шаҳри Гулистон дар бораи «Стратегияи миллии Ҷумҳурии Тоҷикистон оид ба паст кардани хавфи офатҳои табиӣ барои солҳои 2019-2030» дар ҷамоати шаҳраки Адрасмони шаҳри Гулистон деҳаи Гулдара, ки шафати муассисаи таҳсилоти миёнаи умумии №4, ки дар минтақаи хавфнок ҷойгир мебошад, тариқи ҳашарҳои дастаҷамъонаи аҳолӣ ва дастгирии мақомоти иҷроияи ҳокимияти давлатии шаҳри Гулистон корҳои соҳилмустаҳкамкунӣ шурӯъ гардид.

Бояд қайд намуд, ки муассисаи мазкур дар деҳаи Гулдараи ҷамоати шаҳраки Адрасмон ҷойгир буда, аз шафати муассисаи мазкур рӯди Тариконсой мегузарад, ки қариб ҳамасола дар натиҷаи омадани селҳои мавсимӣ ба муассисаи мазкур хатари ҷиддӣ эҷод менамояд.

Мулоқоти Пешвои миллат Эмомалӣ Раҳмон бо роҳбарон ва фаъолони Вилояти Мухтори Кӯҳистони Бадахшон

22 август дар шаҳри Хоруғ Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо роҳбарон ва фаъолони Вилояти Мухтори Кӯҳистони Бадахшон мулоқот карданд.

Сарвари давлат муҳтарам Эмомалӣ Раҳмон сафари корӣ дар шаҳру ноҳияҳои Дарвоз, Ванҷ, Рӯшон ва Хоруғро натиҷагирӣ карда, таъкид доштанд, ки аз рӯи мушоҳидаҳо вилоят дар натиҷаи таваҷҷуҳи доимии давлату Ҳукумати мамлакат ва заҳмату талошҳои ватандӯстонаи мардуми сарбаланди он ба таври назаррас обод шуда, сатҳи зиндагии мардум тадриҷан беҳтар шуда истодааст.

Пешвои миллат изҳор доштанд, ки маҳз бо мақсади таъмин намудани рушду тараққиёти вилоят мо асри 21-умро — асри рушди Бадахшон ва ин минтақаи биҳиштосои кишварамонро — дарвозаи тиллоии Тоҷикистон эълон намуда, бо ҳамин мақсад садҳо нақшаву барномаҳои созандаро амалӣ карда истодаем.

ҲАВЗАИ ГУЛИСТОН ТАШКИЛ ГАРДИД

Тибқи қарори Комиссияи марказии интихобот ва раъйпурсии Ҷумҳурии Тоҷикистон аз 7-уми августи соли 2020, № 102 “Дар бораи ташкил кардани ҳавзаҳои интихобот оид ба интихоботи Президенти Ҷумҳурии Тоҷикистон» барои гузаронидани интихоботи Президенти Ҷумҳурии Тоҷикистон бо дарназардошти ҳудудҳои шаҳру ноҳияҳои ҷумҳурӣ 68 ҳавзаи интихоботӣ ташкил карда шуд.

Дар шаҳри соҳили “Баҳри тоҷик” ҳавзаи интихоботии Гулистон № 29 бо фарогирии ҳудуди ҳавзаи интихоботӣ – шаҳри Гулистон ва шаҳракҳои тобеи он - Адрасмон, Консой, Чоруқдаррон, Зарнисор, Сирдарё ва Навгарзан, бо қароргоҳ – дар бинои Мактаби санъати шаҳри Гулистон, кӯчаи Истиқлол – 44а ва шумораи пешакии интихобкунандагон – 24162 нафар ташкил гардид.

Пешвои миллат Эмомалӣ Раҳмон бо роҳбарону фаъолон ва сокинони ноҳияи Дарвоз мулоқот намуданд

Нимаи дуюми рӯзи 19 август дар ноҳияи Дарвоз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо роҳбарону фаъолон ва сокинони ноҳия мулоқот карданд.

Нахуст Сарвари давлат муҳтарам Эмомалӣ Раҳмон аз пазироии гарм ва самимияти хосаи мардуми заҳматпешаву меҳмондӯсти ин диёри зебо изҳори сипос намуданд.

Зимни суханронӣ Президенти мамлакат дар бораи ифтитоҳи яқ қатор иншооти муҳим ва оғози корҳои сохтмонӣ дар дигар иншоот суханронӣ карда, мавриди баҳрабардорӣ қарор додани онҳоро аз вусъати бомароми корҳои ободониву бунёдкорӣ ба хотири истиқболи шоистаи ҷашни муқаддасу бузурги сисолагии истиқлоли давлатӣ маънидод намуданд.

Таъкид гардид, ки дар ноҳияи Дарвоз барои истиқболи санаи мубораки сисолагии истиқлоли давлатӣ бунёду азнавсозии 38 иншоот ба нақша гирифта шуда, то имрӯз 20 иншоот мавриди баҳрабардорӣ қарор гирифтааст.