Бадхоҳи касон ҳеҷ ба мақсад нарасад

Боиси ифтихор ва шукргузории мо тоҷикистониён аст, ки кишвари мо рӯз то рӯз дар арсаи байналмилалӣ обрӯю нуфуз пайдо карда истодааст. Бо ибтикор ва иқдомҳои шоистаи Президенти Ҷумҳурии Тоҷикистон, Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмон Тоҷикистон ба давлате, табдил ёфта истодааст, ки дар тамоми соҳаҳои ҳаёт намунаи ибрат барои соири кишварҳои дигар гаштааст.

Таҷрибаи сулҳи деринтизори тоҷикон намунаи олии ин гуфтаҳост. Ҷойи аз ин гуфтаҳо изҳори сипосу шодмонӣ намудан, баъзе аз афроди кӯрнамак, ки худро «ҳомиёни миллат» нишон медиҳанд, беҳудаву беасос  сӯйи Ватану ҳамватанони худ санги маломат мезананд. Онҳо дар зери сояи хоҷагони худ дур аз Ватан истода, номи Тоҷикистонро сиёҳ карданӣ мешаванд. Онҳо дигар роҳе надоранд, зеро имрӯз Аврупо Тоҷикистонро чун кишвари озоду обод ва амну субот шинохтааст. Онҳо дигар имкони он ҷо мондан надоранд, чунки Аврупо низ онҳоро шинохт. Ман бо боварии комил гуфта метавонам, ки ин гуна ашхос ҳеҷ гоҳ дар ёди Ватан набуданду нестанд. Танҳо барои манфиатҳои хусусию шахсӣ сайъю кушиш намуда истодаанд, зеро тамоми Тоҷикистон аз амалу ният ва найрангу дасисабозиҳои Шумоён он ҷо огоҳ шудаанд.

НАТИҶАГИРИИ СОЛИ ҲИСОБОТӢ

Роҷеъ ба натиҷагирии фаъолияти соҳаҳои хоҷагии халқи шаҳри Гулистон дар давоми соли 2019 таҳти раёсати Раиси шаҳри Гулистон Фирдавс Шарифзода ҷаласаи фаъолони шаҳр бо иштироки муовини якум, муовин ва роҳбари дастгоҳи  Раиси шаҳр, мудирони шуъбаҳо ва бахшҳои мақомоти иҷроияи ҳокимияти давлатии шаҳр, роҳбарони воҳидҳои сохтории шаҳр, роҳбарони мақомоти ҳифзи ҳуқуқ, роҳбарони корхона, ташкилоту муассисаҳо, раисони ҷамоати шаҳракҳо, намояндагони соҳаҳои маориф, тандурустӣ ва дигар фаъолон баргузор гашт.

Доир ба ҷамъбасти натиҷаҳои рушди иҷтимоию иқтисодии шаҳри Гулистон дар давоми соли 2019 муовини Раиси шаҳри Гулистон Ғайрат Оқилзода маърӯза намуд. Зикр  гардид, ки давоми  соли 2019 ба қисми даромади буҷети давлатӣ  184,5 миллион сомонӣ маблағҳои андозу пардохтҳо ворид гашт, ки он баробар ба 104,3 фоизи нақшаи пешбинишуда буда, ба буҷет 7,6 миллион  сомонӣ аз нақша зиёд маблағ ворид гардид. Нақшаи даромади буҷети шаҳрӣ  51,6 миллион сомонӣ ё 106,8 фоиз ба иҷро расонида шуда, аз нақша 3,3 миллион сомонӣ зиёд маблағ ворид гардид. Ҳаҷми хизматрасонии пулакӣ дар давраи ҳисоботӣ ба аҳолӣ ба маблағи 80,5 миллион сомонӣ расонида шуда, нисбат ба ҳамин давраи соли 2018-ум ба маблағи 3,1 миллион  сомонӣ зиёд, ё ин ки ба 104% баробар мебошад. Ҳаҷми умумии гардиши савдои чакана дар ин давра 158,4 миллион сомонӣ буда,  100,1 фоизро ташкил дод.

САНАДИ РОҲНАМОИ ОЯНДАИ ДУРАХШОН

Дар толори калони мақомоти иҷроияи ҳокимияти давлатии шаҳр мулоқот бо гурӯҳи ташвиқотӣ оид ба тарғиби муҳтавои Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон аз 26-уми декабри соли 2019 таҳти раёсати Раиси шаҳри Гулистон Фирдавс Шарифзода бо иштироки фаъолон, роҳбарони воҳидҳои сохтории мақомоти иҷроияи ҳокимияти давлатии шаҳр, худидоракунии маҳаллӣ, мақомоти қудратӣ, собиқадорони меҳнат, сарварони муассисаҳои маорифу тандурустӣ ва фарҳанг, намояндагони ҷомеаи меҳнатии корхонаҳои саноатӣ, бонувону ҷавонони шаҳр баргузор гардид.

Раиси шаҳри Гулистон Фирдавс Шарифзода мулоқотро ифтитоҳ бахшид. Зикр гардид, ки санаи 26-уми декабри соли 2019 аз ҷониби Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон Паёми навбатӣ ироа гардид. Дар Паёми Пешвои миллат роҳи минбаъдаи рушди мамлакат, барномаи фаъолияти Ҳукумати кишвар, мақомоти иҷроияи марказӣ ва маҳаллии ҳокимияти иҷроия ба таври возеҳу равшан баён шудаанд. Сокинони шаҳри Гулистон Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ  Раҳмон ба Маҷлиси Олии мамлакатро бо рӯҳияи баланди ифтихор аз ватандориву соҳибистиқлолӣ қабул намуда, онро чун барномаи мушаххаси рушди минбаъдаи иқтисодиёту иҷтимоиёт ва рафъи камбудиҳои кулли соҳаҳои хоҷагии халқи ҷумҳурӣ арзёбӣ намуда, самтҳои асосии онро сармашқи кори худ қарор медиҳанд.

ГУРӮҲИ ТЕРРОРИСТОНИ ВАТАНГАДО

Пайдо шудани гурӯҳҳои манфиатхоҳ ба мисли “Гурӯҳи 24” ки ба худнамоӣ ва худситоӣ машғуласт ва то андозае боиси эъҷоди хавфу хатар гардидааст, нигароникунанда мебошад. Онҳо ба қавли Мавлоно Ҷалолиддини Румӣ намедонанд, ки:  “Аз куҷо омадаанд ва омаданашон баҳри чӣ буд? Иллати аслии омаданашон “...барои васлкардан, на барои фаслкардан”-ро  дарк накардаанд, ки андешаи ҷудоӣ ва ҷудоиандозиро дар ниҳодашон парвариш менамоянд.

Аслан онҳо касоне ҳастанд,  ки ба қавли Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон “На падару модар, на дин ва на давлат  доранд”. Онҳо зархаридоне ҳастанд, ки ҳатто наметавонанд аз он сарвате, ки  барои амалашон  ба даст меоранд истифода намоянд. Ҷаҳолат ва гумроҳӣ боис шудааст, ки онҳо  ба доми  душманони  инсоният, ки мутаассифона аз табори худашон (манзур хоҷагони онҳост, ки онҳо низ “инсон”-анд ) аст, гирифтор шудаанд.