Ироаи Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон

26 декабри соли 2019 дар толори калони «Кохи Сомон»-и Бӯстонсаройи Ҳукумати Ҷумҳурии Тоҷикистон Паёми Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон «Дар бораи самтҳои асосии сиёсати дохилию хориҷии Ҷумҳурии Тоҷикистон» ба Маҷлиси Олии Ҷумҳурии Тоҷикистон ирсол гардид.

Дар толор аъзои Маҷлиси миллӣ ва вакилони Маҷлиси намояндагони Маҷлиси Олии Ҷумҳурии Тоҷикистон, Сарвазир ва аъзои Ҳукумати мамлакат, роҳбарияти Дастгоҳи иҷроияи Президенти Ҷумҳурии Тоҷикистон, вазорату кумитаҳои давлатӣ, идораҳои назди Президент ва Ҳукумат, мақомоти марказии судӣ ва дигар ниҳодҳои ҳифзи ҳуқуқу тартибот, Академияи илмҳо, муассисаҳои олии таълимӣ, раисони вилоятҳо ва шаҳру ноҳияҳо, роҳбарони марказҳои татбиқи лоиҳаҳои сармоягузорӣ, як гуруҳ собиқ вакилони Иҷлосияи XVI Шӯрои Олии Ҷумҳурии Тоҷикистон, аъзои Шӯрои ҷамъиятӣ, Ҳаракати Ваҳдати миллӣ ва эҳёи Тоҷикистон ва вакилони як қатор иттиҳодияҳои ҷамъиятӣ, сиёсӣ ва эҷодӣ, роҳбарияти корхонаю муассисаҳои ҷумҳуриявӣ, бонкҳо, доираи тоҷирону соҳибкорон ва ҷавонони ташаббускор, намояндагони ҳайати дипломатӣ ва воситаҳои ахбори умум иштирок намуданд.

ПАЁМ – ҲИДОЯТНОМА БА ОЯНДАИ ДУРАХШОН

Имрӯз дар ҳудуди шаҳр ва ҷамоати шаҳракҳои тобеъ, корхонаву муассисаҳо ва ташкилоту идораҳо ҷомеаҳои меҳнатӣ ҷамъ омада, аз соати 10:00 то соати 13:00 тамошои мустақими телевизионии Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмонро ба Маҷлиси Олии Ҷумҳурии Тоҷикистон муташакилона ба роҳ монда, аз мазмуну муҳтавои он бархӯрдор гардиданд.

Аз ҷумла, дар Кохи “Истиқлол”-и маркази шаҳр бо иштироки қариб 300 нафар кормандони мақомоти иҷроияи ҳокимияти давлатии шаҳр ва зерсохторҳои он, дар 15 муассисаҳои таҳсилоти миёнаи умумӣ, муассисаи таълимии ғайридавлатии “Коллеҷи тиббӣ” бо иштироки донишҷӯёну омӯзгорон, дар осоишгоҳҳои маркази шаҳр “Баҳористон”, “Шифо”, “Соҳил”, урдугоҳи “Шоҳин”, “Усмонҷон” бо иштироки аҳли ҷомеаи меҳнатӣ, инчунин табобатгирандагоне, ки барои истироҳат омадаанд, тамошои Паём ташкил карда шуд.

Паёми Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон ба Маҷлиси Олӣ

26.12.2019, шаҳри Душанбе

Муҳтарам аъзои Маҷлиси миллӣ ва вакилони Маҷлиси намояндагон!
Ҳамватанони азиз!

Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад.

Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд.

Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд.

ЧАРОҒАКИ СОЛИНАВӢ ДАР “МАНИЖА”

Дар маркази шавқмангардонии кӯдакону наврасони “Манижа” маҳфили чароғаки солинавӣ бахшида ба фарорасии соли нави милодии 2020 ба вуқӯъ пайваст.

Раиси шаҳри Гулистон Фирдавс Шарифзода кӯдакону наврасонро бо фарораси Соли нави милодӣ шодбош намуд. Зикр гардид, ки бо ибтикори вакили Маҷлиси вакилони халқи шаҳр Турсуной Зокирова ҳамасола дар арафаи Соли нави милодӣ барои қариб 200 нафар муҳассилини муассисаҳои таълимии шаҳр аз оилаҳои ниёзманд чунин чорабинӣ роҳандозӣ мегардад.

Барои бачаҳо дасторхони идона густурда шуда, санъаткорони бахши фарҳанги шаҳр ва ҳунармандони театри лӯхтаки шаҳри Бӯстон намоишномаи рангини солинавии “Марҳабо, эй соли нави умедҳо!”-ро манзур карданд. Ҳамзамон, ба бачаҳо туҳфаҳои солинавӣ тақдим карда шуд.